關於 楊千嬅快歌 ，我們在網路上蒐集到這些相關的討論、資訊與評價

嘻嘻❤️❤️❤️❤️❤️❤️❤️

論盡推介 2018.04.22 #16
本週冠軍推介歌：
Subyub Lee 李拾壹、Sophy 王嘉儀《You Jump, I Jump》

當一個喜歡嘅歌手配一首好歌，已經足夠成為冠軍推介歌，咁兩個喜歡嘅歌手合唱一首好歌，就更加有理由成為冠軍推介歌啦。

李拾壹同王嘉儀各自擁有過論盡音樂嘅第一次：拾壹係第一次有歌手主動 PM 我，去推介自己嘅作品；Sophy 就係第一個歌手，去邀請我出席新碟發佈會。而當時我收到 PM 或者邀請時，我都覺得佢地幾有勇氣，因為明明論盡音樂係既小氣又口賤，都敢做呢個主動，而且一直以來不論我讚好彈好，都會留意我寫佢地嘅野，呢種氣量同虛心，好多搵過我嘅歌手同唱片公司都無架。

聽《You Jump, I Jump》時，我成日諗起 Krusty 當年進軍台灣，同台灣組合 2moro 合唱嘅《男生女生配》(MV: https://www.youtube.com/watch?v=aj40uaLWXyI )，都係好台式青春嘅愛情鬥氣小品。點解會諗起？因為兩首歌我都好鍾意囉。

另外今星期九首論盡推介歌中，有兩首歌曲首次打入十大：

鄭欣宜 Joyce Cheng《黑彩虹》
小時侯，大人話彩虹係紅橙黃綠青藍紫。到自己大個，發現自己嘅彩虹少左青色。曾經害怕，到接受，到自豪地話人知我有一條六色彩虹，黑彩虹時代應該已經過去啦。

黎瑞恩 Vivian Lai《大個唱》
每次聽到呢首歌，都會諗起楊千嬅兩首快歌，一首係好 bollywood 嘅《不認不認還需認》，另一首係由頭大到尾嘅《開大》，有無人有共鳴先？

論盡推介 #16
冠軍推介歌：李拾壹、王嘉儀《You Jump, I Jump》 https://youtu.be/EJVSEy5DiyA
其他推介歌：
盧冠廷《理想家》 https://goo.gl/674Trd
KOLOR《七尺之下》 http://pse.ee/5QBN9
鄭欣宜《黑彩虹》 http://pise.pw/v-3945499
MastaMic《破地獄》 https://goo.gl/oDJzvN
盧凱彤《荒原》 https://youtu.be/lQj0JMqzCb8
莫文蔚《慢慢喜歡你》 https://goo.gl/PSny9H
SHINE《果欄男孩》 http://pse.ee/5QBN2
黎瑞恩《大個唱》 http://pse.ee/5SF37
張繼聰、蔡卓妍《不死》 https://goo.gl/4EeSjX

#論盡推介 #冠軍 #推介歌 #李拾壹 #王嘉儀 #YouJumpIJump
#盧冠廷 #理想家 #KOLOR #七尺之下 #鄭欣宜 #黑彩虹 #MastaMic #破地獄 #盧凱彤 #荒原 #莫文蔚 #慢慢喜歡你 #SHINE #果欄男孩 #黎瑞恩 #大個唱 #張繼聰 #蔡卓妍 #不死

[網媒音樂排行榜]

多謝私家音樂😊

Patrick新歌「那年。某日」喺私家音樂榜2018第十三週取得第14位既成績👍
希望之後可以取得更好既成績！😍😍😍

(By: 小編阿妹)

私家音樂榜 2018第十三週
(2018年3月25日- 2018年3月31日)
冠軍歌：一二三，三二一 (live version)
作曲：Supper Moment 填詞：林夕
監製 / 編曲：王雙駿
主唱：楊千嬅

「初心傷過重新再跳願我真情性再大也改不了」

演唱會Live CD雖然無收錄安哥，
但成個演唱會所有歌都加哂分，整體性好強好好聽，
就連快歌都難得地好好LOOP。

第十三期冠軍作品，
黎至Live CD雖一派台作《一二三三二一》。

楊千嬅 Miriam Yeung #一二三三二一 #私家音樂榜 #私家音樂

《要to be honest 咁承認自己成為老野，再不停J 返自己嘅青春回憶》
　
2017年最後一日，我去左睇楊千嬅倒數演唱會...
　
其實我知，入場前我已經知...
佢唱歌其實唔係好好聽，比汪呀姐好少少，跳舞唔係太好睇，比did did 姐跳嘅鈣質舞好少少，著衫其實都唔太時尚，可能比GEM 個啲時裝車禍好少少。各樣野都唔太出色，我都依然比錢入場，呢個舉動表面看來係唔理智嘅。但就好似古時睇TBB 茶時古鄉濃個句歌詞一樣「你也許不算最完美(誰叫你歡喜) 」...於是我都有買飛睇。
　
的而且確，開場之後發現...
楊千嬅個頭真係染到仙杜拉咁，两鬓斑白，呢個look 配返大家對佢「人瑞歌手」嘅稱呼，確係幾ironic 嘅。每一首快歌，當佢嘗試好努力咁跳舞，嘗試「轆地沙」，打關斗，都會令觀眾感到驚心動魄，因為佢每一個舞步，都會令大家憂心佢骨質疏鬆。朋友話「真係好感動，平時只會見到城城喺移動舞台上跳舞，楊千嬅都敢試，真係睇到佢個份努力」。佢每次換完衫都唔係特別好睇，甚至有啲款好似我和春天有個約會嘅麗花皇宮咁。來到第9 場演唱會，大家都feel 到佢唱到冇咩氣，於是大家都好似neway 唱好K 咁，一齊唱。
　
佢本人都自嘲話「真係好感動，廿幾年第一次見到唱慢歌大家都企起身」。大家對佢確係有份不合比例嘅偏愛同包容，其實只要佢出現，我地都收貨架啦，肯左右跳下都係bonus 來架啦。
　
對楊千嬅，我地個個年代嘅人，係有一份偏心，呢份偏心唔知由幾時建立...
可能係由903喺佢唔係好紅嘅時候，都頒女歌手獎比佢開始建立嘅，可能係喺「明明容祖兒多hit 歌過楊千嬅，唱得好過楊千嬅，都冇楊千嬅咁受歡迎」個時建立嘅，可能係唔知點解林夕寫比楊千嬅啲歌詞都比較虐心而建立嘅。總之，個個年代，大家明知楊千嬅唱得冇咁好，大家都偏幫佢，總係比佢得到最後勝利。
　
後來我諗返，其實我地唔係對佢有偏愛，而係我地對個個年代嘅回憶有偏愛...
的確楊千嬅係我地個個年代最紅嘅人，可能喺好多年青人嘅心目中，唔明白我地對呢個聲色藝都唔係好好嘅人，點解有呢份偏愛同吹捧。楊千嬅點解會贏到大家嘅包容同偏愛，我諗佢係贏左喺，佢佔據左我地嘅回憶同青春。大概呢啲 就好似我地唔明點解有人會鐘意汪明荃，點解明荃實亡個會，會有咁多死忠fan 屎。有啲野，只有個個年代嘅人會明白。
　
楊千嬅喺呢個演唱會，有嘗試做好多新野，佢好努力咁希望做到有進步，我feel 到佢唔想喺大家心目中，自己只係一個過去嘅回憶，佢想有革新嘅感覺。
我諗，大家都appreciate佢嘅努力，但其實佢真係唔需要做呢啲野。朋友話，佢表演嘅新野，唔係我地班老野想睇到嘅野，我地呢班老野，只係想recall 下個memory，懷緬下，表演新野，就好似活化古蹟咁，我寧願唔活化，保留原有嘅面貌。(正如，我都唔覺得汪呀姐啲 fan 屎會鐘意唱「經過那些年」個啲 新歌。)
　
楊千嬅演唱會個theme係倒數，佢話人生最大嘅倒數其實係由出世開始，所以要好好珍惜時間。個下有啲 感觸，我地成日話而家啲新歌唔好聽，其實唔係而家啲 歌唔好聽，而係我地呢啲老野，冇左聽新歌嘅時間同loyalty，再先入為主咁，不停回味當日我地仲係年青個幾年，最hit 個啲歌，不停J 自己嘅青春回憶。