港女的擇偶條件 - 王貽興
有港女列出擇偶條件，水蛇春咁長，震驚七百萬港人。
條件如下：身高要有175以上，不可太瘦但又不可太肥，身形要好睇，樣子要靚仔，起碼個樣仲要睇落醒目，要專一又要有樓有上進心，不可以孤寒，要識氹佢關心佢照顧佢，脾氣要好，仲要對佢屋企人好，一定要係專業人士，要有深度，但又不可以太悶，要有情趣，但又不可以口花，但又不能太老實，要有點古惑，但古惑得嚟又唔可以呃佢。
睇完真係成頭問號。咩叫唔可以悶要有情趣但又唔可以口花？唔畀口花但又唔可以老實？可以古惑但古惑得嚟又唔可以呃佢……媽啊我好亂啊。
老實講，就算香港娛樂圈接近一半所謂明星藝人，都會被呢條女既所謂條件一竹篙掃低，全部唔合格。
正所謂莫道你在選擇人，人亦能選擇你，供求與巿場本來就講條件與資格，你有資格，自然就能提出條件，問題在於，提出這一大堆條件的妳，又具備什麼條件，有何資格？
當然，如果你是全盛時期周慧敏林青霞或者舒淇等女神級數，秀外慧中，仙氣逼人，既有外表，又有內涵，提出這些條件固然無可厚非——話說回來，有內涵的人，又怎會提出這些膚淺的條件？
我們看一個人的水平與內涵，就看他開口要求什麼。當你的智商水平連孤汗與孤寒都寫錯，思路混亂矛盾得要求對象唔可以悶要有情趣但又唔可以口花 / 唔畀口花但又唔可以老實 / 可以古惑但古惑得嚟又唔可以呃佢，她的智商、見識與水平如何，大家也心裡有數，不必再花時間跟她們辯駁了。
當你沒有資格，卻又不自量力，提出跟實力與巿場無法掛鈎的要求，除了被人掩住半邊嘴恥笑，就落得一輩子無人問津的下場，還以為是紅顏薄命，上天播弄，不知道是自己出了問題。
不要以為香港地產巿場扭曲不合理仍然繼續存在，兩性巿場就一樣可以鋼性需要千古不變，與其跟一個整天好高騖遠、埋怨屈就的伴侶一起受罪，大部分男人，還是寧願繼續單身好過。
原文：ELLE
#愛情 #社會
