接近5時正，剛完成所有舊症，一位新病人坐在輪椅上，由兒子和妻子陪同進入診症室。
面前的叔叔89歲，外科同事發現他血液酵素 ALP 偏高，故此轉介到我們老人科門診。
ALP 這種酶主要是由肝臟和骨骼所製造，數值偏高可反映這兩個器官出現問題。翻查記錄，叔叔一月時曾經因為不小心跌倒，背部腰椎出現壓縮性骨折 (vertebral collapse) ，這情況多數是由於年紀漸長骨質疏鬆而造成，脊骨會被壓扁，我多數會用脊骨「塌咗落嚟」來跟老友記來解釋。
叔叔的 ALP 偏高，多數也是因此而形成。
「叔叔，嚟睇你喎。。。」我對叔叔說。
「呀。。。乜話？」叔叔聽覺似乎有點問題。
「佢宜家同邊個住？係屋企行唔行到呢？沖涼大小二便使唔使人幫手㗎？」我轉身問旁邊的太太。通常第一次來診症的老友記我都會先了解他在家裏的狀況。
「佢同我住㗎。」在旁的妻子答道，樣子看來應該也有80多歲了: 「佢成日背脊痛，行得唔好㗎，沖涼一定要人幫，有時大便可以幫吓手佢自己行去廁所嘅，不過都要着尿片，成日去小便佢唔得。」
脊骨「塌咗落嚟」，背痛絶對不出奇；痛症難敖，生活日常都受到嚴重影響，連上個洗手間都變得困難，需要靠人協助。
「你背脊痛有無食止痛藥？」我問叔叔。
「佢唔敢食㗎！有痛就瞓係床度。」太太搶着申訴。很多人都有錯誤觀念，止痛藥就等於毒藥，有無數副作用。。。胃痛、昏睡、甚至上癮，免得過也不要服用。但其實止痛藥種類凡多，有不同效力和作用，醫生是會根據老友記情況處方適合的藥物。根據記錄，叔叔只被處方溫和、俗稱「必利痛」的 paracetamol，其副作用是甚為輕微的，若不是過量服用，絶對沒有問題。
「咁宜家有無出街？」我似乎明知故問。
「無啦，佢係屋企都係行得幾步。」
「咁胃口呢？」
「佢坐一陣又話痛，又話要番上床，所以咪成日唔肯食，要我餵呀宜家。」太太顯得有點苦惱。
89歲了，曾經跌倒已夠令家人擔心，還要被告知骨質疏鬆背脊有幾節骨塌了下來，而且事實上背痛又真的存在。。。聽到這種狀況也能感受到叔叔的無奈。
「不如落地檢查吓？」第一次見叔叔，當然要看看叔叔狀況。
他坐在輪椅上，我和兒子各扶着他的一邊手臂，他自己站了起來，一步一步向前行；我見他步履頗穩，便鬆開手讓他自己走，其實根本就不需要怎麼協助。
「行得幾好呀，有無痛呀宜家？」我問叔叔。
「宜家又無喎。」叔叔淡淡然的說。
我讓他再坐在輪椅上，然後自己起身，原來不需任何攙扶，叔叔也能自己站起來。
「嚟到醫院就乜事都無，突然識飛咁。」兒子顯得有點不相信。
在家背痛得要着尿片避免上廁所，連吃東西都要躺在床上由別人協助，在門診卻行動自如。
在醫生面前，病痛都好像減輕了似的，這是很多病友不約而同的講法。
實情是，老友記可能也不知道自己能力到底有多小；只知道自己患病、別人告訴他這樣不可能那樣不可以，病人角色 (sick role) 有時會令人無奈和沮喪，繼而低估自己。反而當有人鼓勵，給予信任，卻有機會發揮出自己本應有的能力。
細心觀察，仔細評估，因不同老友記不同狀況而作出不同的建議，就最能為他們作出最大的裨益。
止痛藥種類 在 打疫苗搶買止痛藥醫：含「乙醯胺酚、布洛芬」成分都可@東森 ... 的推薦與評價
民眾接種新冠疫苗，不少人出現副作用，發燒跟頭痛，因此出現止痛藥搶購潮，藥師協會表示，含有「乙醯(音同西)胺 ... ... <看更多>