一家人來個【#東涌遊】⛴
今個聖誕我地去咗個 #本地旅行 呀!
我地預訂了在東涌附近的酒店(東涌有三間酒店揀,天際萬豪/Novotel Citygate / 富豪機場酒店,大家可以按到時想去的時間格一格價) 我早2個月前訂價錢便宜$700多兼夾升級了海景套房!
今次的 #大澳一日遊,食豆腐花/大大粒魚蛋 / 魚肚 ,基本上小食已經可以當飯,然後再返去 #東涌Outlet 血併!Outlet裝修後果然又大又好行,好多名店進駐,化妝品 /童裝 /運動服 /名牌衣飾都齊,仲有新開了唔少食店,例如春水堂/ Pepperlunch/韓燒等。
由於呢幾日迪士尼金卡入唔到場,所以少咗個節目,如果唔係可以計劃一個3日2夜酒店,玩完迪士尼再返酒店食自助餐,咁就唔洗頻頻撲撲兼山長水遠先返到屋企。
如果有少少時間又或者想放下電,Outlet隔離的 #東涌北公園 都係唔錯的選擇。
食嘢方面我哋就揀咗一早去食自助早餐,食到11點就岀發,skip咗個lunch岀去,到達目的地就直接去食tea,可以考慮下大澳酒店的下午茶㗎!
交通方面,我地避開人潮去了 #搭船,快過搭巴士又唔洗經山路搖到頭都暈,回程仲比我地遇到中華白海豚🐬同近距離睇到飛機升降(原來屯門有船可以去到大澳,屯門友又多個選擇!) 未坐過纜車🚡,可以揀在東涌站坐纜車到昂坪市集(如果不想幫襯地鐵,可以坐23號巴士😉) 之後轉巴士入大澳都得!至於回家的最後一程,一一話想坐機鐵,真係海陸空交通都齊哂!
今次風景靚之餘又唔迫人,仲有得食好同血併,勝價比同方便程度拍得住外地旅遊💖未諗節目的朋友,嚟緊的除夕同農曆新年都可以考慮下!
🌏 #東涌超彈性行程數天遊行程建議(自行mix & match)
📍景點:天壇大佛、大澳、迪士尼樂園、迪欣湖
🍽食:東涌Outlet 、大澳文物酒店、或入住的酒店餐廳
🏡住:天際萬豪酒店(亞洲博覽館站) 、富豪機場酒店 (機場站) 、諾富特東薈城酒店 (東涌站)、大澳文物酒店
🚗行:機鐵/地鐵🚇、巴士🚌、船🚢、纜車🚡、酒店多數有免費穿梭巴士🚎往來機場/東涌
🛍買:東涌Citygate Outlet 、迪士尼樂園
🌏#東涌3日2夜建議行程:
第一日:一早岀發到酒店寄存行李,大澳一日遊,東涌東薈城吃晚餐
第二日:迪士尼/迪欣湖野餐一日遊
第三日:在東涌坐纜車/23巴士到市集,回程在東薈城Outlet血併,回酒店取行李回家🏡
#一一細說bb生活 #本地親子遊 #好好去玩
#東涌 #親子blogger #假日好去處 #聖誕節 #除夕 #新年
東涌富豪酒店自助餐 在 Mrs1am-ology : 一點小哲學 Facebook 的最讚貼文
【 快閃❗機場酒店自助餐】
終於搵到機會一家人一齊歎自助餐♡今次近近地揀咗 #富豪機場酒店 ,想試下佢地個 #品牌茶啡快閃 丫嘛 ,以2大茶啡品牌,包括榮獲英國皇室認證嘅Twinings,同埋 意大利經典咖啡品牌Lavazza,即場調製主題特飲,包括 #果香咖啡梳打 同埋 #伊靈百老匯特飲,前者清爽甘香帶微酸,後者酸甜果香十足, 夏日炎炎飲番杯的確係爽嘅♡
呢度嘅甜品係吸引嘅,除左自助餐必備朱古力噴泉、即製pancakes,杯仔布甸之外, 竟然有成個雪糕counter,17款 #Movenpick 雪糕任揀任配任食, 仲有好多 toppings任加,呢個畫面,小朋友就最開心瘋狂啦~
甜品必食推介榴槤主題甜品,拿破崙中間夾住榴槤mousses , 一層蛋香一層榴槤香,一層鬆脆一層幼滑,又係要encore !
♥️通常去自助餐最關心嘅就係冷盤,呢度就有大蝦、螺、松葉腳蟹麵包蟹等,仲有cold cut, 同埋小朋友去自助餐一定會食嘅 芝士拼盤!
♥️ 熱食方面, 主打要食梗係即切燒牛柳啦, 仲有好多款醬汁畀你自己選擇添。
♥️ 其他熱食,林太推介肉骨茶,藥材味唔算太濃, 肉排淋到入口即化,口感唔錯。 另外林太推介 四季豆, 呢個係微辣嘅版本, 惹味好食要追加啊。
♥️ 自助餐最怕小朋友冇嘢啱食, 呢度有蒸雞同埋上湯小白菜等, 淡淡地啱曬佢哋啦。
{林太提提你}
由於機場客運大樓只限旅客和工作人員出入,建議由酒店地下車入口到酒店,或轉東涌S1巴士酒店外站下車比較方便,如機巴須要於巴士總站下車徒步來酒店約8分鐘。
我哋呢其實兩程都係搭機鐵, 機場落咗之後可以搵工作人員帶你去搭𨋢, 然後響地面巴士站行過去就係啦,回程嘅時候都要用同一個方法,不過由於我哋冇登機證, 進入機場就可能會有啲麻煩, 好彩之前我哋係上網買來回優惠車票,出示身份證明就可以入去搭機鐵喇!
📌藝廊咖啡室
推廣期:即日起至2019年9月30日
時間: 晚上6時至10時
價錢︰ 成人$478 / 小童及長者$328 (週一至五)
成人$508 / 小童及長者$338 (週六、日及公眾假期)
地址: 香港赤鱲角暢達路9號富豪機場酒店地下
訂座電話:2286 6238