https://www.patreon.com/posts/50278937
從車路士球迷角度看歐超聯爭議
由於有98年親身經歷第一次主催歐超聯成立，最終卻以歐聯改制而不了了之嘅經驗，所以今次早有預感第二次主催歐超聯係會重覆一次歷史，只係諗唔倒今鑊「球會抗爭運動」維持咗兩日就草草收場。
當然，歐超聯雖然冚檔，但仲有好多嘢值得討論。事實上呢兩日已有好多專業評論提過好多歐超聯嘅利弊，但我想用一個比較特別嘅切入點，亦即係車路士球迷角度去看待呢件事。
反對歐超聯嘅人最常針對嘅有兩點，一樣係呢堆傳統班霸為咗利潤最大化不擇手段，另一樣則係將足球競技全面國際化，會將足球嘅地緣元素、社區網絡完全剝離。
咁首先我要講，作為海外球迷，我對於車路士本身嘅社區聯繫嘅認同感一向薄弱──呢個真係無辦法，首先我唔係倫敦人，認識車路士更係由衛星電視轉播、互聯網開始，所以就算有日球隊搬離富咸區，相信我都唔會好似當地人一樣憤怒。我會對車路士球會嘅一啲歷史感到興趣，例如對阿仙奴、熱刺同列斯聯嘅仇視，但相比起黎我更討厭嘅卻係曼聯同利物浦。
另外好重要，亦都令我感情複雜嘅一點就係，車路士就係「金錢足球」最初嘅得益者。其實好耐以前我曾經追捧過愛華頓同熱刺，但真正令我成為車路士球迷嘅契機，卻係由Ken Bates大灑金錢開始。由引入古烈治、維埃里、蘇拿、迪馬迪奧，車路士係英超透過大舉引入國際球星，將過往果種英式球風完全掃除，改成強調組織性嘅歐陸踢法之餘，粒粒皆星更令技術水平大大提高，嘗心悅目。
日後Ken Bates因為投資地產失敗陷入經營困難，油王阿巴莫域治入主，更響短短兩年間組成奢華組合奪取英超，如果我今時今日走去同你講「金錢不是一切」、「追逐利潤令足球死亡」，就實在太偽善鳥。
好多人對歐超聯嘅憂慮，老實講我並唔太擔心：例如話無咗升降班制度令到球賽失去競爭性真係Bull Shit，自從球會收入大增後，歐超聯呢Big12對上一次嘅降班紀錄係幾時？至於批評呢種無升降制度嘅封閉式聯賽，必須依靠選秀制度去保持平衡，我覺得歐超聯十劃都未有一撇，到真係成事，其實有一百種方法可以平衡彼此間實力，只係呢班班主願唔願意做而已。
唯一可以肯定嘅係，歐超聯要實行球員薪酬以至轉會費封頂，係一定會比歐洲足協容易，因為無咗失去歐聯資格嘅恐懼，球會間一定更願意達成財政上嘅共識以避免惡性競爭。
作為被歐洲足協恐嚇懲罰過唔止一次嘅車路士，對一眾足協嘅反抗亦唔係單單因為金錢問題咁簡單。例如而家球隊要求減少賽事令球員多啲休息時間，偏偏歐聯改制就要增加賽事；因應賽績壓力要收購多啲球員應付唔同戰線，偏偏UEFA同FIFA就成日響外借球員、國際球員配額諸多限制，甚至連轉會費多寡都要限制埋──但偏偏呢個主持公道嘅兩大足協，本身卻充滿住保守、腐朽同官僚主義，透過成立歐超聯去警惕一下佢地，未嘗唔係一件好事。
所以對住我呢個車路士球迷，真係唔好講乜嘢「金錢破壞足球競技」，掉番轉，今時今日嘅足球世界多姿多采，正正係資本主義市場推動嘅結果；亦唔好話歐超聯破壞各地聯賽，我反而覺得如果歐超聯真係成功將各地聯賽班霸獨立出黎，係會令本地二三線球隊更容易出頭。今時今日成日講「破壞性創新」，就係要先破後立。
有人話歐超聯勢必令賽事運作美國化，亦即係好似NBA、NFL咁將啲規則改到鬼五馬六：但問題NFL你都可以話得美國搞嘅美式足球聯賽值得一睇（雖則我無乜聽人對NFL有投訴，MLB問題反而大啲），但係NBA你覺得唔好睇，咪走去睇歐洲籃球聯賽囉（我又識得唔少人真係轉咗睇歐聯）。
不過好諷刺地，最終車路士竟然係歐超聯入面加入得最不情不願嘅，同時亦係最早退出嘅球隊之一。原因好簡單，油王阿巴莫域治買車，從來為名多過為利，歐超聯強調分紅比歐聯更多，但卻遠遠不及佢作為班主受到球迷同社區愛戴嘅名聲。
有人分析話經此一役，一眾班霸球會響足壇嘅話語權將會大大下降，但我唔係咁睇，反而認為只係星火燎原嘅開始。第一次歐超聯收皮，都係由於歐聯改制上面從善如流作出讓步；但假若平時蝦蝦霸霸慣嘅足總、UEFA、FIFA如果仍然一意孤行，發起第三次歐超聯終有一日會出現。
歐洲籃球聯賽 在 [問題] 怎麼很少聽到有人想去歐洲打？ - 看板basketballTW 的推薦與評價
NBA自然是所有籃球員的夢想，不過除了實力外機運也很重要，畢竟要有球隊剛好有需要才
行。
魔獸也說NBA每年才450個名額，因此NBA外也有很多優秀的球員。而NBA外最頂級的應該是
歐洲籃球聯賽了吧？
歐洲籃球聯賽Euroleague目前18隊共292人，超過1/3不是歐洲籍，很多NBA球員都是這裡起
家的，強度自然不用說。
而收入方面也很豐厚，一般年薪40萬-80萬美金(而且聽說是稅後)，超過200萬甚至400萬美
金的也不少見，雖然跟NBA隨便就800萬、坐板凳也500萬不能比，但也NBA外收入最高的。
怎麼好像很少聽到本土球員說要挑戰Euroleague？每個人都說要挑戰NBA，當然能去NBA最
好，但那畢竟是最高殿堂，最高殿堂去不了，先去挑戰看看Euroleague不是很好嗎？
比如阿巴西怎麼不去挑戰看看Euroleague？怎麼每個人都只把目標放在CBA而已，又弱錢又
少，CBA跟NBA中間，明明還有個EL不是嗎？
--
※ 發信站: 批踢踢實業坊(ptt.cc), 來自: 36.225.143.247 (臺灣)
※ 文章網址: https://www.ptt.cc/bbs/basketballTW/M.1669217949.A.736.html
... <看更多>