🤔所謂LGBT+音樂即係乜？
🎶一首歌曲是否LGBT+音樂取決於兩個因素。
一是創作者原意：創作者是否公開表示該歌曲是以同志作為創作主題。
例如鄭欣宜曾喺演唱會上表示《黑彩虹》一曲是獻給同志社群。
二是受眾：該歌曲是否能與同志共鳴，或能令大眾聯想到同性戀。
例如黃偉文填詞嘅《命硬》，歌可能本身無特別寫畀同志，但歌詞讓同志很有共鳴，加上呢首歌嘅MV畫面有唔少所謂嘅禁忌戀情，其中包括同性伴侶。喺2006年嘅國際不再恐同日IDAHO+，呢首歌仲拎咗出嚟全場大合唱，喺本地同志社群真係好多人都識唱呢首歌㗎。
香港同志音樂嘅表達手法其實反映左同志社群嘅現況，早期嘅同志歌歌詞很隱晦。創作者不會直接在歌名、歌詞、MV點明這是關於同志嘅故事，而係會用暗喻、暗示等手法，讓人有聯想空間，表達方式相對含蓄內斂。
《露絲瑪利》到《再見露絲瑪利》也沒有專屬MV，只是一些現場演出剪輯而成嘅影片；《勞斯萊斯》的歌詞寫住「勞斯和萊斯都是花樣男子」，但MV呈現嘅卻係男仔誤將女仔當兄弟嘅梁祝故事。大概到2012年C All Star嘅《少數》先見到唱片公司願意投資製作直白表達同志出櫃訊息嘅MV。 (#有錯嘅請指正呀)
從前到現在，呢啲歌曲除咗描述對社會壓抑下嘅無助和痛苦外，亦帶俾我哋希望同埋支持嘅訊息。不要因為旁人反對而輕易放棄，以音樂安慰心靈，提起勇氣面對。
#讓我們堅持的是希望
---
之前我哋同嶺大文化系同學仔Ellen仔討論咗啲關於 #LGBT音樂 嘅睇法
我哋討論決定用佢篇essay整理成幾個post 希望同大家傾多啲
你哋又留言講下你哋嘅想法呀？
#另外有無人覺得新嘅實現員插畫幾好
#畀啲掌聲鼓勵
文：Ellen
編：Kenn
插畫：Jesscia
