#歌名投標 !
所有歌手樂隊朋友們:
話說，咁多年嚟我成日會忽然諗到啲好有趣（或好9）嘅歌名，就會入落電話度，所以我電話入面大大話話有幾百個未用嘅歌名，從來唔知幾時先會用得著。
剛剛過咗嘅生日我許下一個願，就係希望我今年開始可以寫到一份又一份我真心好想寫嘅題材嘅詞，而用盡晒呢一堆我想用嘅歌名。
填詞往往都好被動。接首歌返嚟填，多數要跟返歌手同監製嘅概念指引去寫，好少真係寫到自己想寫嘅題材同埋用到自己儲返嚟嘅歌名。有時候歌手監製話就話任我發揮，到最後嫌歌名怪題材偏被彈回頭。
入咗行20年，我真係覺得，唔得喇，要轉吓個玩法。唔係分分鐘到死嗰日呢堆歌名只得到同我陪葬嘅下場。咁我就膽粗粗試吓咁玩一次。
嗱，我從袋住嘅幾百個歌名入面，抽左呢三個歌名出來：
1. 找一個令我Delete App的人
2.庇護歡場
3.父親的決擇
如果你想擁有任何一個歌名，或者對任何一個歌名有feel，可以IG inbox我，我會幫你填份詞。你俾歌我填又得，你想我曲詞包辦亦得。
名額先到未必先得，我唔DQ你先得，合情合理啦呢個時代。🤡
無論你係舊人新人，大label細label或indie，我哋認識抑或素未謀面都好，你夠膽用又有心用，我都一概奉陪。真架！
嗱，我都係試吓架咋。我又還心願，你哋又多隻歌咁。如果有反應就有下次，無嘅，我唯有繼續收埋呢堆歌名。
OK！放馬過嚟啦！我會update住大家個進度。
#入行20年小企劃
歌名投標 在 【每日必看】快篩投標9廠商曝一家前身"遊戲業" 小吃店翻版? 的推薦與評價
... 騷擾管理員與其他使用者 管理員有權隨時修正規定YouTube音樂庫無版權配樂免費背景音樂下載: https://goo.gl/Z6TsBI 歌名 : Sunspots 作者: Jeremy ... ... <看更多>