我有一個更正啟示，當時cap圖時正值美股開市。我的策略在選股，選好股票，自然訓得安落，點知一覺醒來，原來不是單日贏30%，是超過50%才對。
尋日我臨訓前打了段字，講述了我做訂閱的理念。我不是忽然訂閱，而是早在2015年已經搞。
我、健吾和中大Email是全香港最早一批做Patreon的人，現在個個都做了，我們都有自己的性格特色，但對世情的看法卻是精準的。
現在正式優惠期間，過多幾日優惠就會冇了
現在recap一下昨日的東西
=========================
希望大家花啲時間，睇吓我點樣有少少深度地吹牛皮
這幾年我都很少講我自己炒股票的戰績。因為我性格唔係咁，不過2021年，係我將踏入30歲時，開始有啲改變。
說幾句老實話，一年股票搵七位數我做到，養活自己冇問題。但係，我都有弱點，就係我太心散，成日都會想搵好多嘢搞。所以，我亦都只能夠每年搵到1,000,000或者2,000,000 ，我好少可以一年搵到10,000,000。
今日我單日贏了30%，絕對唔係最勁，我亦都唔相信股票有長勝將軍，終有一日我又會輸一鑊勁。係呀，「又」呀
不過拉長線黎睇，我嘅股票能力應該遠在平均之上，跑贏好多基金經理，財經演員就更加唔使講，完全不值一提。因此，我預咗會俾人攻擊，唔係因為我勁，而係因為我廢，但係比我垃圾嘅人更多，所以我難免要中下箭，呢一樣嘢我都預咗。正如壹傳媒單嘢，或我送花比葉劉化解咗一個港台嘅干戈等，好心做好事依然會有人屌，我慢慢睇得好化，百屌成材，屌到有免疫力。人不知而不慍，不亦君子乎。Sorry，我唔係君子，我係一個仆街，呢句用得唔係咁啱
吹牛皮吹左咁耐，我唔係想強調自己有幾勁，相反，我係想講我嘅賺錢能力實在太唔足夠。呢幾年，即大概從2017年之後，我對搵錢冇太大慾望，成日覺得夠洗就OK。又要再強調一次，可能快踏入30歲，好想趁老之前盡量做多啲嘢，我養活自己我OK，但係我做唔到更多嘢。
講一個小故事。
中學嘅時候我係劇社演員，大學我亦都係劇社嘅一份子，但係由於高手太多。到今天，不少莊員依然在戲劇圈努力，而我，當然一早收咗皮。
疫情之下，大家都知，娛樂圈、電影圈、話劇圈全部仆直，我啲莊員都捱得好辛苦。最近其中一位中大舊友傾偈，大家都有心想拍本土作品，甚至想拍一啲好似《夜更》嘅作品。以我嘅資金實力，我幫唔到太多，我唔係林建岳、古天樂或者洗米華，我覺得佢嘅理念係好嘅，佢想拍劇嘅心我係好想支持，但係我能力真係做唔到太多。
再講多一件事
兩個禮拜前我蘋果日報文章提過，我希望做兩件事。
第一，繼續做我嘅獎學金，不過今次有啲唔同。我希望同學要學拜登咁樣Strategic Patience，唔好爭一時長短，不要再同學校或者保安衝突。我希望止息干戈，所以做了個獎學金，但願可以俾少少經濟誘因佢哋努力讀書，出去exchange體驗外地生活，而不是繼續對抗
第二，我希望製造一些就業機會，幫助年青人。現在我構建緊團隊，有兩個全職，兩個兼職，三個是來自中大。所以，你會見到我社交媒體出post，同我平時講嘢嘅語氣有少少唔同。如果可以的話，我想繼續擴充我嘅團隊
講咗咁多嘢，我想講嘅係：正正就是因為我實力不足，所以我只能夠將我的經濟、商業和金融知識變賣。必須有一個模式繼續運行落去，我才能支持一啲好嘅理念，例如幫我嘅朋友拍一套好嘅作品，繼續營運獎學金，或者幫一啲因為疫情搵唔到工嘅大學師弟妹盡展所長。
呢一樣野，係Dream Law和Jasper Law間接點醒我。當全世界不再承認「香港製造」時，楊立門淨係識得叫救命，哭喪，但羅氏兩兄弟唔同，佢哋依然相信努力揼石仔可以做好「香港製造」，順便引入更多年輕人幫香港製造行業注入活力，同時產生更多技術交流同埋就業機會。呢兩條癲佬搞搞吓，好似真係做咗少少苗頭出嚟
我欣賞佢哋呢個理念，所以我嚟緊同佢哋都會有合作，新年前我甚至落場睇工廠，嘗試參與本土工業。不過，本質亦一樣 - 首先，我要有商業模式，我要構建團隊。
係呀，我作為一個金融人，應該要流連雪茄鋪，不過而家我去咗群廠佬。
我諗大家會關注我，對我產生好奇，就係因為我同一般金融人有少少唔同。
我都鍾意錢，我都銅臭，但係相對對我冇太強勁嘅物質慾望。我當然買得起法拉利、瑪莎，亦供到樓，但係我從來冇呢啲追求，我係連錶都冇一隻。除咗為食之外，我真係冇其他太多物質慾望。我上年八月贏到錢，第一件事都係捐咗去做獎學金，我亦都唔志在，多10萬蚊同少10萬蚊對我生活真係冇影響。但係如果有同學仔收到獎學金後解決到燃眉之急嘅話，對成個社會整體嘅utility似乎都係好。
無欲則剛，當你減低自己物質慾望嘅時候，你就可以做到好多嘢，成就好多嘢，甚至乎，間接幫到好多人。
我能力實在有限，但我亦都唔甘心淨係養活自己就夠，我暫時諗到要做嘅，就係橫向延伸我嘅知識、經驗同能力，嘗試喺訂閱產品落手，做好呢件事，然後再慢慢擴展可以做多啲本土工業，支持一點創作理念etc......
住靚屋，有架法拉利，買名牌請司機，喺我眼中係一啲都唔有型。如果我視呢啲物質需求係人生目標，咁我同普通喺中環一個招牌壓死幾十件嘅金融民工冇分別。我要強調一次，我相信資本主義，我唔係聖人，我都銅臭，我都會賺錢，但係我賺錢嘅目的唔係為咗買名牌住大屋買靚車。我目標係再睇遠少少，我想成就多啲嘢。唯有成就到多啲嘢，咁樣先至活得痛快
講咗咁多嘢，最尾一定要學蕭生咁賣廣告：
想知多點金融投資，美股港股的學問，可以訂閱我《金融經濟精神食糧》
公開1000萬美股實戰倉操作，每日專業財金分析文章，每日金融財經Podcast，每週解答觀眾問題，100萬港股模擬倉投資部署，幫你補補腦
https://prime.fortuneinsight.com/web/muddydirtywater
每日金融Podcast、深度金融文章、外聘國際關係專家文章內容、特選國際刊物分析、每月閲讀企劃、平民化A I大數據分析和自己人群組互動，盡在Patreon:
https://www.patreon.com/muddywaterfinance
我最新營運的網上書商店試業中 - 渾水書齋
http://gmart.girlsmood.com/web/store/muddydirtywater/
對抗霸權，比自己一個更自由嘅選擇，立即加入Mewe一齊傾偈。
Muddy Water渾水財經Channel
https://mewe.com/p/%E6%B8%BE%E6%B0%B4%E8%B2%A1%E7%B6%93channel
本土工業 在 #本土股份有限公司 - Explore | Facebook 的推薦與評價
本土 公司主力產製航太產品有#機翼制動器齒輪、#小型發動機齒輪，另有#汽車傳動齒輪組、#電動車齒輪箱、#工業用齒輪、#風力發電齒輪組 等。… See more. No photo ... ... <看更多>