#NonLoveStory #story23981
[唔揀科大正折墮]
邊有啲人咁折墮，揀乜大物大……都唔揀科大？！
城大、浸大淨係被周邊大廈、商場、住宅圍住晒，又多車又嘈吵，要山景得座遠在天邊嘅獅子山，國際排名又低，科研名氣又冇，唔靠人文精神打飛機就乜叉都冇！
至於科大呢？講海景，成個湛湛藍藍嘅清水灣，通通屬於你對眼，落霞與孤鶩齊飛，秋水共長天一色。試問邊間大學有？你捱成世都未必買到一層維港海景豪宅，但讀科大就日日望勻靚過維港億萬倍嘅清水灣，你話讀科大唔係爽過住豪宅係乜？有科大唔揀又嫌買唔到樓，你地係咪犯賤吖？
你中大望得半個吐露港，其餘就係茂密叢林遮住晒，山路九曲十三彎，行到人蕩失腳跛，又多蚊又多蠓咬到你柒，一個唔覺意抓損，食肉菌感染命都冇埋呀！
講排名，科大就算唔係世界第一，只要一日未冧到最後一舊磚，永遠都係亞洲第一！一個大學排名指標咁話你都可以拗，三個四個 —— 十個大學排名指標都評科大做亞洲第一咁滯，你仲可以拗乜？邊個夠膽話科大唔係亞洲第一，一定係收咗其他大學錢抹黑科大！
你不知所謂嘅港大，就憑歷史夠耐，出過孫中山出過張愛玲；就憑風氣夠癲，「大仙」搵賓周拍人頭，就當自己千秋萬世香港第一？唔好傻啦你班假洋鬼偽精英！成日自以為好勇武，趕走咗李XX未呀？趕走咗奴寵X未呀？梁麗X坐咗監未呀？孫X嵐坐咗監未呀？鄺X晴坐咗監未呀？波X黨港大幫坐晒監未呀？
講科研，我諗都唔使多講啦！雖然科大冇袁國勇、冇沈祖堯，但精英俊彥遍布每個茅廁每條坑渠，每年出嘅論文、蒲頭嘅學術會議、攞過嘅榮譽獎項，絕對多過你港大、中大、屎大……多多聲囉！
科大短短廿六歲，就已經由冇排名跳到高過老我地三輩嘅中大港大又直逼加州麻省理工唔知幾時「超『哈』趕『劍』」添呀！到時你啲乜雞大鴨大，幫我地含XX舐XX都未乸夠班呀！
再講我地科大，根本就係香港過剩嘅女仔嘅天堂！男仔佔七成，你地入多啲來，幾時怕搵唔到伴侶？科大仲有全港最犀利嘅減肥藥，通通集中喺canteen，中意瘦身纖體嘅少女，點可以錯過？
科大啲canteen，十個八個食完都「路路暢通」，「一瀉千里」！你出邊買嗰啲減肥藥，都唔知係啲咩濕鳩廠用咩垃圾原料提煉出來呃你班笨柒錢，分分鐘食到你未畢業就生癌英年早逝。彩！彩！彩！
唯獨是科大canteen啲「減肥藥之中嘅減肥藥」，五花八門嘅菌毒都齊晒，唔只幫你啲少女瘦身纖體，仲暴增你地白血球辨擊病菌嘅能力，到時你地唔使打疫苗，中意去印度去非洲去南美去勻世界最污糟嘅地方，都冇有怕安然無恙啦！因為分分鐘係你地由科大食落肚嗰啲菌，毒返死人地地方嗰啲菌吖嘛！你話係咪吖？！
要做人上人，絕對唔使吃得苦中苦，喺科大讀返三四年就得喇！
有得揀科大都唔揀科大？你就真係折墮到冇陰功咯～～～
#清水灣大學 #HKUST
===============================
===============================
:D A OR F 潮TEE 正式開賣！買兩件有折 ==>
【http://dryup.xyz/product/white-a-or-f-tee/ 】
:) 分享你嘅小秘密 ==>【 http://bit.ly/sharesomething 】
B-) 成為專欄作家，讓更多人睇到你嘅作品 ==>【 http://dry.hk/beblogger/ 】
