我知你哋一睇到條片就Sense到係廣告，然後想秒速跳過，雖然真係廣告，但我有啲嘢想講。
Judas Law，用一把清新靚聲唱經典廣東歌嘅Busking片段喺大埔Group爆紅，一夜之間，由一個寂寂無聞嘅街頭歌手，變成好似Pokémon咁全城捕捉佢Busking嘅蹤影，佢開始由街頭走上電視，有接踵而來嘅訪問同表演，仲簽埋經理人公司籌備緊唱片。但係根據網絡逢紅必反嘅定律，自然又開始有好多難聽嘅說話冒出。
柳重言，我第一次知道呢個名係因為王菲嘅《紅豆》，作曲人正是柳重言。後來慢慢發現好多經典廣東歌都係出自佢手，例如《黃金時代》、《綿綿》、《單車》，同埋呢首MV嘅原曲《昨遲人》。一個咁厲害嘅作曲人，去到50歲嗰年先參加《中國好歌曲》，成為當屆最高齡嘅參賽者，連大陸網民都忍唔住問：「以這麼多年幕後資歷，真想出碟需要上這樣的內地選秀嗎？」
答案我諗大家都好清楚：需要。因為我哋好少可會畀機會人哋，靚聲嘅就話人哋唔夠感情，唱得嘅又嫌人唔夠魅力，生得靚仔靚女嘅又倒返轉頭話人冇乜實力。
總之人哋留喺香港時就當人係草，到人哋去第二度發展或索性放棄時，我哋唔係話人為咗搵銀背棄了理想，就係大鑼大鼓咁整個懷念系列，慨嘆走寶。
點解唔可以趁人哋仲願意喺度為我哋表演嘅時候，認真聽下佢哋嘅聲音，支持下佢哋嘅作品？
#原來脫毛廣告可以咁樣搞
#欣賞MediLASE嘅眼光
Click呢度了解更多：https://hubs.ly/H0c75z80
