「鬼滅の刃」紅到爆，好似冇睇過就好out咁！你有睇？咁你又有幾理解佢啲人物先？裡面啲角色個個啲姓氏都好特別，究竟日本係咪真係有啲咁特別嘅姓氏嘅呢？
首先講下主角先：「竃門」讀作「かまど」Ka-Ma-Do，通常日文「竃」一個字，就已讀作「かまど」咖喇，但喺福岡縣嘅大宰府市嘅「竃門神社」就會寫作「竃門」，而作為姓氏呢都有嘅，但都真係幾罕有嘅，喺和歌山兵庫縣或關西等地都會有零星例子。［此姓氏全國約有20人］
「我妻」：讀作「あがつま」A-Ga-Tsu-Ma，上網搜尋都會話係好罕有，亦歸納去「難讀字」範疇嘅，但其實係咪真係咁少見呢？原來亦唔係喎，喺日本嘅東北南部嘅宮城・山形・福島，呢三個縣都會出現，不過不同地方，讀法亦不一樣！宮城縣大概6成人會讀「あがつま」A-Ga-Tsu-Ma，4成人會讀「わがつま」Wa-Ga-Tsu-Ma，隔離嘅山形縣呢，就九成人都會讀作「わがつま」Wa-Ga-Tsu-Ma，而福島縣呢，就半數都會讀作「あづま」A-Tsu-Ma，4成人會讀作「わがつま」Wa-Ga-Tsu-Ma，淨低一成人會讀作「あがつま」A-Ga-Tsu-Ma。而東京呢，就一半半，一半讀「あがつま」A-Ga-Tsu-Ma，一半就讀「わがつま」Wa-Ga-Tsu-Ma。而全國合計呢，讀作「わがつま」Wa-Ga-Tsu-Ma嘅比較多啲。［此姓氏全國約有17,700人］
「栗花落」讀作「つゆり」Tsu-Yu-Ri，較常見於兵庫縣，亦屬難讀姓氏類。日文有「栗花落」一詞形容栗花落初梅雨嘅時期，而呢個詞係會讀作「つゆいり」Tsu-Yu-I-Ri嘅，而作為姓氏呢，主家庭就會讀作「つゆ」Tsu-Yu，分支家庭讀作「つゆり」Tsu-Yu-Ri。［此姓氏全國約有60人］
「不死川」讀作「しなずがわ」Shi-Na-Zu-Ga-Wa，於大阪府羽曳野市會有機會見到，屬稀有姓氏，通常用於僧侶。［此姓氏全國約有10人］
「産屋敷」讀作「うぶやしき」U-Bu-Ya-Shi-Ki，可見於三重県熊野地方亦屬難讀姓氏，而三重縣紀宝町亦有此地方名。［此姓氏全國約有190人］
「鉄穴森」讀作「かなもり」Ka-Na-Mo-Ri，可見於廣島縣或島根縣嘅石見，屬稀有姓氏。喺島取縣亦有一地名為「鉄穴内」「かんなうち」Kan-Na-U-Chi，而「鉄穴」「かんな」Kan-Na亦常有用作地名及姓氏之用。［此姓氏全國約有30人］
「甘露寺」「かんろじ」Kan-Ro-Ji，為天皇與朝廷工作嘅貴族、官員之姓氏。［此姓氏全國約有50人］
其他嘅「伊黒」「いぐろ」I-Gu-Ro；「鉄地河原」「てっちかわはら」Te-Chi-Ka-Wa-Ha-Ra；「天王寺」「てんのうじ」Ten-No-Ji；「継国」「つぎくに」Tsu-Gi-Ku-Ni 等等都係真實存在嘅姓氏黎嘅。不過又真係有好多角色嘅姓氏都係虛構嘅。
#大家睇完喜歡或覺得有用就俾個like
#唔嫌麻煩仲會幫手share更感激萬分
#大家幫手like下share下係發帖者嘅出post原動力
#有其他日本野化妝野想知 #歡迎留言 #請留言唔好inbox
#日本 #自遊行 #旅行 #東京 #大阪 #北海道 #札榥 #九州 #福岡 #旅遊
#化妝 #化妝師 #JessUp #JessUpHK #2021JapJessup
#鬼滅の刃 #鬼滅之刃 #日本姓氏
栗花落姓氏 在 Re: [問題] 為什麼鬼滅的姓氏都那麼奇怪- 看板C_Chat 的推薦與評價