這不是標題黨!西內瑪麗亞真的要當傳說巨乳AV女優!還是在山田孝之主演的《AV帝王》續篇,拍攝現場的照片都公開了,很難作假。被日本藝能界封殺的她,在Netflix以大尺度演出來復活十分合理,不過我像很多日本網民一樣都有相同的擔心:以西內的條件,怎樣演巨乳女優而有說服力?
標題黨netflix 在 陳煩 Facebook 的最讚貼文
近排有兩套喪屍片都劣評居多,一套係《屍殺半島》,另一套係Netflix嘅#ALIVE,作為喪屍片愛好者,兩套我都已經即日睇咗,先表明立場,我覺得兩套都唔差的,所以當我見到網上幾乎係一面倒嘅罵聲,就開始思考問題出咗喺邊度。
愚以為,可能係觀眾抱住錯誤期待入場嘅關係。
入得場睇《屍殺半島》嘅,相信大部分都係衝住《屍殺列車》而嚟嘅人,大家期望再睇一次密閉空間x人類喪屍埋身肉搏,但係《屍殺半島》完全相反:由狹窄嘅火車車廂變成整個荒廢城市,從赤手空拳人屍大戰變咗Mad Max式飛車槍戰。
老實講,睇頭三分一嘅時候,我都覺得有啲無癮,但係當我嘗試用睇另一個片種嘅心態去觀看,就看出趣味來。
輕微劇透,未睇電影請斟酌服用:
《屍殺半島》不乏值得一讚嘅地方,例如用一個鏡頭輕輕埋咗伏線(玻璃大樓內塞滿嘅喪屍),最後用返嚟擊殺對手,我自己認為,一個成功嘅伏筆,除咗最尾要埋尾之餘,仲要拿捏到唔好令觀眾咁快意識到呢個係伏筆,同時又唔會奀到觀眾根本唔記得呢樣嘢出現過。呢一點《屍殺半島》係做到的。
另外,《屍殺半島》沿用返上集嘅喪屍設定(被聲吸引同黑暗冇視力),今次有幾幕飛車大戰都善用咗呢一點,例如大女被後車追到氣咳,就喺後巷飄移咗一下,用車頭燈引晒啲喪屍出嚟堵截咗後面架車之類,都算係有創意。
劇本工整,該有嘅元素都擺得妥當,由頭到尾只係專心講好一個主題,呢啲就不贅了。但當然缺點還是有的,例如最為大家垢病嘅CG車戰場面,反派過份面譜化等等,至於點解兩母女手車咁掂呢啲小疑問,就正如睇親鬼片,啲主角硬係要打開地下室道門一樣,let it go吧。
反而我覺得,導演明知大家係期待睇返《屍殺列車》嗰種戲路,而呢種劇本又唔係《屍殺片場》嗰種mind blown到可一不可再嘅橋,既然佢做得一次,要複製多次相信係有可能的,但佢偏偏就挾住咁高期望,去做一樣完全唔同嘅東西,呢種膽量唔值得欣賞咩?
題外話,而家好多人會話某啲作品「爛尾」,無論電影、劇集、小說同漫畫都無一倖免,有時我會為作者感到不值,前面花咗咁多心思時間去做出咁好嘅作品,去到最後可能只係因為唔合符大家心目中嘅想像,就被貶為垃圾。明明嗰個創作者已經展示過佢擁有足夠能力,而我相信佢比任何一個受眾都更在乎自己嘅作品,如果最後佢選擇要咁樣落筆,我會嘗試盡量去理解佢嘅選擇。
當然我明白大家可能只係愛之深恨之切,而且每個人喜好都唔同,如果真係唔喜歡當然冇問題,不過如果可以放開胸懷,話唔定就會得到更大嘅樂趣。
P.S. 本身想寫埋#ALIVE,但唔覺唔覺寫咗咁長,而且我想講嘅都係上面嗰啲,所以都係算了,唔好意思做咗標題黨
P.S.2 推薦大家follow哈捏口個page,有好多有趣同溫暖嘅twitter翻譯
標題黨netflix 在 君子馬蘭頭 - Ivan Li 李聲揚 Facebook 的最讚貼文
[Nasdaq 10萬點不是夢!]又係小小標題黨,其實句嘢有啲廢,梗係不是夢,梗係可行。100萬點都不是夢架,但舊文話頭,「已經很近了,但還要有個過程」
不過,其實轉眼間,Nasdaq已經9600點,話咁快就1萬點啦。分分鐘未到情人節已經到。
講真的,10萬點都不是夢。10倍之嘛。唔好咁奸由雷曼爆煲後計(*)。我就當科網泡沫之前,1995年嘅Nasdaq已經1000點,去到2020年升10倍,當中經過炒起爆煲再加雷曼,都不過係25年。長就好似長咗啲,但,即係你只要仲有25年命,應該會見到Nasdaq 10萬點。但而家講你覺得荒謬。
過咗高增長?1995年美國就已經係最大經濟體啦。重點唔係個GDP增長(所以用GDP解釋股市嘅就算啦),而係企業嘅創新。呢啲都係啲淡龜睇唔到嘅。
帶動呢輪升勢嘅,幾樣嘢,但主要都係業績,你見啲科企業績普遍都OK。而且舊文都寫過好多次,歷史都話你知,疫症帶嚟嘅調整梗係買入好機會。港股係,美股更加係(唔好再同我講「我買美股唔好?」。你咪買咯。Why not both?)結果早排稍為調整後,美股又再創新高,三大指數都係。
舊文寫過嘅,four-comma club(http://bit.ly/2JISKXf),市值達到1萬億美金,one trillion(所以咪四個逗號:1,000,000,000,000)嘅公司。而家已經4間。
當時仲研究邊間最先登頂,其實使乜爭?輪住啫。而家,Microsoft,Apple,Google(Alphabet),Amazon,四間都一萬億美金市值。
其他嘅,Facebook早排出咗業績,市場反應麻麻,但而家已收復一半。Tesla今年差不多升一個開,Netflix失落奧斯卡後仲有得升。
呢堆,全部都係Nasdaq 100 指數嘅成份股
你問我,其實多數都叫人買ETF,港股又係美股都係。因為揀winner太難,不如ETF乜都買晒,自動買龍頭。當然自己揀股又另一種樂趣,況且我工作需要,又可以寫文,另一回事。但一般冇乜時間嘅,咪買ETF.幾時都話生命中好多嘢畀睇股票美好(例如睇我啲文)
你話,肺炎呢?舊文都講過,影響中國同香港,都一早反映咗大半(如非反映過度),當然低位彈返千幾點後而家又麻麻地值搏。但同樣地,你炒啲咩雲計算呀,Work from Home呀(唔好打卡),甚至網購呀,啲龍頭都係在Nasdaq 100堆嘢入面。你買口罩都上Amazon唔係阿里巴巴啦
咁可以點買?都係推介香港上市啲ETF,就唔使開美股戶口,況且美股佣貴,又要填表。
華夏嘅納指2倍正向ETF,7261,今日亦都跟埋指數創新高。當然留意返,2倍槓杆,買得大賠得大,但輸錢亦雙倍。另外差不多全部呢啲ETF都係畀你短炒,就唔好渣一個月甚至幾個月啦。一兩日就會跟得足,指數升咁多你隻嘢就兩倍,但幾個月一定唔足,詳細機制不多解,但唔好到時去投訴呀下。
*如果我奸嘅,用2009年1500點開始計仲靚啦,10年多啲升6倍