【一劍入魂】專訪本地劍球第一人李浩翔:https://bit.ly/3CjqX8B
李浩翔在荔枝角D2 Place開設「劍玉兄弟」攤位一年多,售賣自家生產的合規格劍球,亦可能是香港唯一售賣標準設計劍球的地方。對他來說,劍球店是他的親生仔,是他費盡心血心思所湊大的親生仔。
他在中學年代接觸劍球,至今已是本地元老級的劍球運動員,曾奪得第十四位的世界排名、創辦香港花式劍球協會、開設劍球商店、舉辦劍球比賽...生活和工作總是離不開那十字形的木條和圓圓的木球,他和劍球的緣份,原來是在「十蚊店」結下...
- - -
《明周文化》推介:
【米蘭設計周2021】從爆破中誕生的家具 葡萄牙設計師的疫情實驗
https://bit.ly/38PQBFh
【粗獷建築】Be Brutal!不從主流 粗中見細 粗獷建築教會我們的事
https://bit.ly/3hnD7VA
- - -
◢ 緊貼明周文化 ◣
MeWe:bit.ly/3oCfmuo
Instagram:bit.ly/2TORYuE
YouTube:bit.ly/2klNzmB
Telegram:t.me/mpwchanneldepthreport
#劍球 #香港運動員 #劍玉兄弟 #香港花式劍球協會 #李浩翔 #劍玉 #運動 #kendama #我就是我
木球 世界 排名 在 畢明 Facebook 的精選貼文
做職業運動員係一件非常之寂寞嘅事。
見到 @黃文萱LeticiaWong講得咁清楚,我都想講吓自己嘅經歷。同埋再講一次,伍家朗真係好好波,識打羽毛球嘅人一睇就知,打到佢咁水平係極唔容易,大家唔好忘記佢曾經贏過林丹。
細細個,我打羽毛球都真係幾叻嘅,原因好簡單,我嘅童年同青少年,基本上係喺CCC渡過。即係跑馬地口嗰間木球會,我好鍾意打波,瞓醒就跳住去打,有啲天份,亦幾勤力,後來CCC有埋泳池就打完波游水,絕對係一個多動症兒童。去到中學, Form one我已經打贏晒全校,順手打埋校隊打埋學界,有教練叫我去打港隊青年軍,什麼去銀禧集訓,什麼練體能,老實講去到佢寫嘅第二第三點,我已經放棄咗。
我唔鍾意練體能嘅枯燥,同堅辛苦,亦都覺得生活只有訓練太過單調。(我咁鍾意吃喝玩樂enjoy life! 中五嘅時候,Eng Lit嘅老師Miss Luk苦口婆心同我講:會考喇,你真係要勤力啲唔可以再enjoy life喇,但我冇聽佢講,仍然enjoy life,不過成績都好好)F.3 嘅時候,我老竇同我講,唔可以再成日打波,一係揀讀書一係揀打波,揀打波你讀書唔會好得去邊。香港亦都冇好似美國北卡(North Carolina University)專比籃球精英讀大學嘅地方,米高佐敦同Vince Carter都係嗰度畢業。
當時我諗,如果變成職業運動員,我應該唔會enjoy,而讀書我都真心鍾意。結果我揀咗讀書,同貪圖逸樂,所以對於啲選擇刻苦,長期受高度紀律訓練嘅專業運動員,我有無比嘅respect。
實不相瞞,小學嘅時候,PE先生已經睇得出我骨格精奇,抽咗我出嚟訓練,叫我跑學界短跑。全間小學,得我一個人跑,同學仔上堂、玩,我就俾先生叫我孭住個好重嘅背囊,負重喺操場跑圈,當時冇乜嘢專業器械,老師係咁將一啲好厚、一磚磚嘅書塞入個背囊度等我個袋重啲,然後就叫我跑。全學校得我一個,去比賽得我一個。嗰時我讀緊小學,訓練嘅時候你就會知道你會冇晒朋友,冇正常生活,天煞孤星一樣。我仲記得,老師帶咗我去PE房入面一堆釘鞋度揀我嘅size,都唔知有幾多人着過,殘殘舊舊嘅釘鞋佢叫我揀一對,其實我都唔係好啱着,就着咗去比賽。係去政府大球場,當年仲未裝修,有啲荒蕪,跑咗第一,對釘鞋仍然係咁核突。我覺得做運動員好慘。
或者你有所不知,網球名宿Agassi同佢老婆嘉芙,兩公婆打網球咁叻,世界第一,但佢哋係嚴禁自己嘅仔女做職業網球手,覺得付出太大、壓力太可怕,而且會冇咗正常生活。我嘅小打令希臘網球手Tsitsipas,目前世界排名第四, 22歲,五年前即係佢17歲時轉打職業,啲人訪問佢,佢好坦白咁講,話佢嘅青少年時期,從來未睇過演唱會,未去過所有年輕人去玩嘅活動,平日只有訓練同埋比賽。
講咗咁耐,最想講嘅係,做高水平嘅專業運動員真係好唔容易,做香港嘅運動員,更加唔容易,伍家朗曾經世界排名第六,依家都排第九。今日大家好記得張家朗,希望香港人唔好淨係喺國際大賽,同埋攞到獎嘅時候,先記得撐香港嘅運動員,因為佢哋係比賽之間、攞獎之間,仍然係努力不懈咁好辛苦去鍛鍊。
張家朗又好伍家朗又好,其他不知名嘅香港運動員都好,佢哋嘅努力,好多時係我哋睇唔到嘅,我特別希望香港嘅廣告客戶,多啲留意一啲未必係最高調嘅香港運動員,我好相信佢哋嘅故事,佢哋嘅堅毅,佢哋嘅努力,係可以做到好好嘅代言人。
至於我自己,體能上嘅刻苦我未必夠堅持,但精神上、知性上、創作上、文字嘅馬拉松,我從不鬆懈,每一篇稿都用最謙卑最專注嘅心情,好認真咁唔俾自己揸流攤去寫。
點解咁辛苦做廣告都要寫稿,係因為想任何時候都繼續磨劍,我相信「寫學雙長」,希望唔好俾自己懶,長期練好個腦嘅能量。從未停過飢餓地去睇書、強迫症地吸收知識同新事物,希望令自己可以比到更有營養嘅創作、文章同內容大家。我稿品應該係唔錯嘅,廿幾年來從未脫稿,從未臨時請假,夜晚2 am先放工,我就返到屋企寫到朝早六點。
每個人,可以揀一條同自己過唔去嘅路,埋首刻苦耐勞咁去行、去修,亦係一種幸福。希望呢種辛苦幸福,唔好太過寂寞。
再一次,多謝支持我Patreon,等我可以繼續創/寫作嘅每一位,多謝你哋。
#有感而發啫
#撐香港運動員
#希望多啲廣告客戶撐佢哋
-—-——-------------------------
👉🏼https://www.patreon.com/budming
謝謝你的訂閱,讓我不必學習光合作用,可以繼續創/寫作、分享知識。