［真臘風土記］去柬埔寨（仲有曼谷）前望下又寫下文，費事去到吳哥窟都講股票。
東盟十國，新加坡最富貴又係odd one out 就不用講，汶萊當然多得陸詩韻譚筠怡等等促進經濟（定你以為靠吳尊？）—呀，其實主要係靠石油，也不用多講。兩度都小國，坡國六百萬不夠，汶萊更加幾廿萬人口。
而你睇人均GDP排第三，就去到馬來西亞—可想而知其他嘅係幾咁窮。窮撚鬼佬恩物（你懂的）嘅泰國已經第四，3億人嘅印尼（親，提下你，差不多全部係穆斯林，準備好未？）都去到第五，淪落人賓賓仲有第六。
六月去過越南，早兩年去過緬甸老撾，都係好地方（越南就冇緬甸老撾咁好，但呢啲好主觀）。今次去嘅，柬埔寨。更加窮，你計籮綿奴人均GDP，就尾二。但計PPP，就包尾。
應該講過無數次但唔爭在講多次。籮綿奴咪籮綿拿，PPP，購買力平價，計及當地物價咁咯。正如計PPP中國經濟規模就已經大過美國 （總量，人均爭幾條街），但籮綿奴就有排。
咁，柬埔寨人均GDP，計籮綿奴就高過緬甸，計PPP包尾，即係咩玩法？即係根本計埋物價，啲生活水平仲低過緬甸。或者再喱文啲：人工就高緬甸少少，嘢就貴一大截。都幾大鑊。
BTW，東盟十國，其實汶萊印尼我都未去過。搵次要去睇婆羅浮屠，或者睇科莫多龍。汶萊嘛……….真係睇吳尊咩
再BBTW，又係真的，愛恩斯坦話頭，Crisis =Danger + Opportunity （又，但凡你見到任何人嘅包娃point有呢句嘢，可以打分畀個九折先，此人睇嘅書停留在四五十年前起碼）。
真係的，有危有機，正係窮先有機會。嘩，七億窮人喎，全部變中產一人一部埃瘋真係不能得了。同非洲啲友一樣。慢慢等。（但，都真係認真的，呢個真係處女地，而點睇都好過賣鞋去非洲）
（再講一次，任何人嘅包娃point有呢個賣鞋去非洲嘅故事，可以打分畀個九折先，此人睇嘅書停留在四五十年前起碼）
柬埔寨人均gdp 在 【反詐騙】柬埔寨到底有多窮？臺北市一年的GDP ... - YouTube 的推薦與評價
近日 柬埔寨 詐騙台灣人的事件成為了大眾最大的焦點今天我們就來認真從GDP, 人均GDP, 國家產業結構來分析 柬埔寨 跟台灣的經濟實力如何？ 去 柬埔寨 有可能 ... ... <看更多>