三月初係FB睇到廚餘回收中心「O．PARK1」嘅介紹，咁就緊係即刻去佢地網站登記預約，終於等到一個多月後嘅今日可以同小小豬嚟參觀，等佢上返一節常識課(最好嘅就係….免費活動，當然…一定要預先預約啦)。
O·PARK 1係大嶼山小蠔灣嘅，所以我地要係欣澳MTR附近搭佢嘅專線接駁車先可以去到。
小小豬最鐘意就一定係嗰兩個動畫劇場，由廚餘被運送到O．PARK1，輾轉去到厭氧消化缸，最後從生物氣儲存缸成功逃脫的過程，從而認識廚餘處理運作過程。
之後導賞姐姐就帶我地參觀兩個主要建築群，邊行邊講解廚餘嘅轉廢同佢嘅用途。最後仲帶我地去大樓天台嘅空中花園介紹由大嘥鬼負責嘅回收廚餘所產生嘅堆肥種植值物。
雖然整個環境唔算太大，亦都冇任何自由參觀時間，係兩個鐘嘅導賞活動內全程亦都要跟住導賞姐姐，不過邊行邊聽唔覺唔覺原來依兩個鐘真係好快過，我地仲每人會收到一包係處理廚餘過程產生嘅堆肥作為紀念品添。
小小豬都話今次參觀有得著，學到廚餘轉廢為能嘅經過，而且仲答應左導賞姐姐之後會減少製造廚餘(希望佢真係做得到啦…哈哈哈)。
其實我都覺得唔錯嘅，動畫劇場都幾好睇，不過因為導賞姐姐講解得都好詳細(同埋比教學術性)，如果太細嘅小朋友可能聽唔明，所以我個人覺得就好似比較啱小學生去多啲啲。
由於疫情影響，所以每節導賞團都只有兩個家庭(最多六人)，所以有興趣去嘅朋友仔就要快啲報名呀(每朝七點開始下一參觀日的名額)~> https://bit.ly/3e2fRvP
大嘥鬼 Big Waster
欣澳mtr 在 【港鐵• 迪士尼綫】往欣澳列車到站廣播｜木頭鐵路 - YouTube 的推薦與評價
【 MTR • Disneyland Resort Line】To Sunny Bay train arriving announcement錄音日期：無記錄No Record錄音車站：迪士尼Disneyland Resort (DIS) ... ... <看更多>