【尋回遺失的寶藏】
頭痛可以服止痛藥、心痛可以服脷底丸、骨痛可以搽摩擦膏、喉痛可以食枇杷膏，但如果，失去至愛嘅人呢？
成日聽人講：「時間可以沖淡一切！」
但親身經歷話我知，其實係唔可以嘅！
雖然身心反應會隨住自我防衛機制啟動而冇之前咁激動，但時間會不斷提醒大腦不停去發掘同重溫過去嘅記憶；當搵到開心嘅記憶，會笑住流淚；當搵到可怕嘅記憶，會淚流不止！
撐到今時今日，踏入第182日.....
我開始感覺到，肥媽見到傾盡全力扮演最佳女主角，扮到頭髮都就快甩清光嘅禿頭肥，終於忍唔住，悄悄出手喇！
過去181日，我嘅腦海，不停重溫過去同肥媽相處嘅片段.....
坦白講，絕對係悲傷多過快樂、眼淚多過歡笑、欺負多過孝順、罪疚多過炫耀！
我發現，自己原來係一隻魔鬼！一隻為咗自己，不停去傷害同折磨肥媽嘅魔鬼！
我諗返起以前好多欺負肥媽嘅片段！越諗越內疚，越諗越失落！我將自己以前認為係孝義嘅諗法逐樣推翻，肥媽可能見我不停自責好心痛，於是竟靜靜雞幫我搵返遺失嘅寶藏！
呢盒寶藏就係2005年3月，肥媽中風前半年，我帶佢去日本旅行時嘅珍貴片段！
其實，我一直有寫blog嘅習慣，可惜寫咗十四年，「曲奇餅堡壘」卻因網站突然關閉，於去年九月瞬間消失得無影無蹤！
而肥媽竟然幫我無意中發現，原來，我曾將大部份稿件備份過！
2005年日本之旅，係我同肥媽一生最美麗快樂嘅回憶之一！
雖然當年嘅我文筆簡潔，措辭亦唔華麗，但卻令我醒覺到，原來我都算乖，曾經孝順過肥媽，讓佢真正快樂過！
我希望能夠將嗰七日美好回憶分成四篇文章同大家分享！假如大家感興趣，希望能俾個「讚好」或「表情」我，只要一過60個「讚好」或「表情」，我會即時同大家分享！
講咗一大堆無謂嘢，懇請見諒！只因我真係好掛住肥媽，好希望能夠再次孝順佢！
2005阿肥與肥媽快樂之旅~日本九州七天團
(繼2003年9月東京北海道之旅後，今次係我第二次帶肥媽暢遊日本！ )
日期：28-3-05(一)~3-4-05(日)
時間：(去程)5:15p.m.登機 5:35p.m.起飛 (回程)1:45p.m.登機 2:05p.m.起飛
旅行團：JKE07 0328
旅行社：東瀛遊
領隊：Vincent
司機：田代先生(TA SHI RO SAN)
全團人數：43人
印象中團友組合：
1)情侶 OR 夫婦 ~ 4 pair
2)家庭 (父母+小孩) ~ 7個
3)60歲或以上長者 ~ 3位 (包括就快62嘅肥媽)
4)小孩(10歲以下) ~ 11個
5)青少年 (11~20歲) ~ 3個
全團得我一個屬於21 ~ 30歲組別~真精彩!(我芳齡27)
東瀛遊一天團 在 EGL Tours 東瀛遊- 首頁 的推薦與評價
【消費券優惠 首團每個減$40‼️】高知縣赤肉蜜瓜 率先登場$258/個 立即訂購：https://bit.ly/38Oxajl. 各位蜜瓜控請注意 日本蜜瓜開始出產啦 ！ ... <看更多>