[墨斗先生]出醜記,全無公共性。
TLDR:信我,三千幾字全無公共性的,亦冇任何教訓。純係睇我出醜。「應該冇公共性下話?」
1. 是咁的,埃汾搬Office嘛。當然我Whatspp呀,Personal Facebook就咁貼相講new office,就有人以為返新工啦。都係我唔好。
2. 但在呢度有寫明唔係轉工唔係被炒,同一間公司同一個位,只係搬離上環(定中環?好似都係講中環勁啲),去到灣仔。
3. 其實星期五六開始大遷徒,星期六日可以返去試機。但我呢啲住大西北嘅,當然唔會星期六日返去啦。
4. 掉轉,今日(星期一)我選擇早啲返去,慎防有乜死人冧樓嘛。換著以前我會六七點返到去添,即係星期日晚唔訓(反正我星期六日訓到日落先起身)。但而家唔會了,歲月不饒人,以前睇通頂波再去考試又得,考A level 都得。後來?考CFA都試過—結果?我下半場在機場博覽館訓著咗。嗰次當然肥埋。
5. 真的,年紀大,呃唔到人,差不多人人都係咁。後生時夜蒲通頂,第朝依然好有精力返工。而家?都得,但訓少四個鐘,我之後要用返兩三倍嘅時間補。唔著數。
6. 言歸正傳,見到一切都大約順利。咁應該做乜?當然係食早餐。實情以前我差不多一定係食完先返公司—記住,呢個係伏線。
7. 灣仔嘛,好餐廳當然多。實情我以前都返過灣仔,唔止一次,今次已經第三次返灣仔。最初係菲林明道乜乜小學嗰邊,之後係駱克道近入境橋。而家?修頓後面。真係由灣仔嘅左岸,去到右岸,又去返左岸。彈出彈入—我甚至未計耆英年代,返太古廣場三期(https://bityl.co/3bQ2),八年。嗰個位叫咩區?視乎我對住咩人講。對的士佬,我就會講大佛口,所有四張幾以上嘅司機都明。對住女?我就會話我返金鐘(!)。但對住正常人,嗰度係「灣仔同金鐘中間」(當然地區塔利班可以堅持呢個世界冇金鐘區,我明)。而嗰時已經去咩蘭杜街呀之類食嘢,點會唔係灣仔?
8. 可惜,絶大多數嗰三份工食過,而好食嘅餐廳,都係執撚晒嘅。殺人放火金腰帶,修橋補路冇屍駭。但你話地產霸權?但至撚難食嘅,屹立多年不倒喎。例如檀島。證明係我嘅品味同其他人唔同。
9. 好啦,食早餐,行行重行行,諗嚟諗去諗唔到。行到去,軒尼詩冰廳(https://bityl.co/3bQC)。純係因為當年食過還好,雖然已經轉咗手(https://bityl.co/3bQD)。
10. 仲有,我去食,唔多唔少同我個妹有關—又係伏線。我個妹有一排返過灣仔,有時都會一齊食飯。我妹當時老細係一個意撚,成日都去呢間嘢(未轉手前),佢仲練好佢嘅廣東話,食完好撚型咁:「唔該埋單」。
11. 結果?個侍應望都唔望佢,只係同佢講「歐嘥歐嘥」
12. 無論如何,軒尼詩冰廳,轉咗手,故事嘅舞台。嘢食還好,個沙爹牛麵係咪福麵?明顯唔係一丁又唔係大光麵。奶茶就奶味太重又太甜,明明叫小甜。但嘢食係冇投訴的,呢篇文唔係投訴。雖則我應該唔會再去,因為有啲陰影。但全係我個人問題。
13. 好啦,食完,起身啦,埋單啦,都係「歐嘥歐嘥」
14. 其實你睇今次篇文個題,或者睇到張相,都估到:仆街,我冇帶錢!!!
15. 我唔知你地啦,但呢啲嘢,我都唔係第一次啦,都唔使太驚。咪諗下點應變。但不如你都同時諗下。
16. 「用八達通啦!」— Negative!首先間嘢唔收八達通。另外,我想講,我唔係銀包冇錢,而係冇帶銀包!!!!
17. 拿,咁就仆街啦。因為,你下一個選項,「去提款機」,都係冇用。都話冇銀包,哪來提款卡?
18. 咁你會點?
19. 返公司拎?唔係唔得。但落大雨,而我冇帶遮。唔止,我係根本冇帶遮返工。行返去公司,行返嚟軒尼詩冰廳,再行返公司。冇話唔得嘅,但,有冇更好方法?
20. 「叫同事打救我」—應該話,叫我啲o靚打救我。我估正常,你都唔會搵CEO架可?但,其實,一個正常人,都唔應該落大雨叫同事落嚟拎銀救你的。對不?
21. 好,你估到了,伏線。「叫阿妹嚟救」。好多人都係咁,亦係人之常情。對外人,對網友,甚至對街邊隻狗都大愛。但對屋企人就另一標準。正路地,其實叫我妹嚟救我,都係一個選擇。
22. 可惜,佢已經炒撚咗意撚魷魚(我戲稱為干炒意撚)(果條意撚真係好極品,極品過意粉,有機會講下),點救我?雖然我再後來(即係打呢篇文時)知道,佢剛剛又去咗灣仔返工。但灣仔都好大,佢在灣仔尾。咁一個正常嘅阿哥,唔應該叫個阿妹咁做嘅。
23. 好啦,by 二廉蚊喱唇,仲有乜選擇?
24. 我硬著頭皮同包皮,去同阿姐講,我冇帶錢。咁阿姐當然冇同我講「咁八達通」,因為唔收。阿姐好友善咁話我知,咁呀,微訊支付,Alipay啦。
25. 弊在我都係冇。同安唔安全中唔中國冇關,冇就係冇架啦。
26. 看官,仲有乜選擇呀?但我當然係諗到點做先去埋單啦,否則?我可能真係等到停雨再決定行返公司。
27. 蘋果呸?都話八達通都唔收咯,所以都唔使研究我有冇連張八達通落埃瘋。
28. 你估到呢,登登登登。就係,傳說中嘅,無卡提款!(發毒誓,唔係廣告,廣告文咁寫,個客應該屌到我上天花,或者當我係神)。
29. 冇銀包,冇提款卡啫,但有電話嘛!咁咪得。軒尼詩冰廳,行落地鐵好近啫。
30. 咁冇問題丫,咪同阿姐講,我去襟錢。
31. 真的,以前耐唔耐都有呢啲東西發生。咁如果係去開嘅舖頭,實冇問題,甚至有舖頭叫我第日先畀。熟客嘛。
32. 咁但,呢度我係生面口嘛。我同阿姐講我冇錢,又冇微訊支付,又冇Alipay,我話去襟錢。佢都有啲老撾,仲有啲緬甸。然後叫我…..
33. 「咁你…..留低」
34. 佢都未講完,我就主動搶答:「我放低個電話啦」
35. 你見到問題未?
36. 「仆街,我放低咗個電話,又點去無提款卡襟錢呢?!」—典型嘅catch 22.但我唔放低個電話,阿姐點信我?我身上仲有乜可以留低?留副眼鏡畀佢?我應該行唔到出去門口。
37. 幸好,作為一個不可信嘅男人,我係有兩部電話嘅!幾咁重要呢!!!! (**)。
38. 阿姐望咗望,雖則埃汾兩個字連四十二蚊都唔值。但,部電話,當垃圾賣都唔止四十二蚊嘛,就放咗我走。
39. 大團圓?未!Except one thing
40. 邊個話你知,我戶口係有錢架呢?
41. 哈哈,就在呢個關頭,我個戶口,係得返幾十蚊嘅!死未!做金融才俊(我幾時話我係呢?我又冇去酒樓聽楊千嬅唱梅艷芳)做得你咁頹!
42. 幸好,我自己知自己事。咪話我妹係伏線咯,我未去同阿姐講,已經睇咗戶口結餘,知出事,仲叫咗我妹payme 轉住一舊水嚟先啦。咁我妹當然二話不說就做,但都不忘問句,做乜係一舊水。咁人生嘅嘢,爭一舊水就係一舊水架啦!雖然「一舊水」而家都唔係一舊水(明嘅自然明)
43. 咁,結局啦掛。但又未完!你睇,睇我啲文,睇我襟錢,好撚似你去買土耳其雪糕咁,幾有黏性,死唔斷氣,次次你以為到手都走返!(***)
44. 我歡天喜地咁逃出軒尼詩冰廳,落到灣仔地鐵,搵恒生櫃員機。哈哈哈,仲要冇乜人,爽。埋去,襟機,唔掂,出唔到。喂,我明明望咗戶口有一百幾十蚊架喎
45. 「此機只供應500元紙幣」
46. 仆你個街!有冇咁撚幽默呀!唔係拎埋張receipt讀者以為我吹水呀!
47. 所以,你咪見到第一張失敗嘅receipt!試多部,又係咁!所以咪有第二張
48. 幸好,天助自助者,我百折不撓嘅精神,卒之試到第三部就成功。The rest is history(留意receipt上嘅時間)
49. 你問:如果部部機都只係得500蚊紙,咁點算?咁我諗都係唯有叫我個妹轉多400蚊嚟。
50. 「如果佢連400都冇呢?」,仆街,有冇咁悲慘世界呀。「咁我估我會上呢度出post」
51. 好,最後講下。即係冇帶錢呢啲耐唔耐都發生,而好少搞到咁大件事。首先因為我成日去嚟去去都係嗰啲地方,多數都認得我,真係幾十蚊走你數咩。一般唔會叫我留低電話,甚至好多時叫我下次先—但我當然唔會咁做,唔好咁啦。唯獨係今次試新舖出事
52. 仲有,點解之前好少會咁出事?因為之前多數食要先畀錢嘅地方。冇錢根本買唔到嘢食。加上,之前我係食咗早餐先返公司嘛。咁我冇帶錢又點坐車呢?唔會的,除非黑到坐車跌咗銀包啦。
53. 拿,3600字,全無公共性。冇呃你。睇得過癮嘅,訂Patreon啦(https://bit.ly/31QmYj7)。講明先,Patreon唔寫呢啲,寫正經嘢,金融經濟。但都係我。冇Patreon,我又邊有動力寫咁多Playboy 麥路人 軒尼詩冰廳呢?某程度上係其他Patreon讀者補貼緊你地(情緒勒索來了!)。所以呢,如果可以的話,就做補貼人嗰個,唔好做被貼嗰個。聽講施比受更有福嘛(所以我做受嗰個,等你地有福)
(*)忍唔住講多句,我最掛住嘅,係太古廣場三期個廁所。真的,有幾年係成日諗起。當然唔係我在入面做愛(雖然應該可以),我最癲都係在入面訓覺啫。但,個象徵意義好緊要。等於彭浩翔「春嬌與志明」個火爐。我嗰時每屙一次屎,都提返自己,拿,咁辛苦做到仆街為乜?就係為咗在呢啲廁所度屙屎—仲要你一路便秘一路公司都出緊糧畀你。打後好多年,我都冇坐過咁靚嘅廁所,可以在入面訓覺嘅廁所。百幾蚊尺呀朋友,當時仲係全新,你開大嗰度都坐住幾舊水呀。明啦?
(**)呢個理論好多人話混帳,但我都係不停咁同人講,特別係後生女。我話:世侄女,阿叔教你啲做人嘅道理—有兩部電話嘅男人呢,係唔可信架!
然後往往世侄女會反駁,或者其他人會講—喂,好多男人都兩部電話喎,喂,「我都兩部電話喎」。喂,我老公都兩部電話喎—係丫,冇錯,好多男人都兩部電話—男人就係不可信架啦。咁埃汾,你呢?我梗係唔係有兩部電話嘅男人。我係有三部電話的。健力士,妙不可言。
(***)我好似冇見過有人用 土耳其雪糕 比喻寫文。但,創作101,將啲唔啦更嘅嘢放埋一齊就有火花。例如「哥本哈根盧永仁」「MK活地亞倫」.但前題係,你要知道咩係土耳其雪糕,去過土耳其更佳,知道點解土耳其雪糕有得咁玩就更好。台上一分鐘台下十年功呀。
———————————————————
Ivan Patreon 狼耳街華人,一星期至少三篇港美市場評點,一個月一舊水唔使,開張一個月已500人訂!仲有兩篇免費試睇:https://bit.ly/31QmYj7
——————————————————————————
[收費短片第九擊]美股科技股是否泡沫爆破?價值投資之選
課程資訊:https://homebloggerhk.com/course_detail/?code=CC009
內容:
*美股急跌點算好
*科技股係咪泡沫爆煲?
*有乜價值投資之選?
本星期內特惠售價: $80
課程編號:CC009
觀看期限:首次播放後一星期及限每影片4次
客服whatsapp: 63832145
另外想買返第八擊(美國總統大選股票部署)都仲可以:https://bityl.co/3NPn
「歐客佬奶茶」的推薦目錄:
- 關於歐客佬奶茶 在 君子馬蘭頭 - Ivan Li 李聲揚 Facebook 的最讚貼文
- 關於歐客佬奶茶 在 佬訊 Facebook 的最讚貼文
- 關於歐客佬奶茶 在 君子馬蘭頭 - Ivan Li 李聲揚 Facebook 的最佳解答
- 關於歐客佬奶茶 在 幫歐客佬寫的掛耳式咖啡試喝開箱文喔 - Facebook 的評價
- 關於歐客佬奶茶 在 歐客佬菜單2022-在Facebook/IG/Youtube上的焦點新聞和熱門 ... 的評價
- 關於歐客佬奶茶 在 歐客佬菜單2022-在Facebook/IG/Youtube上的焦點新聞和熱門 ... 的評價
- 關於歐客佬奶茶 在 [閒聊] 推薦的奶茶沖泡包- 看板WomenTalk - PTT網頁版 的評價
- 關於歐客佬奶茶 在 歐客佬奶茶在PTT/mobile01評價與討論 - 台鐵車站資訊懶人包 的評價
- 關於歐客佬奶茶 在 歐客佬奶茶在PTT/mobile01評價與討論 - 台鐵車站資訊懶人包 的評價
- 關於歐客佬奶茶 在 瀏覽歐客佬奶茶好喝嗎獨特內容在Dcard、FB粉專 - 居家生活家電 的評價
歐客佬奶茶 在 佬訊 Facebook 的最讚貼文
現代人是旅行動物。連武肺封城,都有辦法搞個Staycation的名目,住酒店當去旅行。
但最近才知道,香港人的Staycation還只算是業餘。
台灣之前有公司搞了所謂的偽出國行程,機票錢照畀,航班照常升降,但行程不出台灣領空,完成後就在原本機場下機。
以為只有坐擁內陸航線的航空公司才有條件搞偽出國嗎?
比香港小的新加坡,當地航空公司照樣推出偽出國行程,飛3小時原地落機。據稱有不少顧客都願意付上近300美元價格,買一個機位。
或者有人會好奇,這種偽旅行也值得畀錢體驗?
佬編本來也想不明白,但後來我想起了家中一位喜歡旅行的長輩。她去過歐洲九國半自由行,回來竟然認不出自己影過的瑞士Kapellbrücke,卻牢牢記住了自己在飛機升降時唸過哪一段佛經。
我再想起了那位號稱旅行專家的親戚。大家叫他專家,是因為他擁有book到性價比超高的酒店和餐廳的能耐。
接着我還想起了我的同學和朋友。那些未出發先興奮,總是要在候機區對著航班顯示屏打卡的朋友。
最後,我想到了自己。想起了無數個去機場前的無眠夜,還有明知機上有早餐,但卻仍要在禁區啪杯奶茶隊碗麵的登機日早上。
Let’s face it,對很多人來說,住酒店和坐飛機,才是旅行要注意的正經事。
在出遊變成產業,地方變成景點的當下,出遠門那份uncertainty,都已經變成可控的變數。
在旅遊資訊爆棚,通訊科技發達的當下,所有的新景點,看上去都是那麼眼熟,所有的新體驗,聽上去都是如此一式一樣。
這是旅遊最好的時代,因為出遊已經不是有錢人的專利。
但這也是旅遊最壞的時代,因為旅遊已經沒了那份衝擊固有觀念的悸動和喜悅。
在我們駕馭了旅遊的那一刻,我們也同時失去了旅遊。
既然我們都只不過是在一個巨大的comfort zone裏飛來飛去,不講究機票住宿,你說還能講究甚麼?
歐客佬奶茶 在 君子馬蘭頭 - Ivan Li 李聲揚 Facebook 的最佳解答
[文化不同嘅嘢]日本人發明罐裝咖啡,但結果係美國嘢抄你,反攻返日本
Economist原文:Who will win the brewing battle between Japan and America?(https://bityl.co/3THo)
TLDR:日本呢,就阿叔先飲罐裝咖啡,但美國就係後生女飲。文化不同,所以日本公司搶灘美國失敗,仲畀人反攻。
1. 實情呢個課題我冇乜權威(講到好似其他課題有咁),所以講少幾句,跟返原文,留畀你地發揮。美國我又冇去過,日本又去得遲,咖啡我又唔多飲。
2. 之前都講過,我係唔多飲咖啡的(https://fbook.cc/3FP4)。港式餐飲就梗係凍奶茶小甜。高檔西餐呢?coffee or tea我都係九成揀茶。坐飛機呢?都係唔會飲咖啡。星巴克呢?仲勁,我一杯咖啡都唔飲都可以續金會員,只飲茶。
3. 真係飲咖啡嘅,我都只係飲熱齋啡,或者凍嘅cold brew(*)。重點都係,唔要糖唔要奶。老人家嘛。
4. 另外,舊年去中大上堂時,或者而家去啲乜乜會議時(已少去),或者住啲貴啲嘅酒店時,Nespresso 我都會飲。我諗我在中大上咗兩個月堂,最大得著就係學識玩嗰部機。當然Nespresso係咪咖啡又等專家去講。
5. 不過年少時,我就有一排係會飲落地飲的罐裝咖啡,實情年少時我連三合一都飲,十大地獄。在英國時個意大利同宿見到我做做啲咁嘅嘢,直頭同我成盒掉咗佢(!)。當然佢係洋腸就係對傳統好有要求,如果係大陸佬倒咗人兜炒飯就係野蠻戰狼。
6. 講返,年少時,我有一排會飲Nescafe嘅罐裝咖啡.覺得個罐幾過癮(marketing可留意,有啲盲毛係睇個罐去決定飲乜的!)。原味,黑色(Dark?)同埋紅色(Mocha?朱古力)我都飲。所以飲到咁肥,後來就戒了。到後來香港有罐裝格魯吉亞咖啡(Georgia嘛),我都冇飲,肥嘛。
7. 所以就可以由呢個罐裝Georgia咖啡講起。香港2013年開始賣,可以睇下廣告(https://ggle.io/3QRm)。請問,到底係咩東西?你見廣告就在葡萄牙拍(好撚明顯啦下話),賣歐洲口味。咁當然個罐裝Georgia咖啡唔係格魯吉亞牌子。亦都可能有人知,其實係日本嘢—但2013年我35歲人都未去過日本嘛。
8. 冇錯,個罐裝Georgia咖啡的確係日本嘢,但其實背後係可口可樂!即係由出世第一日已經係美國嘢。Georgia,咪就係可口可樂總部,阿特蘭大嘛。
9. 所以講返,罐裝咖啡呢味嘢,基本上係日本發明反攻外國嘅。另一震憾消息當然係COCO老番屋反攻印度!(https://bityl.co/3TH4)。當然類似嘅仲有星巴克開返去法國意大利維也納等等。
10. 再講一次,嗰啲係都死講自己「發明先」「我賣先」「人地抄我」,十居其九都係fucking loser.至少潘蘇通松日MP3都冇出嚟嘈點解蘋果iPod咁賣得。大來發明信用卡添,你問下而家三十歲以下嘅有冇人識?(https://fbook.cc/3FP6)
11. 原文中就有講,日本人當年發明咗袋裝計數機,Walkman,全球熱賣。另一偉大發明就係罐裝咖啡。實情Georgia咖啡仲老過我,在日本賣咗四十幾年,呢個東西,係可口可樂在日本最賣得嘅產品!收入係可樂嘅兩倍(不過講繄2007年,最近未知),夠神經未?亦畀你見到日本人幾咁鍾意罐裝咖啡
12. 實情,而家日本都仲係罐裝咖啡全世界最大市場,差不多佔咗全世界一半—不過近年銷量開始跌,唔知係人口減少丫,定口味轉變。
13. 同唔少日本行業一樣,既然本土做唔住,但反正日本嘢有品牌,有軟實力,就梗係諗海外市場。個亦明顯係2013年開始香港賣Georgia嘅原因—同時亦都賣返大陸。更早就係賣去印度(不如同老番屋crossover 出咖喱咖啡?)。
14. 不過Economist篇文,就講美國。美國人啦喎,當然就唔興呢味,講罐裝樽裝咖啡嘅消耗量,只有日本五份一。雖然美國人口係日本兩倍幾,人均GDP亦高五成,明顯就係文化同口味唔同。但文化呢啲嘢,可以變嘅。幾廿年前你老豆阿爺嗰輩都唔會食日本魚生啦。
15. 正所謂去非洲賣鞋,所以去美國賣罐裝咖啡係好東西。冇乜人飲,即係有市場。事實雖然美國人傳統當然唔飲(正如日本人「傳統」唔食三文魚),但近年個市場增長好快,因為競爭少,利錢亦都好。照計就對日本公司好有著數?但結果唔係
16. 原因?聽講係文化不同。睇profiling:日本典型飲罐裝咖啡嘅人,知唔知係乜人?係阿叔,藍領阿叔,自動售賣機度買。但美國呢?係後生女,美式裝文青,要大大樽,最好可以回收,比得上咖啡店質素嘅咖啡云云喎。當然亦都係因為星巴克早就佔咗呢個市場,美國人就信星巴克多過日本啲品牌
17. 結果呢?日本罐裝咖啡反攻美國唔成,反而係美國嘅罐裝咖啡再反攻日本!(我好亂)。除咗Georgia外(但根本呢個牌子就係日本誕生),當然仲有星巴克,因為而家日本嘅新一代啲口味都貼近美國云云,星巴克在日本開到成行成市。可口可樂自己亦都唔會坐以待斃,出多個新品牌(又會畀你啲網友笑自己打自己,去柯達做啦你),賣Costa Coffee嘅嘢—係喎,Costa Coffee而家都係可口可樂的
18. 當然仲有偽文青至愛,咖啡界蘋果(**)Blue Botte,亦都出罐裝咖啡,照樣在自動售賣機賣。而Blue Botte 當然亦係邪惡雀巢集團的。
19. 係喎,Georgia又可口可樂,Blue Botte又雀巢,全部都係多品牌經營,美國味將軍集團嚟的。最緊要畀你以為自己「有得揀」。
20. 唔好意思,明明話唔係權威,結果都係半篇係我自己發揮(不過篇原文寫得麻麻地)。現代人通病,「拿咖啡嘅嘢我唔識,不過我覺得呢……(下刪幾萬字)」
21. 支持埃汾更多金融企管亂批,請訂Patreon(https://bit.ly/31QmYj7)。五百幾人訂咗啦!
(*)聞說cold brew只係個過程,當然存在熱嘅cold brew,不過我冇見過。但我冇見過當然唔代表冇啦。
(**)呢啲名真係非常造作,但不能否認係work的,所以Tesla又係汽車界蘋果,金毛女老千著件黑色衫又係女版Steve Jobs(https://fbook.cc/3FP5)
———————————————————
Ivan Patreon 狼耳街華人,一星期至少三篇港美市場評點,一個月一舊水唔使,開張一個月已500人訂!仲有兩篇免費試睇:https://bit.ly/31QmYj7
——————————————————————————
[收費短片第九擊]美股科技股是否泡沫爆破?價值投資之選
課程資訊:https://homebloggerhk.com/course_detail/?code=CC009
內容:
*美股急跌點算好
*科技股係咪泡沫爆煲?
*有乜價值投資之選?
本星期內特惠售價: $80
課程編號:CC009
觀看期限:首次播放後一星期及限每影片4次
客服whatsapp: 63832145
另外想買返第八擊(美國總統大選股票部署)都仲可以:https://bityl.co/3NPn
歐客佬奶茶 在 歐客佬菜單2022-在Facebook/IG/Youtube上的焦點新聞和熱門 ... 的推薦與評價
歐客佬菜單2022-在Facebook/IG/Youtube上的焦點新聞和熱門話題資訊,找歐客佬官網,歐客佬買一送一,歐客佬奶茶在2022年該注意什麼?歐客佬菜單在2022的熱門內容就在年度 ... ... <看更多>
歐客佬奶茶 在 歐客佬菜單2022-在Facebook/IG/Youtube上的焦點新聞和熱門 ... 的推薦與評價
歐客佬菜單2022-在Facebook/IG/Youtube上的焦點新聞和熱門話題資訊,找歐客佬官網,歐客佬買一送一,歐客佬奶茶在2022年該注意什麼?歐客佬菜單在2022的熱門內容就在年度 ... ... <看更多>
歐客佬奶茶 在 幫歐客佬寫的掛耳式咖啡試喝開箱文喔 - Facebook 的推薦與評價
感謝部落客"奶茶不甜"~ 幫歐客佬寫的掛耳式咖啡試喝開箱文喔~ 寫的非常的豐富詳細,看完都想來一杯了!! http://mtchang13.pixnet.net/blog/post/45889930 想找各地美食 ... ... <看更多>