臨時拉伕，前晚幫個朋友去咗個casting。
初時以為簡單講幾句，去到studio先知原來要做戲，當我背緊嗰幾句對白嘅時候，負責人走埋嚟問：
「你係APA畢業？」
「我唔係。」
「唔...咁今次casting對你來講可能有啲難。」
空氣靜咗三秒#咁你想我點，雖然有啲擔心陣間會嘥咗佢啲時間，但係一場嚟到又無可能即刻走，唯有講咗句：
「我即管試試。」
講到做戲，一直都係有緣無份。中七高考因為SARS我驚考得唔好，所以諗住考下APA school of drama嘅學士學位試試佢，點知未接受過任何演劇訓練嘅我竟然直接收咗！其實到而家我都唔知點解APA會收我，我只係記得考官問過我一句：你可唔可以即刻喊？然後我喊到收唔到聲。
當年父母只想我有個學士學位，所以對於我讀邊科完全無意見，第一時間就已經俾咗deposit。一星期後Poly話我由waiting list轉咗有offer，當時只有18歲嘅我係個怕寂寞無自信嘅一個凡女，心裏面只希望將來搵一個白馬王子，然後走一條平凡路，而且我對額頭嘅疤痕好無信心，就算做明星都未到我文浩頤啦！最後我都係揀返讀Poly，而對於退唔到嘅嗰筆deposit，我到而家都仲有少少內疚😕
又三年前，朋友介紹我去cast一個歌舞劇，除咗公然30場，仲有名牌監製，應該會學到好多嘢。抱住玩吓嘅心態又幸運地一cast即中，中咗一個唱歌跳舞同埋有小小對白嘅小角，但係最後因為時間同價錢問題，最終無緣。#三十場萬五蚊每場五百 #仲要未計排練 #又想話俾個機會我
間中講返比啲朋友聽佢哋都會問：有無後悔無入到 APA無做到演員？
幸運地，呢條問題好少出現係我腦海入面。因為就算最後我無演戲，我都有跳舞。跳舞並唔係我嘅退而求其次，係順其自然不強求地出現係timing。能夠接觸到跳舞其實都係因為入咗Poly，估唔到跳舞竟然成為我職業之外，更將我整個人生同性格完全改變。如果當初我一直抱着凡女嘅心態過活，怕事又無勇氣去為人生增色，我諗我就應該會成日諗”如果”。其實甘於平凡並唔係丟臉嘅事，怕就怕你拒絕平庸，又缺乏鬥志，然後夜闌人靜一個人瑟縮被窩，見住同齡朋友升職加薪，或者達致理想，又要唉聲嘆氣滿身怨念...自己親手打造得過且過嘅結局，將自己行至於尷尬嘅境地，你又可以怪誰？#有心唔怕遲呀大家
慶幸當時嘅我懸崖勒馬，最後都係揀咗the road less travelled。#多謝你
短短10分鐘嘅casting入面又係要喊，最後喊唔出只做到眼泛淚光🥺，好彩負責人對於我呢個”新人”都有小小正面評價，又突然令我燃點起做戲團火苗。如果大家有啲咩戲劇course推薦可以話俾我。
就睇吓你係咪真係咁有緣無份。#廢腑之鹽
#人生要無悔
#試吓唔會死
#女人像鹽
有course去呢度inbox我🧡
Instagram.com/missyboni
有心唔怕遲呀大家 在 有心唔怕遲 - YouTube 的推薦與評價
【有心唔怕遲#4】多多益善❣️一分鐘麵包大挑戰 | 流浪動物需要大家的幫忙 ... 【有心唔怕遲#2】No Mirror Makeup 無鏡化妝大挑戰 ｜朋友被迫素顏上鏡 內含 ... ... <看更多>