🚫嚴禁劇透
🚫粗口自行過濾
🚫免批評外表人身攻擊
·
[1230隔夜超短劇評][TVB][降魔的2.0]·
[讚]
芷若為咗了解小馬，主動接觸靈異嘢，而喺呢個時候佢唔知點解會有類似去到第二個世界通靈通感能力，對劇情發展係好嘅，起碼芷若呢個角色唔洗好似第一輯咁行行企企，明明好似係女主角但變咗女配角咁。
·
童星黃雪兒繼續眼淚攻勢，佢做呢啲委屈角色真係駕輕就熟。喺急症室救佢嗰一幕大家都做得幾感動，但雪兒死咗之後救護們一個個鬧佢阿爸阿媽就有啲多咗拖拉。
·
[彈]
由開始到第5集，除咗豪仔有多少少新脈絡之外，好多重點劇情嘢都繼續用緊上一輯鋪低嘅線，例如係我覺得五集裡面最好睇嘅龍貓仔捉鳳凰。雖然出現咗譚凱琪、鄧佩儀呢兩個重要新角色，但都真係出吓場就算數，5集整體嚟講都有啲散漫。或者有人話上輯嘅線唔通今輯唔用咩，用梗係用，都都要有新嘢㗎。5集嚟講每集都近乎小馬佔一半，其他角色佔另一半，仲係留喺介紹地步嘅開局格。
·
今集第5集話畀大家知除咗豪仔所講、都唔知係咪真係存在嘅新大佬海魔之外，第一輯好多惡魔都仲喺度，包括咗Ling肚裡面嘅紅眼魔胎、展明、畀莉莉封咗喺豬公仔嘅Naomi。一次過推晒出嚟，除咗展明喺幅畫度出嚟嗰吓有啲震撼之外，其餘都平平淡淡，浪費咗。
·
紅眼魔胎照超聲波時對眼真係搞笑咗啲，唔整好過整。另外我好掛住朱千雪，佢客串嗰吓我成段都係諗起凌晨風，成段戲對我嚟講係抽離咗，呢個係我唔想咁多人客串嘅原因。
·
[演員表] 馬國明 飾 馬季 / 胡鴻鈞 飾 莫偉豪 / 黃智雯 飾 莊芷若 / 謝雪心 飾 梁晶晶 / C君 飾 風獅爺 / 劉佩玥 飾 貝貝娜 / 黃子恆 飾 郭展明 / 林凱恩 飾 張佩玲 / 鄧佩儀 飾 施萊施 / 譚凱琪 飾 阿花 / 韋家雄 飾 陳永廉 / 譚嘉儀 飾 莉莉 / 吳佩如 飾 Naomi / 陳國峰 飾 莊浩迅 / 余子明 飾 黃小旦 / 馬海倫 飾 李翠 / 鍾志光 飾 齊齊 / 蕭徽勇 飾 大頭 / 馬譽軒 飾 龍貓仔 / 黃穎君 飾 龍貓嫂 / 何遠東 飾 龍貓 / 蘇恩磁 飾 鍾淑嫻 / 賴慰玲 飾 梁晶晶 / 楊凱博 飾 馬季 / 鄭耀軒 飾 莫偉豪 / 黃雪兒 飾 巧兒 / 李興華 飾 巧兒父 / 麥皓兒 飾 巧兒母 / 朱千雪 飾 女乘客
·
#1230隔夜超短劇評 #TVB #無綫 #降魔的2 #馬國明 #胡鴻鈞 #黃智雯 #謝雪心 #C君 #鄭詩君 #劉佩玥 #黃子恆 #林凱恩 #鄧佩儀 #譚凱琪 #韋家雄 #譚嘉儀 #吳佩如 #陳國峰 #馬譽軒 #黃穎君 #何遠東 #賴慰玲 #楊凱博 #鄭耀軒 #黃雪兒 #李興華 #麥皓兒 #朱千雪
