［我睇咗啲乜？］並非挑機踢館踩場，但，執執佢好喎。咁都出得街？「不如請我去做丫？」
TLDR：堆文案想點？個圖啲刻度想點？仲有，其實想表達乜？想個客做乜？
本人 Patreon， 投資理財金融經濟國際，一個星期至少三篇，一個月一舊水唔使，開張幾日已過300人訂，仲有兩篇免費試睇：https://bit.ly/3fUjd1e
1. 呢張東西，朋友畀我，香港土生土長，台灣有匯豐戶口。呢個就係台灣匯豐畀佢嘅宣傳。朋友唔係金融人，但都話黑人問號。
2. 我都好謹慎，在自己朋友圈子，send 咗去幾個不同群組，見人人都負評我先敢打呢篇文。廢事原來係自己柒啦。小心啲好。
3. 先講，本人一向唔阻人搵食。不過，「聽聞匯豐呢期人人得以誅之」，香港啲小股東又鬧，中國又鬧，英國又鬧，「美國好似冇鬧但罰錢」。而且，反正只係講份嘢，又唔會對人。最重要係，匯豐台灣啫，唔係香港人。隔住個台海都睇到我個post又識廣東話就我都冇計。下次我去台北請你打邊爐點話（話時話，佢地總行在信義區，出面猛鬼嗰間Hyatt過啲）
4. 首先，講中文。實情有人懷疑我去捉人中文好似都冇乜說服力，但我想講，台灣中文文案普遍比香港出色，if only 多咗啲文藝肉麻。呢份嘢嘅中文，以大公司嚟講，就真係唔係好掂。頭三舊第一句寫日期，之後根本唔使再寫兩次五年，亦唔使寫幾次美金兌港幣。另外，感覺好似英文硬譯返嚟咁。
5. 不過呢啲唔係最大問題。更大鑊係個圖。想點？右手邊個刻度搞乜春？有常識嘅都會用7.75-7.85。事實佢條紅線都係。咁你鍾意7.74-7.86表示有啲飛咗出去，刻度7.74，7.76咁一路上，冇話唔得，核突啲，都好過而家
6. 更大問題係，你望下，上面條7.85線，就在7.84上少少，然後你望下7.82在邊？明顯個比例係錯晒，亦即係條線亂畫。另一證據？佢左手邊個扑屎，話最高7.8501嘛，咁你睇7.85線上面嗰啲，就肯定唔止0.0001。
7. 7.75線呢？好似啱啱地位。離7.76個位，似乎比較正常（可以同7.78比下）。但問題又嚟，左手邊個扑屎，最低7.7498嘛，但我好似冇見到有邊度係低過條7.75。
8. 好啦，上面呢啲語文呀，圖嘅問題之外，仲有一個更大嘅問題。
9. 就係，到底你想點撚樣呢？你想個客做乜？
10. 同情地理解，就係，以前要7.85港紙先買到一美金呀，而家7.75就買到。你仲唔換晒啲港紙做美金？咁至於背後政唔政治呀，呢啲就唔係我會理嘅地方。
11. 之但係，兩個問題。第一，其實呢句幾搵笨，除非你賭聯匯脫勾，否則，港紙去到7.75，就冇得再升架啦，只會跌冇得升（＊）。掉轉解一樣，美金唔會再平架啦。但，有何意義？我7.75 同 7.85爭幾多？1%。你不妨估下匯豐一出一入食你幾多（仲要係在台灣喎）。都唔好計港紙息同美金息唔同。而其實，真係一句可以講完，港紙去到強方保證，咪冇得再升咯。（＊＊）
12. 而你睇佢右下角嘅「好康」（所以一睇就知台灣匯豐），換78萬港紙我先其實慳咗4千，多謝喎，0.5%，都好過冇— 但！呢度又出問題。其實佢都有寫，佢呢個計法，係計彭博機上面個價—咁就搞笑了，即係根本你行入台灣匯豐，完全唔會做到呢個價（何況，只係區區十萬美金）。根本你在香港匯豐都做唔到，做電（＊＊＊）都唔得，做現鈔更低—仲要在台灣做！慳返4000？我冇細睇，但我斷估，實際上你慳返1000都冇，甚至倒輸畀佢。在台灣用港紙換美金，唔斬你斬邊個？
13. 呢度亦帶出最後個問題：到底呢份嘢，點解會在台灣出？正常台灣人唔會有咁多港紙。咁定因為我朋友香港人但在台灣開先收到？咁呢啲人有幾多個？仲有幾多個會在台灣拎港紙換美金？定香港都有出呢份嘢，拎去埋台灣用？＝但我幾肯定，香港匯豐應該未淪落到咁地步，至少張圖冇可能出到街吧？
14. 順帶一講，如果你估聯匯唔甩，咁理論上，的確港紙7.75就強方，只會跌不會升。但又係嗰句，係呀全世界得你一個知呀可？你當銀行啲刁拿死的？本人炒電時你分分鐘都未出世（講笑啫，本人2004年開始炒電）。即使係銀行刁拿，都冇肉食（否則點會在7.75？），你要考慮埋個資金成本，何況你？
15. 真的，香港嘅大貓員工，見到就同台灣人講聲吧。「或者考慮請我過去做」。不過真係正經，我估整呢份嘢啲友，人工係我呢度版友嘅三或四份一，所以將就下，一分錢一分貨。真的，台灣做金融，人工就係香港三或四份一，越高層折讓越大。
拿，雖然有Patreon，但呢邊都係仲有嘢睇嘅，冇呃你啦。不過Patreon我又唔會貼呢啲交貨。
（＊）不過話說回頭，唔好以為聯匯脫勾港紙一定跌。其實邊個話你知一定係咁？傳統智慧嘅嘢。你用好多其他measures，其實港紙對美金係低估。例如睇巨無霸星巴克就知。
（＊＊）又其實，有人以為股票跌到1個仙就唔會再跌，所以買就冇得輸。我希望我啲讀者冇咁笨。不過如果你唔明有乜古惑嘅，都可以留言問嘅。
（＊＊＊）再講一次，術語。N年前初入金融，有次去萬惡嘅HKMC（你買按揭保險）見工，肥仔劈頭一句就問我，「啲電點睇」。幸好我未廢到以為佢問我電費。電者，美電是也，USD/HKD TT。現鈔價當然更差。
————————————————————————————————
最新收費影片：點解買金？點樣買金？點解港紙好快會下試7.85？咩公司20年冇減過派息？仲有咩疫情受惠公司少人講？
簡介及以前嘅片（未睇可訂）：https://bit.ly/3iYMD0F
報名嘅，課程編號CC007：https://bit.ly/3ahugA3
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
內容:
*美元弱勢，港紙將更弱勢
*紙將將由7.75趺落7.85
*買黃金:美元受壓銀紙亂印
*買黃金的四個實戰方法
*另類疫情受惠股
本星期內特惠售價: $80
課程編號：CC007
觀看期限：首次播放後一星期及限每影片４次
客服whatsapp: 63832145
