關於 槍 閂 ，我們在網路上蒐集到這些相關的討論、資訊與評價

所見略同

眼裡只有顏色的人，不管是紅色、藍色、還是黃色，腦袋都會急速退化，從此只懂得二分法。

司徒華陰魂不散，香港人到現在還活在他的陰影之下，二元對立很方便，方便政棍收割光環，也方便香港人交出腦袋，你不能質問泛民這些年來做過些什麼，否則就是支持建制，然後共產黨最開心。

從老一輩的泛民diehard fans，到年輕的黃絲帶，他們的世界只容得下簡單的邏輯，建制VS非建制；非黃店VS黃店；何君堯VS何君堯對家，就算黃絲素人議員再ON9，都會Like咗先，因為「唔like佢會無咗個議席，有咩可以閂埋門屌，但行出來槍頭要對準目標」，嗯，對呀，不分化不割席，一批評就是你的不對了。

《1984》的Newspeak是思維改造的一環，cold和uncold，light和unlight，strong和unstrong，使用表達力弱的劣質語言會使人變蠢，習慣二分法，腦筋遲鈍，簡單接受別人推銷的價值判斷，讓你like就like，叫你送頭就送頭，吹雞接蟹貨就接蟹貨。只要拋出一個敵人，就萬事大吉。

#點解香港搞成咁？香港人就算在最輝煌的時代，都覺得自己活在文化沙漠，普遍輕視文字琢磨，著重語文的功能性，只求應付考試工作。現在就更精彩了，97之後，先來母語教學摧殘新一代的基本英語能力，然後將中文當成英文卷一樣來考，加上普教中令中文變成外語，閹割高階思維的訓練。赤化之下，所謂的兩文三語，更像東不成西不就的四不像，硬生生堵住邏輯思維的發展。

文教崩壞，加上中共有意為之，輸入粗野文化，港共傀儡日夜散播曖昧又矛盾的doublespeak，本來香港人的底子就不好，邏輯越發混亂，腦子漸漸發酵成一團漿糊，稍為複雜曲折的，記憶體都處理不了，但不要緊，分顏色還是做到的，還自覺做得很好呢。

【屍人屋苑】病毒變種、喪屍橫行，一個關於選擇的故事…（中）
　　
聽到程叔話Adam返唔到嚟嘅一刻，我腦海當堂變得一片空白。
　
「你咁講……係咩意思？」

「我哋……唉。」程叔嘆咗口氣，「回程嘅時候遇到另一班生還者。當時嘅情況好混亂，我哋兩邊都當咗對方係『狗賊』（掠奪者），差少少就擦槍走火。雖然最後解開誤會，但嗰陣我哋已經俾喪屍重重包圍……結果，喺突圍途中Adam俾其中一隻喪屍咬中大腿……」
　
「我唔信。」我搖搖頭，當然唔敢相信呢個係事實。
　
因為，佢應承過我一定會保住條命返嚟……
　
「Adam知道自己返唔到嚟，所以就將呢條鎖匙交畀我，希望我哋可以繼續睇住妳……」
　
「你哋有冇檢查清楚㗎！？」我激動咁問：「可能Adam根本唔係俾喪屍咬傷……只係、只係……」
　
「小芙，我知妳一時三刻接受唔到。尤其係Adam咁照顧妳……但呢個就係事實。我算係過來人，如果妳有需要……」
　
佢之後仲講咗啲咩，老實講我已經唔係記得好清楚了。唯一有印象嘅，係佢臨走前擺低咗半盒餅……
　　　　
－－－－－－－－－－－－－－－－－－
《屍人屋苑》前幾回：
https://www.facebook.com/pg/Echo.of.Heart/photos/?tab=album&album_id=1935947799870360&__tn__=H-R
　
《無異之地》實體版，書展正式發售１
　
【簽名會時間】（暫定）
七月十八日（六）5 - 7 pm
七月十九日（日）4 - 6 pm
　
地點：點子出版（1B - B16）
－－－－－－－－－－－－－－－－－－
　　
雖然有接近兩三日時間，我成個人係崩潰到乜嘢都食唔到。但就算點傷心，身體始終係會去到極限。到程叔留低嘅半盒餅完全食完後……我又一次要面對返殘酷嘅現實。
　
當晚，我一直望住個大門，一望就望咗好幾個鐘……然後終於明白到，Adam係唔會再出現了。
　
嗰一刻，我腦海確實係浮起過「自殺」呢兩個字，希望逃離呢個痛苦嘅世界。但假如我真係落到手，大概喺阿豪死嗰陣已經做咗了。之所以可以撐到而家，係因為我依然相信身處外地嘅父母仲生存緊……
　
為咗可以捱到同佢哋再遇嘅嗰日。我決定再落到二樓A室，希望再一次用勞力換取食物──就好似最當初咁。
　
仲記得，當時基地裡面只係得程叔一個。而其他房門都係閂晒，雖然覺得奇怪，但我並冇深究太多。
　
「啊，小芙妳終於落嚟喇。」程叔見到我之後即刻露出一個異樣嘅微笑，「本來我已經有啲擔心想上去搵妳。」
　
「我……」因為我同程叔本來就唔算好熟，所以顯得難以啟齒。
　
「我明喇，」程叔一臉恍然大悟，「妳係唔係屋企已經冇晒食物？」
　
「嗯……」我點頭，「所以我想……睇下有冇嘢可以幫到你哋手，然後……拎少少返去……」
　
「原來係咁。妳唔使咁拘謹喎……過嚟坐低先。」程叔揮揮手示意我坐埋去。
　
因為係有求於人，所以我並冇拒絕，慢慢行埋去坐喺佢隔離張凳上面。
　
「小芙，唔怕老實講……唔單止我，Steven仲有王伯佢哋都好掛住妳煮嘅飯，特別係個蝦仁炒蛋。如果仲搵到蝦嘅話真係想食多次……」程叔合埋眼做出回味嘅表情，「但妳應該知道我哋而家嘅情況好惡劣，人越嚟越少、又搵唔到新血、次次出去都好似要同死神搏鬥咁。已經唔可以再好似當初咁揮霍喇……」
　
「我明……但一定有嘢係我可以幫到手。譬如話清潔呢度，甚至幫埋你哋屋企清潔都得……」
　
因為我仲記得，防衛隊入面好多成員屋企裡面都係得返自己一個。既然係男人，又過咗咁耐時間，屋入面嘅情況肯定係非常混亂……
　
「呢層，我諗都唔需要喇。」程叔搖搖頭：「就喺妳冇落嚟嗰一排，我哋已經搵到陳太幫手……佢真係好可憐呀，一個寡婦要湊住兩個仔……」
　
「咁……我……」我無助咁望一望周圍，急切希望可以搵到能夠幫手嘅地方。
　
「小芙，喺而家呢個時勢，其實我哋每個人都過得唔容易呀。記得當日俾喪屍包圍……我真係以為自己要落去見老婆同個仔。但上天睇嚟都係唔想我死住……」
　
「嗯……」
　
「係喎……講起上嚟，識咗妳咁耐……好似都未知妳幾歲？」
　
「吓？」雖然佢問得唐突，但我都係如實回應：「三十三……」
　
「三十三……」程叔重複，「記得阿叔三十三歲嗰陣，生活可以話係多姿多采。基本上晚晚都會出去飲通頂，係直到識到我老婆先識得定性……」
　
我注意到程叔嘅目光開始慢慢向下移，一種好似俾人打量全身非常唔舒服嘅感覺瞬間湧上心頭……
　
「但佢而家唔喺度喇。曾經有段時間，呢個世界好似剩係得返寂寞同喪屍。係直到妳出現先有少少變化……」
　
「程叔……可唔可以講返幫手嘅事？」我細聲問。
　
「哦……扯遠咗唔好意思。」程叔笑住講：「小芙呀，雖然好難講出口，但妳確實有樣嘢可以幫到我哋。」
　
就喺下一刻，程叔突然將摺凳拉近過嚟。我都未反應得切作出回應，佢就伸出一隻手壓喺我左手手背上面……
　
「你做咩！？」我當然第一時間想縮開，但程叔顯然係出盡全力……
　
「小芙，妳都唔係後生細妹啦，去到呢刻應該要明啦？我哋呀，只係得返『一件事』需要妳幫手。」
　
「放開手……」
　
「想我放開當然冇問題呀？」程叔用另一隻手抓住我嘅手臂，「但妳唔係要食物咩？我同妳講，妳只係得返呢個方法……」
　
「放手……呀……好痛……」
　
可能見我堅持想掙脫，程叔突然鬆開手。我反應過嚟第一時間彈起身，然後諗都冇諗就一把掌摑埋佢塊臉到……
　
「哈……哈哈……」令我意外嘅係，程叔唔單止冇嬲，反而係笑起上嚟，「唔痛、一啲都唔痛……比起外面面對嘅痛苦，呢巴掌又算得啲咩呀？我仲好似聞到陣香味添呀。」
　
「你……你個禽獸！」
　
「如果我係禽獸，早就將妳就地正法啦，點會喺度浪費咁多口水呀！？」程叔加重咗語氣，「妳聽清楚，而家冇嘢食就快會死嗰個唔係我，而係妳！」
　
雖然仲係驚魂未定，但我知道再留喺度情況只會變得更加惡劣。就喺我轉身走到大門嘅時候，程叔再次大聲講：
　
「妳走呀，我睇妳冇咗我哋支持仲點生存落去！」
　
一跑返出走廊，眼淚就好似湧泉一樣奪眶而出。直到入到後樓梯，我終於支持唔住，趴埋牆邊大喊起嚟。
　
試問，我又點會唔知程叔佢哋有呢種想法？有好幾次，同佢哋一齊食晚飯嘅時候，我都會感覺到色瞇瞇嘅目光。但我知道，喺呢個時勢，我只可以欺騙自己，當係自我意識過度。其實根本就冇發生過，情況亦唔會轉壞……
　
所以，嗰陣Adam叫我唔洗再落去嘅時候。雖然我係表現得驚訝，但其實內心深處，何嘗唔係鬆一口氣？
　
但呢個安全港，最後都係消失了……而我，只能隻身面對呢個殘酷嘅現實。
　
「嗚……Adam……點解你要拋低我一個……」
　
終於，等到淚水完全流乾之後。我茫然咁望住後樓梯一枝斷開兩截嘅掃把。當刻，傷心、羞辱、憤怒、絕望……各種複雜嘅情感互相交織，最後我作出咗一個衝動嘅決定。
　
我拎起地上面嘅半枝斷掃把，然後撐起身，繼續向下層移動。
　
與其，用嗰種「方式」生存落去，倒不如放手一博。只係搵一個人份嘅食物，應該唔係好難搵先係……？
　
轉眼間，我已經去到屋苑嘅大門前。記得災變之前，呢個時間門外面肯定係人來人往……但呢刻卻係死靜河飛，只係寧靜已經足夠帶嚟心寒嘅感覺。
　
「吖！？」我正想推開大門，卻見到門柄位置有乾咗嘅血漬，不禁嚇一跳。
　
唔知外面會係咩情況？真正嘅喪屍又會係點嘅樣？我嘅目標又應該係邊度？如果遇到跑得快嘅「感染體」，我有冇可能跑得贏？
　
我會唔會……有機會遇到已經變成喪屍嘅阿豪或者Adam？
　
抱住一堆疑問，我戰戰兢兢咁推開屋苑大門。明明已經開過上千次，但今次卻係特別重……特別難推開。
　
我屈縮住身體，舉起斷掃把，慢慢行到外面，先左右各望一眼，幾十米以內都見唔到有喪屍嘅身影……
　
由左邊落去……行落樓梯……離開屋苑範圍就會見到幾間餐廳……少少食物嘅話……應該係可以搵到……
　
我一邊默念一邊行，本來仲相信自己有能力做到。直到我去到樓梯位置，居高臨下咁望落去……眼前嘅畫面瞬間將我僅餘嘅勇氣打散。
　
呢刻，可以見到船景街同德康街嘅交界有幾好架已經撞毀咗嘅汽車。而車同車之間仲有不少嘅「人」企咗喺度。佢哋全部都係一臉茫然咁望實地板，唔係衣衫不整就係半身染住血跡……
　
毫無疑問，佢哋就係喪屍……而呢個數量、加上毀壞汽車所形成嘅「迷宮」，想從佢哋之間穿過根本係冇可能……
　
見樓梯底距離最近嘅喪屍突然轉過頭，我下意識退後幾步，好驚會俾佢發現。但原來我應該關心嘅根本唔係呢一隻……
　
「……嗚……」
　
一聽到聲音，我已經心知不妙即刻轉身。赫然見到眼前有一隻瘦骨嶙峋嘅男喪屍，雖然動作緩慢，而且仲有段距離。但當我直視佢凹陷而失去血色嘅臉孔，雙腿已經即刻變到軟弱無力……
　
「……嗚……」
　
死亡嘅腳步越嚟越近，為咗想捉住我，男喪屍慢慢舉起雙手……我雖然仲高舉緊掃把，但實際上我已經冇勇氣用力揮出去……
　
「吼啊啊啊啊！！」
　
我本來已經合埋眼準備接受呢一切，但突然有另一個男人從屋苑方向衝過嚟，一棍狠狠咁直揮落男喪屍嘅頭將佢打低。我都未反應過嚟，右手就俾佢捉住……
　
「仲企喺度！？走呀！」
　
我曾經有一刻以為呢個人係Adam，但原來係Steven……防衛隊嘅其中一員。佢一直拉住我，直到入返屋苑大堂先鬆開。
　
「妳咁樣出去同送死有咩分別！？」Steven大聲質問。
　
我並冇回應，全身依然不斷係咁震……
　
「妳跟我上返基地先……留喺度都唔係絕對安全……」佢提議。
　
「我唔去，」我搖搖頭，「你……你喺度扮咩好心？」
　
「吓？」
　
「你根本係同程叔仲有其他人一樣，希望我會出賣身體……同你哋做嗰啲事……」
　
「係呀，我認！」Steven非常大方咁承認，「就算係又有咩問題？妳係單身，我哋幾個死咗女友同老婆嘅又係單身……點睇都正常過揀Adam啦！？」
　
「你……」佢呢個講法，證明佢哋早就知道Adam背住老婆同我出軌。
　　
可能意識到自己講多咗，Steven即刻撇過頭唔敢正視我。
　
「總之重點係，妳根本冇其他辦法……但我哋又何嘗唔係？為咗生存落去，我哋每次出去都係攞命博，今日唔知聽日事……妳望下鋒仔，仲有橙哥……」
　
「呢點程叔已經講過……」
　
「妳自己計下，對比之下，妳嘅『犧牲』又算啲咩？雖然咁講肯定得罪好多人，但理得佢哋死……反正呢班偽善嘅人好多都已經變成喪屍！」Steven停咗陣再講：「阿芙，我唔否認我有私心，所以點講都冇說服力……但換轉我係妳……我一定會頂住，最多……等到自己真係有足夠能力嘅時候，咪離開呢個鬼地方囉？」
　
講到呢度，佢將一個已經咬咗大半嘅麵包遞俾我。
　
「呢度真係最後喇……妳自己返屋企諗下。如果最後都係決定出去博一博，今次我肯定唔會再出去救妳。」
　
Steven等我接過麵包之後就轉身離開。而我就一直留喺原地，直到頭先俾佢打低嘅男喪屍就快爬到過嚟，先至行返入後樓梯……上返七樓嘅屋企。
　
呢一晚，我當然係瞓唔著。腦海一直都係諗緊Steven講嘅嘢……
　
最終，得出一個答案。
　
隔日，我再一次落到基地……今次只有Steven喺度。
　
「妳諗清楚？」Steven問。
　
「嗯……你同埋程叔講，我可以應承你哋……但當然係有條件。」
　
就係咁，為咗喺喪屍世界生存落去，我嘅人生正式走入另一個階段。
　
（待續）
　
　
雖然殘酷，但喺喪屍世界，或者女主嘅待遇已經稱唔上係差。睇完又鍾意記得分享開去，下集暫定星期日或者一。
　
最後又提一次！《無異之地》實體版會書展首賣！十五號正式開始，希望疫情唔會嚴重到搞到取消啦…
　
－－－－－－－－－－－－－－－－
　
【地方的無默媽資助計劃】（試行中）
　
近年作者生存空間越收越窄，大眾結業更加似係雪上加霜。所以推出資助計劃，希望各位可以直接課金支持。計劃並唔係強制性，一蚊可以，想繼續免費睇亦無妨，有心就可。
　
Payme 連結：
https://payme.hsbc/echoofheart
　
轉數快 FPS ID：6065460
　
計畫緣由及詳細內容：
https://bit.ly/39b5Fuw
　
－－－－－－－－－－－－－－－－－
　
【廣告時間】《無異之初》、《時間守衡者》、《絕命上映》、《絕望走廊》、《絕無轉機》各大書局有售！
　
－－－－－－－－－－－－－－－－－
　
IG：echoofheart

再問多次：係咪用美國做benchmark呀？

Hello~~

#如果喺美國開咗槍啦
#解散警隊喎

(歇後語：「太公釣魚，願者上鉤」)曾大屋Tsang Tai Uk又稱「曾氏大屋」，舊稱「山下圍」或「山廈圍」，位於香港新界沙田區城門河東博康邨南端旁邊，鄰近獅子山隧道，是區內保存得最好的圍村之一。圍村在第二次世界大戰時曾收容逃難人士，所以被尊稱為「曾大屋」。曾大屋是曾氏家族的住宅，由曾貫萬（又名曾三利）於1848年建造，歷時二十年，至1867年才建成。曾氏建宅的起源如下：
一、曾氏在阿公岩經營石礦場，並開設三利石廠，後來致富，便在沙田興建圍村供族人居住。
二、曾貫萬是五品官，相傳有一班海盜劫漁船得鹹魚16甕，登門求售，曾以每甕800錢買下，後來他發覺鹹魚下面全是金銀，而海盜又一去不回，遂用之興建建宅。
總面積達6,000多平方呎，圍牆採用了花崗石、青磚和精選的木材，而四角均築有鑊耳型的三層高碉堡，碉堡上有槍孔和瞭望台，用以對付盜賊的侵襲。本來曾大屋外面有一條護城河圍繞整座堡壘，以吊橋啣接，但現已遭填塞，吊橋亦拆去。村內的建築主要分上、中、下三廳，廳與廳之間有天井分隔，這三個廳又稱為三楝上下進與左右兩橫屋相連，形成棋盤狀，圍屋內有住屋99間，取其長長久久的好意頭。圍村入口有三個大門，中門最大，門頂圓拱形，四週以麻石砌成，門頂石匾鐫刻着「一貫世居」，門上有酸枝木和鐵枝製成的門閂，並有一道鐵門。正廳門前有「大夫第」木匾和「祥徵萬福」石匾。庭院內還有兩口井。曾大屋的建築充滿官家氣派，將防禦和抗敵的因素集於一身，與新界的其他圍村迥然不同。