［一個似水榴槤，不如半片靜岡蜜瓜］ 印尼天價榴槤，索價1400萬印尼盾，即係8000港紙左右 （報導標題1343係坡紙）。真係，咪玩啦，當自己宮崎芒果定靜岡蜜瓜。( http://bit.ly/2CUhmbb )
我知好多人鍾意食榴槤，我麻麻，但你咪即管屌我唔識貨。但都係嗰句，咪撚玩啦。你當你自己宮崎芒果咩。根本唔係好唔好食嘅問題。搞次blind tasting你就知啲食家有幾識食，好記得嗰時牛丸冇牛，但啲食家個個都話好有牛味。
哥食嘅唔係芒果榴槤，而係個軟實力，真係由明治維新以嚟嘅軟實力嘛。亦即係咁，所以點解垃撚圾拉麵（我唔係講日本，講香港嗰啲）賣成舊水你都話好抵，竹昇麵幾廿蚊碗啲港女就話呃錢食唔飽，一舊水碗紅豆沙又話搶錢。一個中國（不要分咁細）大叔在支竹度奀下奀下剪甲又唔剪甲，放工就賭馬上福田叫雞飲喜茶，同人地日本OPPA （日本又OPPA ?）便秘咁專注地fing麵乾水，放工只係睇下山田洋次，畫面爭太遠了。仲玩竹昇麵？玩竹昇妹好過啦 ( http://bit.ly/2CUhl77 永華結業：仲玩竹昇麵？玩竹昇妹好過)
請循其本，你會唔會撚去印尼Tasikmalaya （打橫市，名都衰撚過人）買個返嚟食？唔會咯，係咪？
而我話知你 「3年才能收成一次，一棵樹一次最多只有20個榴槤，極為稀有」。屌你，澳門啲蟠桃果話「三千年開花 三千年結果」添—明明教會就唔係咁講！成個宇宙都係三分鐘前做出嚟的，對不？
我有講過一切只係稀缺性，但，稀缺性係相對的。燒鵝脾點解貴？唔係因為一隻鵝得兩隻，係因為好食！一隻鵝得一個頭添！你唔見鵝頭貴過鵝脾？一隻牛得兩隻眼添！一個豬得一個肺添！閣下得一條賓周添！有用先得架！（幾時基因改造整啲幾十隻脾嘅鵝？好似KFC咁。有傳說KFC嗰啲唔係雞所以要改名唔可以叫Kentucky Fried Chicken。正如匯豐一定因為唔係銀行先由Hong Kong Bank 變成 HSBC）
但，冇所謂啦，你又唔係話人傻仔。雖則話只係賣到兩個，但至少有人買。至於話咩「我寧願買架電單車可以渣十年」（渣十年？衞蘭都唔得啦）嘅，就即係「幾舊水個胸圍？我去女人街廿蚊個」咁咯。脫離負擔能力？脫離你負擔能力啫。大把有錢人，而你in the wrong class。一張頭等坐十次經濟艙添。富豪搞一次女明星夠你去柬埔寨搞到精盡人亡添，邊有得咁計。貴嘢就係唔抵架啦，但你一講唔抵就即係你負擔唔起嘛。
無論如何，大把人去同個榴槤selfie，我又在呢度寫，你又在呢度睇，宣傳都拎唔少。不過又諗下：你去沖繩同啲菠蘿selfie，又真係另一層次啦。人地又有架妹，又有歌仔唱，真係唔同的（http://bit.ly/2G8OMpw）。
但以印尼嘅消費能力，仲要係啲名都講唔出嘅山卡啦地方，就係咁上下。邊似香港咁，去到貧民區嘅屯門都可以千幾蚊串提子。我建議下次講咩負擔指數前，不妨研究下香港人均LV指數，香港人均iPhone指數，香港人一年去幾次日本指數，靜岡蜜瓜宮崎芒果香印提子人均消耗量咁
