關於 欣欣秀泰附近餐廳 ，我們在網路上蒐集到這些相關的討論、資訊與評價

［杏仁亦要花氣力］Nuts價格狂跌，應該因為冇人唱K？

TLDR：需求大跌，而今年仲要甩屎豐收，當然啲價就係咁跌

FT原文：Nut prices plunge as pandemic fears hit sellers（https://bityl.co/3DIc）

1. 昨日講木材，有提到花生期貨（ＸＸＸＸ）。咁花生期貨唔知，但甩屎價格就跌到10年新低！乜解救？

2. 梗係唔係因為冇人唱K啦，況且外國唱K好似唔興甩屎（其實外國非亞洲人地方興唔興唱K？）。不過，都真係關疫情事

3. 原來都真係嗰個思路。價格嘅嘢，都係供求。今次就主要係需求出問題：甩屎大買家係咩人？餐廳，酒店，酒吧，航空公司。

4. 而甩屎之中，杏仁就真係重災區。今年跌咗四成！真係杏仁要亦花氣力。合桃/核桃（Walnuts）（＊）就跌兩成！而腰果跌得少，只跌一成，抗跌力強，果然係好腰好腎好男人（＊＊）。可惜冇開心果價格（＊＊＊）

5. 實情最初封城，都係人人掃，乜都買。但好快就發現，到餐廳酒吧酒店同航空公司停運，啲甩屎需求就冇晒了。杏仁格價？由舊年7000美金一噸，跌到而家4000美金有找。因為倉度大把，賣唔去，仲要今年豐收，豐收過史丰收。

6. 雪上加霜，更加drive you nuts嘅係，中美關係。其實中國原本係甩屎入口大國（唏，唱K嘛！），但因為貿易戰同加關稅，又或者因為中國經濟差啲人死晒（好似有人話係），冇人唱K，入口都大減。中國由美國入口嘅杏仁，跌兩成。合桃就跌六成，開心果跌四成。不過有可能係換咗第度買。

7. 關於杏仁，仲有樣嘢想講。就係杏仁豆腐！一個正常香港人，去日本係唔會食中華料理的。但，作為一個學者（？），我就去留意啲日本中華料理餐廳食乜。九成九都係劣食（係，我冇食過，你食過話我知好唔好食），麻婆豆腐佢地至鍾意（所以日文都係就咁叫「麻婆豆腐」，外來語咁）。

8. 而根據本人在橫濱同長崎嘅中華街所見到，九成以上嘅中華料理套餐，最後必然係跟杏仁豆腐！正如你去美國啲中餐就有科春曲奇！十分神奇。聽聞日本人心目中嘅中國甜品就係杏仁豆腐！香港呢？許留山！台灣呢？梗係珍珠奶茶。

9. 而到底呢個日本中華料理杏仁豆腐點嚟架呢？實在唔知。不過有人話香港人傳過去，我都信信地。因為N咁多年前條女，老豆就係做廚嘅，後生時就係在橫濱，講到自己開山祖師咁。佢講到話啲中華料理都係香港傳過去（唔怪得咁多劣食）喎，如是我聞。

10. 其實呢，甩屎嘅嘢，仲有好多好多架。可以唱返首「數波波」咁「數甩屎」。例如呢，大韓航空就有出名嘅甩屎門（https://bityl.co/3DJF）。嗰次就係Macadamia（我覺得個名好似啲學術期刊名稱）。問下大家，Macadamia中文係乜？好多人知，夏威夷果仁嘛。但其實原產地係澳洲。咁多波，有數錯，我都冇～～奈～～～何。

11. 呀，非廣告，台灣嘅欣葉台菜，十分之多日本人去，聽聞因為不少侍應識日文（＊＊＊＊）。實情埃汾同埃汾汰在台北租屋時，樓下就係欣葉始創店，我地亦撞過幾次單拖嘅日本仔（冇日本妹）。不過，倒唔覺日本仔有點杏仁豆腐—但本人就次次都點，假裝在日本。欣葉嘅杏仁豆腐幾好食的說。其實其他嘢都好食，又開得夜。

12. 日本人呢，聽聞真係好鍾意食杏仁豆腐。甚至有個插畫師就叫杏仁豆腐！（https://bityl.co/3DKP）。不過日本人嘅嘢，有個漫畫家叫完顏阿骨打！（https://bityl.co/3DKY）

（＊）希望我冇理解錯，但合桃同核桃係同一樣東西。十分神奇。我懷疑係因為懶音，不過唔知邊個懶。聽聞同胡桃都係同一樣嘢。咁但，「胡桃夾子」，其實廣東話叫乜？合桃夾？合桃鉗？

（＊＊）腰果又點解叫腰果？我見有台灣網話因為英文發音，我幾肯定係錯嘅。腰果，咪因為似腰。咩腰？唔係24腰，而係…..咁豬腰個腰係乜丫？

（＊＊＊）我就快可以寫飲食男女。開心果，正式名字叫「阿月渾子」，千其唔好學呢啲字，做人唔好咁孔乙己。咁應該好多人知，因為開心果個樣好似開口笑咁。但其實呢，我係諗起……一線鮑。而埃汾係唔食開心果的。但會食開心果雪糕。

（＊＊＊＊）同樣道理，台北嘅京鼎樓亦好多日本人去。在台北中山區（亦即係埃汾同埃汾太住嗰度），欣欣秀泰戲院附近（呢間亦係埃汾成日去嘅戲院，有子夜場！）。真係見到京鼎樓阿姐講日文。而同時間，京鼎樓在日本其實分店仲多過台灣！我都有幸食過，在…..川崎。

———————————————————
Ivan Patreon 狼耳街華人，一個星期至少三篇，一個月一舊水唔使，兩星期已超過400人訂，仲有兩篇免費試睇：https://bit.ly/31QmYj7
------------------------------------------
［收費短片第八擊］美國總統大選買股部署

課程資訊:https://homebloggerhk.com/course_detail/?code=CC008

到上link會見到紅色按扭直接購買及觀看
題目:「美國總統大選買股部署」 /cc008

內容:
*美國總統大選買股部署
*美股8月終極一升，然後…
*制裁美國上市中資股，有七後果？
*蘋果2萬億市值，之後點？。下間2萬億市值係？
*未買記得買返CCO06（下半年選股）同CC007（買金）

本星期內特惠售價: $80
課程編號：CC008
觀看期限：首次播放後一星期及限每影片４次
客服whatsapp: 63832145

❄欣欣秀泰❄白色夢幻3房2廳1衛1廚0陽🍂41000🌷電梯7F♥需要簽約一年🌷🔥私訊容易不見歡迎直接➕賴🔥
❄稀有景觀優質房❄

🐢好房不等小烏龜🐢需兩週內簽約起租再預約💞
🍀現在看的到~不租就別人的囉🍀
🍂3房2廳1衛1廚0陽🍂
❄月租金$41000元
❄管理費：1860
❄坪數：23.46
♥需要簽約一年♥
✔台北市中山區
(地址一律預約看房後提供~保護租客隱私)
✔格局：3房2廳1衛1廚0陽
♥電磁爐可開伙
♥禁菸禁寵
♥水電費照帳單

♥近欣欣百貨、威秀影城、晶華飯店商圈、超商、康是美、新東陽、知名餐廳林立
♥近林森公園，每天享受芬多精
♥.管理室24小時，可代收包裹
♥高樓層景觀美房
♥浴室有浴缸，放鬆舒壓好方便
♥使用洗脫烘機
♥有衣櫃、收納櫃，收納空間棒
♥免追垃圾車，垃圾集中處理，使用一般袋
♥冷氣4台

❄無近捷運
🐦♥中山站、雙連站走路10分鐘750M

🌟有管理員代收包裹
🌟無法野獸~貓貓狗狗~~~含淚跟貓狗說掰掰> <)
🌟收納空間多更多
🔥🔥🔥
✨附近餐廳、便利商店多吃喝玩樂通通有！！
🌷唯一一間~~~~~🌷
🌷要搶要快🌷
💞獨具匠心的設計
💞滿足擁有高尚品味的您
X謝絕八大😥😥無法寵物(無法貓狗~~~~)
每天晚上八點前看房
🔥私訊容易不見歡迎直接➕賴
即刻預約賞屋通往幸福的道路~
📲梁小姐（小鸚鵡🐦）
➕Line ID👉🏻happy0210a
LINE 網址:
https://line.me/ti/p/tnnLH309Ly
❝替房東把關的鎖，為房客找到家的鑰匙 ❞🍍🍍🍍🍍🍍
♥台北優式租屋公司♥
🌸帶看免費🌸
🐦成交才需付半個月服務費🐦
希望給我一個服務機會讓我可以賺鸚鵡飼料錢🙏🙏🙏
#中山區
#欣欣百貨
#景觀
#大雙人房
#大房
#電磁爐
#可開伙
#有傢俱

［60萬電單車位］在台灣買層樓都得了！

1. 開頭見到呢單新聞，我就同埃汾太講，60萬在台灣買層樓都得了！當然唔係台北。你在台東花蓮甚麼就肯定得。

2. 後來諗下，都唔使咁極端。上次咪貼過咯（https://bit.ly/2B5Gqyw）。宜蘭，南方澳，80萬港紙，1200尺。我懷疑你再講價都仲得。唔使去到台東花蓮咁誇張。

3. 但，係咪有可比性？其實冇乜。唔係完全冇，但並不好大。又係嗰句，存在即合理（雖然不能用得太濫）。

4. 我成日會講一句，有啲人聽到覺得好挑釁。但凡親人地講，邊度點好點好，邊度嘅樓點平點平，我都係一句：咁好你唔搬去住？

5. 咁在台灣嘅case，in case 有人唔知，埃汾完全透明。埃汾六七年前已經搞投資移民去台灣，埃汾太已經拎咗台灣護照，已回港。埃汾自己就未係公民。當地亦都冇買樓。但的確有打算有機會去嗰邊長住。

6. 當然，永遠係兩手準備，同埋我幾時建議大家嘅，分散。而家公司工作我相當滿意，咁當然唔會忽然走咗去。相反，上一份工我係裸辭嘅（其實半裸），原本諗住若果真係touch wood搞幾年都搵唔到滿意嘅工作，係可能搬走的。但後來有咗而家呢個工作。

7. 將來點，唔知。可能聽日我就畀人炒魷呢？邊有保證。只能講呢一刻我冇特別想離開香港。但，我亦唔係不能離開香港。可能十幾廿年前，會覺得好留戀，而家係冇乜的。原因好多，不一一細解，但未必係你估嘅嗰啲。

8. 所以我並不一定要搬去台灣，但呢個肯定係可行選擇之一。咩叫可行？咁我講下咩叫唔可行。即係你見周圍都有啲咩塞浦路斯呀保加利亞咁，但，真係搬過去住咩，我想像不能。保加利亞我去過，過癮架，但旅行同去住，兩回事咯。

9. 以我一個咁煩又咁懶嘅人，其實可以劃走絶大多數地方。唔識語言嘅，已經可以刪晒。咁即係剩返英語國家，同埋台灣新加坡馬來西亞—總唔會搬去大陸或澳門掛。

10. 英語國家嘛，埃汾在英國讀Master，之後做嘢去過幾次，但從來唔係特別鍾意。澳洲嘛，去過，埃汾在嗰度結婚，OK鍾意的，但，哪有錢？同樣地，美國加拿大，都係，哪有錢？門檻高。新加坡亦都係，哪有錢？

11. 咁所以，門檻低，又真係覺得住得到嘅，台灣，馬來西亞。但馬來西亞自然是你懂的，費事冒犯讀者，但你懂的，特別係其實我過好撚多次馬來西亞，多過台灣添，以前公司畀馬拉佬買咗嘛。況且，其實你入唔到藉。

12. 所以，台灣咯，by elimination．同好多人想像中唔同，我並不是特別鍾意台灣，至少埃汾太未去之前我唔多鍾意，實在係有點土。但，首先係平，這很重要。門檻低，又係好重要。仲有近返香港，都重要。仲有大約啲生活飲食睇書睇戲都相近，又重要。語言都還可以，又重要。

13. 最最重要係乜？最重要係，埃汾太之前去住過一年幾（租屋啦，冇買）。咁我其實兩三個星期就過去一次，有時請一日兩日假，有時就到紅日，有時就咁星期五放工去星期一朝早返。

14. 重點係，住落，係舒服的。講乜都假，如人飲水，冷暖自知。人地講到點好，但你覺得地獄，冇用的，反之亦然。對鞋自己著落咪知。咁我雖然都唔係長居，但你計下我都去咗好多次，唔只係完全遊客。當然，仲有埃汾太住落都幾開心，都係緊要的。

15. 唔好意思，離晒題。但其實呢篇文唔係講移民台灣，有機會可以再寫。

16. 我反而係想講，香港。講到尾，有人香港咁差，你又唔走？呢句可以係我問你，亦可以係你串我。

17. 作為一個偽經濟人，我幾時都信身體最誠實，actions speak louder．

18. 再講一次，同好多香港人唔同。我並不特別鍾意香港，我甚至幾討厭香港同香港人（否則唔會搞移民）。但掉轉，我亦唔會覺得佢一無是處。否則我搬咗去台灣啦。

19. 至少兩樣嘢。其實可能係一樣嘢。第一，錢。第二，都係錢。

20. 先講第一，香港人工高，稅低。基本上已講完。金融業反差更大。香港金融業發達（唔係真係做到發達，明啦），台灣金融就唔係強勢行業。唔怕開名，講我嘅舊同事（算係）兼舊朋友（其實已冇來往），自己睇文（https://bit.ly/2XH8m3h）。篇文講台灣反服貿，但重點係我朋友，台灣女仔，靚女，叻女，台大財金系尖子。當年（2014）年薪已過百萬，梗係港紙，而我相信已經係低過佢之前嘅工作（嫁咗人）。正如佢所講，喂，返台灣？唔係唔想，但四份一人工都拎唔到。就係咁大劑。

21. 實不相瞞，埃汾都在台資公司打過工，咁因為我在香港，佢地畀嘅人工當然係香港水平（否則搵鬼同你做），我十分滿意。但想講，我當然一路搵機會睇下有冇得relocate，其實如果有一半人工，我都應該去咗。正如我在星展時，佢地都有台北分壇，我都係一樣，有一半人工我應該就去咗。不過冇成事。

22. 咁所以，去到台灣做乜好？就梗係乜都唔做。炒股票好（其實好難），食息好（還可以），香港層樓放租又好（好多人咁做），收費專欄又好（靠你地了！認真的！）　—總之，就不能在台灣打工，會死人的！事實我識嘅台灣港人，絶少會在嗰邊打工。一係就退休過去，或者香港有樓收租，或者接香港飛爛屎收返香港價錢。

23. 一係呢，咪後生仔，可能去開間舖，茶餐廳呀咖啡店民宿呀之類。但，首先我唔係鍾意做生意嘅人（明顯地）。第二，喂咁咪好唔得閒？邊有時間寫文睇書睇戲。第三，大佬，就係唔想對住香港人嘛！到時開間民宿又對住啲港人？咪成件事錯晒。

24. 所以重點，真係唔好在台灣打工，會死人的。你香港人拎開咁嘅人工，一定唔慣。你唔會為咗拎八千蚊人工日日同人迫捷運返工的。

25. 其實都未講，之前咩阿嬌離婚，都同呢樣嘢有關。玩香港明星？賴生玩唔起咯，真係大家唔同層次。有機會再寫。

26. 講埋第二。香港除咗人工高，仲有樣嘢，就係生活。真係聲色犬馬，紙醉金迷。

27. 首先要講好重要嘅嘢，香港係人工高洗費高，台灣係人工低洗費低—但，世界上宜居嘅地方（任你點定，但對我嚟講，人人想去咪宜居，咁你鍾意去索馬里捉魚都得嘅），基本上全部都係人工高洗費高，唔會係人工低洗費低。點解？因為好多嘢，係「劃一價」。你台灣買部iPhone 唔會平過香港，你在台灣訂Economist 唔會平過香港，你住台灣去日本食米芝蓮三星人地唔會平畀你。

28. 咁同埋，如果係中級中產或以上嘅，在香港，真係幾好。埃汾作為一個相當怕悶嘅人，都好似寫過，其實我覺得呢，台灣北北桃以外，全部都係鄉下！係！高雄都係鄉下！台中都係！呢句畀台灣人聽到一定鬧，話你天龍國。但，用香港人標準嘛。咁當然有人鍾意歸園田居，OK的，自己擇，但我唔係咁嘅人

29. 我要方便嘛。唔怕公開，台北租屋時，我同埃汾太，住在中山區（唔知在邊？自己上網搵），德惠街，雙城街夜市附近。冇錯，正係半夜可以落去食嘢，附近多嘢食，捷運站行十分鐘左右（「其實我都覺得有啲遠！」）。

30. 當然，當時租屋都有啲倉卒（＊），如果畀我揀多次，會仲留意多兩樣嘢。第一，書店，最好就誠品（我就係咁膚淺，當然台灣有啲其他書店都不錯）。

31. 第二，戲院。但其實都還好，當其時我好鍾意在「欣欣秀泰」睇戲，因為好多間院，仲要有午夜場甚至子夜場（新一代唔知係乜了）。睇完，如果冇落雨，我就行返德惠街—唔係慳錢，台灣的士出名平，而係我鍾意行。

32. 講到離晒題。但香港，有很多唔好嘅地方。但你見都仲係好多人爭住嚟（包括華界嘅十幾萬萬同胞），總有原因。都係嗰句。人工高，搵錢易，而且方便。成日講外國負擔比率點低—咁你本身都冇乜錢冇得揀就冇得講，但你見比較有錢嘅，係咪個個走晒去？唔係。咁就用腳投票啦

33. 又長，又亂，又離題。不過以往經驗呢，呢啲文多數就多人睇。

34. 最尾返返所謂正題，你就梗係覺得60萬蚊個電單車位痴線啦，租金回報1厘幾，80年先收得返成本。但，幫你間埋啦，個複式戶4000萬，你覺得畀得起4000萬買嘅人，會介意個電單車位幾多厘回報？正如你朋友畀幾千蚊去食米芝蓮，唔通你去笑佢做乜兩舊水開支意大利星星水？

35. 鍾意嘅，我可以寫多啲台灣移民嘢。或者寫多啲「冇咁金融」嘅嘢。例如補習天王呀，PTGF等等。其實我冇乜所謂，不過如果成日都「冇咁金融」，我唔知你地會將我點label．「喂嗰條友寫啲嘢幾過癮架」「佢寫乜的？」「咩都寫架！」「即係乜？」

36. 所以好廢講句：香港好好？我唔覺得有乜咁好。但香港好差？我又唔覺得真係咁差。幾時都係自己最清楚，talk is cheap

（＊）其實當時房東唔係好想租畀我地，並唔係特別歧視香港人，而係佢地唔想租畀外地人。解決方法？好簡單，錢解決唔到，更多錢就解決到。我一次交咗半年租，佢就十分開心租畀我。佢無非都係怕我欠租啫。

———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。

請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。