關於 有彩蛋睇埋至走 ，我們在網路上蒐集到這些相關的討論、資訊與評價

睇咗尚氣啦！其實睇之前，都睇到好多人對呢部戲嘅評語，但係我作為Marvel fan屎，點可以斷呢。

睇完啦！係直升機囉！梁朝偉真係老咗，不過我都老啦，唔係都冇得買半價飛！

我哋呢啲80年代喺香港睇咁多武打片同動作片嘅，尚氣入面嗰啲所謂巴士內打鬥、三藩市大斜飛車、竹棚格鬥，真係睇到我都識打咁滯，又點會覺得吸引呢！連嗰條龍都令我諗起我上個禮拜食果條盤龍鱔，真係！

其實睇之前我都驚直升機㗎，不過作為Marvel fan 屎，點都要集齊全套嘅！

都係果句，好彩我買長者飛囉！

#何嘉麗callmegaga #何嘉麗 #出街玩
#嘉嘉劇透 #有彩蛋睇埋至走
#尚氣 #十環幫 #直升機 #伏伏伏伏
#梁朝偉 #有幾個眼神仲好吸引
#只不過係一套家庭倫理片
#如果唔係DoctorStrange阿王我都諗唔起佢係Marvel

當《反斗奇兵》發生在現實世界 (台釋: 玩具總動員)

反斗奇兵4 (台釋: 玩具總動員4) 在香港今日剛剛上映，因為自小便是反斗奇兵 (台釋: 玩具總動員) 的粉絲，所以繼當刺客教條發生在現實世界之後，我再次拍攝當電影發生在現實世界系列。

今集當《反斗奇兵4》發生在現實世界 (台釋: 玩具總動員) 不想只拍影評，如果大家有看我的頻道，就會知道我不只想當個影評人，我希望藉着重返YouTube，可以拍多一點短片製作。今次當《反斗奇兵4》發生在現實世界 (台釋: 玩具總動員4) 小試牛刀，與日本一班好拍擋兄弟合力拍攝。

如果大家喜歡當電影發生在現實的系列，記得Like和訂閱！我一定會再繼續這系列的。



「當《反斗奇兵4》發生在現實世界」拍攝初稿公開
(台釋: 玩具總動員)

鏡頭
- 整玩具Forky（遮身）
- 用心整完（正面）
- Forky完成品（特寫）
- 滿意離開房間（中距）
- 走進廁所痾屎
- 痾屎中
- Forky
- 痾完
- Forky
- 出門走至㩒?
- Forky
- 食飯
- Forky
- 買東西
- Foky
- 搭車
- Forky
- 回到家
- Forky在廚房
- 疑惑打電話報警
- ちょっと困ってるんですが、泥棒が部屋に入ったかもしれません。
- 睇下間屋有無嘢唔見
- 去警察局報案
- 返屋企
- Forky在原位
- Check露台
- 打電話
- 喂我懷疑我被人爆格
- 無嘢唔見
- 但我隻叉比人郁過
- 你咪撚笑啦我講真㗎
- 屌
- 苦街飲酒苦惱
- 返家見到Forky在廁所頂
- 發癲好驚
- 打電話比細佬
- 喂細佬，你喺日本咩？
- 唔好扮嘢啦。
- 你一定喺東京嘅。
- 喂喂喂你聽我講埋先。
- 我想話呀。
- 食屎都唔好走嚟我廁所食！食完唔該你放返我隻叉喺原位！仲有，個隻唔係叉，係Forky！
- Cut線
- 大力放電話在廁所頂。
- 拿走Forky
- 扔落垃圾桶

補：
加唔見咗
對望
Wing返嚟

完

相關影片：
https://youtu.be/0nMV80E-WmE


日本動態更新
Instagram: ernest_pch
Facebook: Ernest Docrazy

我學習做YouTube的地方：http://goo.gl/zNT6Ck

黑豹第一日上映我已經睇咗兩次，今次想用一個角度嚟貫穿今次嘅影評－就係「對比」。未講點解係對比之前我想大家睇黑豹唔係當佢係一部英雄電影去睇，而係用點解黑豹會係MCU十週年嘅頭炮電影去睇。雖然同以往嘅英雄電影一樣，劇情上都有一個公式，但無論喺鏡頭、畫面、對白、角色等等都有一定程度嘅象徵意義喺入面，而我會用「對比」呢個角度去探討呢種種方面嘅象徵意義。

(劇透)

先講講電影比我嘅感覺，一套兩個鐘多啲嘅電影節奏拿揑相當之唔錯，對白有一定嘅深度去建構每個角色嘅性格，唔同場面嘅對白交代到唔同嘅背景關係，例如一開頭T’Challa返到Wakanda同媽媽阿妹嘅對白會感受到佢地嘅溫馨，華生飾演嘅CIA人員審問偷汎合金嘅KLAUE個陣可以知道KLAUE走私Vibranium嘅背景啦，同埋會知道外面嘅人係真係對Wakanda一無所知。順帶一提，KLAUE就喺Age of Ultron到已經係走私Vibranium，佢隻手就係比Ultron斬斷。除咗對白拍攝手法都充分呈現到Wakanda係一個點嘅國度，首先會有好多wide shot比觀眾睇到成個Wakanda嘅picture，另外我好鐘意好多「一take過」嘅鏡頭令到個空間感好強，呢種類型嘅鏡頭會令觀眾更加容易遊覽一個好大嘅空間，例如舉行儀式個陣女侍衛團用長矛打地嘅震動落水再出返天空wide shot去瀑布、賭場入面嘅打鬥由上面嘅Okoye一take影落下面嘅Nakia再cut去T’Challa打到上樓上同KLAUE對持射爆咗個錢箱，仲有華生喺實驗室起身，令幾個shot都係我個人最鐘意。

言歸正傳，我地開始入「對比」呢個角度。

十年前後的對比
十年前，MCU第一部電影IRONMAN，已經同樣地都係英雄起始電影。其實我自己會覺得MARVEL STUDIO係特燈揀黑豹做十週年頭炮嚟同IRONMAN做一個對比。首先，英雄嘅特徵其實係幾相似：超有錢、有高科技support、同樣地都係用盔甲嘅英雄。其次，故事劇情都係圍繞住英雄性格嘅改變。我會認為MARVEL STUDIO想透過用同樣都係英雄起始電影，呢十年佢地有幾大改變。而講述T’Challa作為一個國王點樣蛻變嘅故事正正可以象徵住呢一點。

Tony Stark同T’Challa嘅分別係咩呢？十年前MARVEL喺破產嘅情況底下問銀行借錢搞MCU，但個陣如果佢地失敗就會失去差不多全部角色嘅電影版權（我會推薦超粒方出嘅邁向無限之戰IRONMAN篇比大家睇）。作為第一部MCU作品，IRONMAN講嘅係一個風流自大嘅天才點樣改變，喺個陣嘅Tony Stark你唔會搵到成熟嘅感覺，就好似IRONMAN電影本身，係一個各方面都能力有限嘅新嘗試，我認為IRONMAN嘅成功會喺因為本身英雄選角得啱同副甲好型呢D因素，因為我本身覺得睇英雄電影呢件事就係大概知道劇情係點，入去只係會集中睇D動作場面同英雄點型法身上；而經歷十年嘅黑豹，由T’Challa性格已經話到比大家知佢本身已經夠成熟成為一個國王，故事就係話比大家知佢要點樣去成為一個獨當一面嘅國王，亦同Marvel一樣，MCU已經喺一個成熟發展嘅階段，以十週年頭炮嘅黑豹話比大家知，一部英雄電影係可以建構出Marvel獨當一面嘅深度。

所以我會認為故事藉著用「對比」呢個角度話比觀眾知黑豹比起十年前已經係一個有故事兼且成熟嘅英雄，所以電影入面都會有好多「轉變」帶出對比感。

先講主角T’Challa嘅轉變
T’Challa喺電影嘅形象由一開始已經係好冷靜沈穩，無論喺開頭同Bako嘅挑戰儀式最後叫Bako投降話啲族人需要佢再去到中段佢同華生嘅交談show到佢嘅外交能力。但有一樣嘢佢需要改變就係Wakanda過於傳統嘅思想，而佢點先可以察覺到呢樣嘢再改變呢？其實電影一開頭已經舖咗路。一開頭喺飛船嘅時候Okoye叫T’Challa見到佢個ex Nakia嘅時候唔好嚇親，佢就話 I never freeze 佢從來都唔會嚇親，但佢一見到Nakia就真係比佢嚇親，喺果個時候嘅Nakia係一個扮難民嘅間諜，呢一個嚇親可以係一個唔知道外邊世界苦難嘅國王見到呢啲苦難而被嚇親，電影中Nakia可以代表住兩樣嘢：1. 一粒改變Wakanda傳統嘅嘅種子 2. 相對代表住國民嘅離心。所以喺電影開頭已經喺T’Challa同Nakia嘅相遇，T’Challa潛意識已經被落下種子要改變Wakanda，亦呼應T’Challa想成為一個好國王嘅心。咁點解佢嘅轉變就一定係變好先，電影亦都透過好多場景比較呈現：

(一) 同先王嘅對比
T’Challa同爸爸喺祖先平原對話，從兩次對話嘅比較可以見到先王T’Chaka都有呈現一種只為國家著想只為國家做事嘅感覺。第一次個仔同佢講話仲未ready，佢就反問返個仔「你唔係已經準備咗做國王好耐喇咩？」，個仔就話係未ready無咗佢。第一次對話已經表現到先王對於國家以外甚至親情都擺喺後嘅感覺，比起先王T’Challa更加有自己嘅情感，之後佢爸爸就話It’s hard for a good guy to be a king，就正正講緊先王認為T’Challa重感情係一個好人，但咁樣好難做到一國之君，相反不理一切只跟隨制度去做就更簡單。連埋第二次嘅對話嘅比較，比起重親情嘅T’Challa，佢可以不理親情殺咗細佬掉低個侄，所以第二次對話最後T’Challa指摘爸爸係錯嘅時候已經不再迷惘，象徵當下已經用自己嘅見解打破Wakanda嘅傳統思想。喺畫面上我地都可以留意到第一次對話背景係黑夜，可以象徵當時T’Challa當時仲有迷惘；而第二次對話以清晨做背景，象徵T’Challa嘅醒覺。

除咗呢兩幕嘅對白仲有喺Zuri同T’Challa講完佢老豆嘅黑歷史之後話「We must maintain the lie」，下一幕就係T’Challa同Nakia講出呢個秘密。呢一幕嘅剪接好快話比觀眾知佢係唔會接受先代一成不變而造成嘅惡果，再將呢個秘密話比一個象徵改變嘅女伴知。仲有一幕就係當T’Challa問Baku借兵嘅時候佢話佢唔代表歷代皇帝，呢句說話表面係打動Baku，亦代表佢係打破歷代傳統開始統一緊Wakanda。

(二) 國王嘅對比
電影用Killmonger呢位皇帝同T’Challa比較，顯得T’Challa嘅轉變更具意義。佢嘅堂兄弟係一個充滿仇恨嘅皇帝同樣地想打破Wakanda傳統制度，Killmonger非常激進獨裁。雖然都係一個Wakanda人，黑人問題令佢喺外界充滿仇恨，眼中只有仇恨會令一個人失去理智；相比之下，同樣面對殺父之仇嘅T’Challa喺美國隊長內戰最後理解事情真相化解仇恨，但電影表現嘅Killmonger連真相都無理解到最後帶著仇恨死亡，因為最後當T’Challa想救佢嘅時候，Killmonger都係睇成一種要救返佢囚禁佢嘅仇恨而選擇離開。反映著即使要破舊立新都好，太過激進都係會物極必反，過於保守又會太過無情帶嚟惡果，凡事都要有個平衡立新得嚟都要保護到國家。電影中亦有用武器同裝備去象徵呢件事，兩次嘅挑戰儀式T’Challa都用咗攻守兼備嘅武器，表現除咗進取嘅態度亦有沈住氣嘅防守意識，相反Killmonger用嘅全攻形亦反映佢激進嘅態度；另外喺黑豹嘅suit upgrade個陣T’Challa同阿妹講原本套甲係”The idea by not being noticed”，所以佢揀咗紫色嘅甲，而Killmonger係用比較顯眼嘅金色，都有表達T’Challa沈實嘅一面，同埋如果紫色代表心型藥草的話，我會覺得係即使佢要改變制度都好，尊重而且保留傳統嘅美德都好重要。

其實講到呢度，黑豹對於主角T’Challa嘅背景、感情建構同埋同其他人物嘅關係已經落咗唔少功夫。跟著我地再可以睇下電影點樣表達點解跳出傳統思想咁重要。

有句對白印象好深刻，當Nakia叫Okoye一齊逃走個陣，Okoye話雖然佢好想跟佢哋走，因為要「效忠國家」所以佢唔走，呢度又一個例子表現盲從令人甚至放棄感情都唔敢違抗制度，作為對比嘅Nakia聽到Okoye叫佢「效忠國家」佢嘅回應就係佢會「拯救國家」save the country。先王T’Chaka講過佢掉低個侄係因為「He chose Wakanda」又係一個例子表現盲從令人無情，所以有自己思想嘅T’Challa當時話佢老豆係錯準備去執佢D蘇州屎個陣，都已經講緊盲從傳統令人無情甚至後患無窮，要有自己嘅思想先可以改變國家，獨當一面。 呢個思想係咪都講緊Marvel Cinematic Universe唔再好似傳統英雄電影咁，以十年第一炮嘅黑豹去表達MCU可以破舊立新地塑造一套獨當一面嘅英雄電影。順帶一提當Killmonger燒哂D心形藥草下一幕係一個鏡頭調轉嘅畫面影住佢行去坐上王位，燒草表達緊消毀傳統，連接畫面調轉暗示成個國家會被呢個行為顛覆同埋表達Wakanda政權已經被佢推翻。

最後電影以兩個首尾呼應嘅對比去令黑豹完滿。
第一係喺開頭嘅挑戰儀式T’Challa大叫佢係”Son of T’Chaka”之後一鼓作氣勝咗場比賽，到最後mid-credit scene嘅conference再以”Son of T’Chaka”介紹自己，以同一句對白但兩個不同場面首尾表達T’Challa已經由憤概轉變成熟。第二就係，十年前後嘅首尾呼應，十年前嘅IRONMAN最後Tony Stark係記招同世人宣布自己係IRON-MAN，有一種逞英雄嘅感覺；十年後以一個特徵相似嘅英雄黑豹，同樣地要顯示比世人知Wakanda有能力幫助出面嘅世界，十年轉變，黑豹係代表成個國家，而且最後嘅鏡頭同樣地都係影住佢地嘅笑容T’Challa嘅笑係充滿自信而Tony Stark當時嘅笑係有猶豫係入面㗎，所以透過呢一個十年嘅首尾呼應，Marvel係同大家講：MCU已經唔係代表住英雄電影咁簡單，而係不再猶豫、自信地話你知係代表住一個世界。

最後送返啲彩蛋比大家
1.當阿妹Shuri見到哥哥對鞋嘅時候大叫”What are thoooose!?”，係一個外國嘅vine joke嚟，大家可以上網search下。

2.當華生送入Shuri個Lab嘅時候佢話 ”Another broken white guy?” 即係話之前都有一個白人送過入嚟，就係講緊End-credit scene嘅Bucky喇。

3.反派Killmonger出生地Oakland其實係導演Ryan Coogler嘅出生地同埋係一個1966年成立都係叫Black Panther嘅政治團體嘅成立地，仲係喺Marvel出咗黑豹呢個角色幾星期後成立。

4.飾演T’Challa爸爸同佢爸爸後生時候嘅演員係兩父子嚟：Atandwa Kani, John Kani

電影有起碼3個位係向漫畫致敬
－同犀牛打鬥
－被扔落瀑布
－黑豹裝嘅金色頸鍊

相關影片：
看黑豹必知的漫畫知識
https://youtu.be/IY9Y0559IG0
《黑豹》Black Panther 香港版製作特輯 - 彩蛋！
https://youtu.be/_fnPV4i_Zx8
【影評+片尾畫面】黑豹|彩蛋
https://youtu.be/tebkAeKCcAE

想留意更多我的動態，記得緊貼Ernest Docrazy
Ernest Docrazy社交平台：

Ernest Docrazy channel:
https://www.facebook.com/DuoCRAZYTokyo/
Ernest DoCRAZY facebook:
https://www.facebook.com/ErnestDoCRAZY/
Ernest instagram:
https://www.instagram.com/ernest_pch/

30天升10000訂閱：http://goo.gl/zNT6Ck
雷神索爾3諸神黃昏 5大彩蛋+片尾解析 連接復仇者聯盟3無限之戰

＝＝＝＝
雷神電影去到第3集，戲中有好多位都有refer返MARVEL之前出過的電影，今次就連埋戲中的彩蛋同大家講解下。

(劇透)
＝＝＝＝

SUN’s getting real low
在Hulk變返Dr. Banner的時候，雷神不斷同Hulk講過一句”Sun’s getting real low”去平伏他的心情。在這度先交代返在Avengers2的最後Hulk自己坐著隻飛船漂流，連接著雷神3，最後漂到這個星球。而嗰句”Sun’s getting real low”就是在Avengers2入面，同他互生情愫的黑寡婦平伏變成Hulk的Dr.Banner個陣講的說話來的。

Contest of Champions
戲中的競技場被賽：Contest of Champions是在漫畫同現實都有的名來的。在漫畫都是一個MARVEL英雄互相對決的事件，包括IRON-MAN、SHE-HULK、黑豹等等。而在現實是一隻手機遊戲來㗎，我諗大家都估到是咩遊戲。

Point Break
雷神準備啟動HULK來個隻飛船的時候要密碼啟動，這幕好好笑，他試了好多次最後用POINT BREAK這個字先access到。Point Break是在Avengers1的時候Tony Stark叫他的稱呼，原因是Point這套戲的主角同雷神的髮型好似。

Immigrant Song
電影的開頭同結尾都播著一首好正的歌叫「Immigrant Song」，歌名直譯就是移民之歌，同劇情最後Asgard的人要移去地球已經相應，另外歌詞仲有一句”The hammer of the gods. W’ell drive our ships to new lands.”錘仔之神、會揸我地隻船去新的地方，都同結局呼應㗎。而在漫畫入面Asgard都有在地球重建過㗎。

洛基的回憶
當雷神被HULK單手捉著是咁Fing落地個陣洛基大叫話 你都知道是咩感覺喇 就是講緊Avengers1他最後被Hulk用同樣姿勢捉著來打，個幕是非常經典㗎

＝＝＝
跟著我會解釋一下片尾1的畫面，內容同Avengers3在Disney的D23 Expo播出的預告有關，不想知的朋友可以睇下我的日本片轉下情緒。
＝＝＝

片尾1我地會見到坐在飛船去地球的Asgard子民被一隻大宇宙船擋著。在D23播出的Avengers3預告入面，一開始會見到暈了雷神撞了落Guardians of Galaxy的飛船上面，所以擋著雷神他地的宇宙船好大機會就是Avengers3最強反派Thanos隻船，至於點解雷神同撞落銀河守護隊隻船到這？以下是推測劇情：

戲入面我地會見到最後洛基去寶物庫的時候經過見到Avengers1放在Asgard保管的空間寶石。

===
不知是咩的朋友可以睇下我這條片，講哂MCU在Dr. Strange之前出現過的寶石在哪。
===

洛基見到空間寶石有機會是他拎走埋粒寶石，而需要粒寶石的Thanos就搵到洛基要他交粒寶石出來。相信雷神就不會就咁被他拎走同他打起上來但不夠打被Thanos整暈並且流放宇宙，而洛基一是就交出寶石換大家安全，一在就被Thanos滅團，總之最後Thanos就攞到空間寶石，因為在Avengers3預告入面有個畫面是他戴著手套已經有空間寶石在上面。而片尾解釋就去到這度，大家請好好期待Avengers3！十年的Marvel Cinematic Universe終於走到打大佬這步！

＝＝＝
好啦今次的彩蛋同片尾解析就去到這度，我知仲有好多彩蛋未講，因為我在日本啲戲上映太慢所以我見好多人都講了就廢事重複太多。不過大家都可以留言討論㗎！鐘意的記得LIKE同分享
支持下我，仲有記得訂閱同響埋個鈴即時睇新片呀喇，下次見！

相關影片：
為什麼《雷神索爾3》看起來這麼歡樂?! | 超粒方
https://youtu.be/QHnoFU_rifU
雷神索爾3 結局+片尾解析! 無限之戰的開端?! | 超粒方
https://youtu.be/V4hb9Jqns1U
【影評+片尾畫面】雷神索爾3|彩蛋|
https://youtu.be/hs19x34FOmA

想留意更多我的動態，記得緊貼Ernest Docrazy
Ernest Docrazy社交平台：

Ernest Docrazy channel:
https://www.facebook.com/DuoCRAZYTokyo/
Ernest DoCRAZY facebook:
https://www.facebook.com/ErnestDoCRAZY/
Ernest instagram:
https://www.instagram.com/ernest_pch/