你好，我係蔣薇
呢句野基本上每次我見到新讀者既時候都會講，因為我唔講我係蔣薇，佢地唔會知
因為絕大部份既人都會覺得蔣薇係一個女人，即使係點努力咁久唔久澄清，係書入面自我介紹第一句就講，男作者，呢個誤會都永遠存在
但對於呢個誤會，我早已經習慣，亦有一套好熟悉既講法去解釋，不過我想做全職作者之後，有個朋友提出一個我無諗過既問題
當你寫到五十歲，你都係叫蔣薇？
我終於明，點解近年Angelababy開始叫自己楊穎，今日我都仲可以同人解釋我係蔣薇，只不過係將一個感覺好有氣質既美女作家，變成一個都算幾有魅力既斯文男人，個反差都算可以接受
但當我五十歲時，蔣薇係個有白髮，甚至脫髮既阿叔／阿伯？同網上情緣騙案有咩分別？
為左呢個名，我特登寫左康熙字典，咁多位，薇呢個字呢，唔一定係蔷薇，就算退一萬步講，禮服蒙面俠都係用蔷薇做佢既標誌，唔一定係女性喎
事實上，薇，係野豌豆既古稱，多年生草本植物，羽狀複葉，開青紫色花，蔓生，可做藥材
我講到呢點時，朋友就問，咁你又用玫瑰花做頭像？又做粉紅色底？唔見你用青豆做頭像？大佬啊，要解釋都要合理先得嘛
我無言以對，唯有講返蔣薇呢個名既故事
曾經，我認識過一個叫蔣薇既女仔，而呢個女仔可以完全襯得起蔣薇呢個名所帶出既感覺，唔好問我，我同佢有咩關係，我都好想同佢有關係
今日既佢，應該嫁左人生左仔，間唔中，我都希望透過Google去尋找呢個人既下落，佢既近況，可惜……見到既都係自己多……
接近十年既時間，佢係點樣，我已經差唔多忘記，只記得佢個種完美既感覺
呢幾日，我好想搵返佢，原因唔係我掛住佢，而係我需要佢，我好想搵佢出黎同佢講，以後你可唔可以幫我代言返蔣薇呢個名，令呢個名形神俱全，咁我賣文，你賣相，大家五五分帳都好
我同老婆講呢個諗法既時候，佢剪緊指甲，佢話，好啊，你去搵啦，係呢，你指甲都幾長，不如我幫你剪下？我問，淨係剪指甲咋嘛？
佢話，你想形神俱全仲有另一個方法，不過就辛苦少少，但你可以自己袋晒，然後單起眼，用指甲鉗比劃左幾下
所謂最怕改壞名，用女人筆名既人大有人在，但寫到老既人，應該無，依家我既感覺就係將身份證用火星名拼：梨巧令T子，當時就好玩，之後想改都改唔返
暫時我只有一個打算，當我真係脫髮時，我會改筆名，有日你聽到，就知咩料喇
你好，我係蔣微
梨字典 在 酪梨壽司- 小寶哥用圖解字典中他最愛的「昆蟲 ... - Facebook 的推薦與評價
小寶哥用圖解 字典 中他最愛的「昆蟲」主題驗收中英日三語，猜猜看他哪種語言表現最好，哪種又最菜？ 影片中使用的點讀書是日本東京書店授權台灣 ... ... <看更多>