《產後哺乳》
唉。。唔知道我出呢個post會得罪幾多人。。
但得罪講句。。真係唔需要搵催乳師架！
如果各位媽媽有聽過產前講座係教餵人奶既，你應該都會有concept：
成功餵人奶離不開
1️⃣使用正確餵奶姿勢
2️⃣有供有求，有埋身有比bb啜就會有奶
跟住好多媽媽就會面對問題：
1️⃣bb唔夠飽，成日追奶飲
2️⃣錯姿勢搞到乳頭損左，唔敢再埋身
3️⃣用唔適合自己既奶泵，泵出黎份量少👉🏻質疑自己👉🏻補奶粉👉🏻個胸有奶但冇比bb食👉🏻塞奶👉🏻補奶粉👉🏻bb唔肯再食乳頭👉🏻塞奶👉🏻自責
進入一個惡性循環！
其實餵人奶真係一個好大既學問，對於覺得bb唔夠飽既媽媽、塞奶既媽媽、補奶粉既媽媽黎講，
朝早同夜晚面對既問題都唔同🌅🌄，最好每一餐都有專人可以係隔離望住你餵，幫你解決疑難👩🏻⚕️👩🏻⚕️
我明白。。我真係十分明白
香港醫院太忙，生完仔住24-48小時就叫人出院，由姑娘而黎既餵奶知識有限！
加上頭三日本身都未上哂奶，
bb頭幾日係醫院有屎有尿，
體重唔跌得多，
bb自己又有儲備，
所以係醫院面對既問題同返到屋企面對既問題真係好唔同😩😩😩
但一個新手爸媽，對住個淨係識喊既bb,又唔識處理，又驚佢有事，個胸又塞又痛，可以點樣？
咪就係事急馬行田，有咩人可以幫手都去搵囉！！
所以「催乳師」呢個行業就營運而生🤦🏻♀️🤦🏻♀️🤦🏻♀️🤦🏻♀️
但催乳師到底係咩來頭呢？
坊間而家有好多機構自稱可以教授催乳療程！但課程質素參次，連導師有冇「國際母乳顧問」資格都成疑🤦🏻♀️🤦🏻♀️🤦🏻♀️🤦🏻♀️
我聽過有助產士去上堂扮卧底！
淨係負責聽十幾個鐘書，做少少practice 之後就拎到張「催乳師証書」🤦🏻♀️🤦🏻♀️🤦🏻♀️
咁點解媽媽唔係產前報多d母乳班學下？你上幾班都隨時叻過佢地
無可否認，餵人奶係需要經驗，催乳師新丁做得多都會變老師傅👶🏻👉🏻👵🏻！好多老師傅遇過既問題可能都比我多！處理既手法亦都比好多助產士更有創意更幫到媽媽！👐🏻🤲🏻
香港亦係一個自由貿易社會，有求就有供！都係因為醫院做得唔夠完善先會出現一班遇到餵奶問題既媽媽🤱🏻🤱🏻
令到佢地對「上門餵奶」有一定既需求，講到尾，係政府資源缺乏既問題
但係。。催乳師有幾貴大家都應該聽過
餵人奶係為左慳錢，又可以比最好既營養bb,
催乳師上門動輒收過千蚊，一上門可能唔止一次，某d機構仲趁bb展賣package, 一set package過萬蚊！！🤦🏻♀️🤦🏻♀️🤦🏻♀️🤦🏻♀️🤦🏻♀️🤦🏻♀️🤦🏻♀️🤦🏻♀️
OMG.....
😫過萬蚊可以最少買到五款靚奶泵
😫過萬蚊可以去轉日本狂買bb野
😫過萬蚊可以買奶粉由初生食到加固
😫過萬蚊可以買到好多好多食材補身
😫過萬蚊可以做好多好多野
而唔係去比催乳師囉。。
可能好多已經搵過催乳服務既媽媽最後又處理到問題既會覺得好值得！
但我呢d出生基層既人真係唔捨得呢d錢。。😭💸💸💸
本身生b已經要駛好多錢！
每一樣關於bb既野都唔平！
唔好再將d錢駛係多餘既地方！
咁出院之後遇到問題點算呀？
👉🏻其實香港8大產科醫院都有「母乳顧問診所👩🏻⚕️🤱🏻」
只要你打電話返去生bb果間醫院到問，佢地一定會回覆你！
不過工務繁忙，當然未必即時提供到服務喇！但一至兩日內都會搵返你架！！☎️☎️☎️
👉🏻另外全港18區既各間母嬰健康院都有提供「母乳餵哺指導服務」🏨🏨
價錢低廉，即使返去幾多次都好，都唔駛一萬蚊🙈🙈🙈
某幾間醫院仲會轉介社康姑娘上門跟進產後情況添！
👉🏻另外，各大醫院，各大奶粉廠，各大大小小機構都有好多免費人奶講座，趁未生時去聽多幾個，你會發現黎黎去去都係果幾個重點架咋！👩🏻🏫👩🏻🏫
👉🏻執媽都打過好多篇關於母乳餵哺既文章，大家不妨參考下😆😆
🧠🧠🧠其實執媽有個夢想，希望將來母乳顧問診所可以成立到社康服務隊，可以產後上門跟進各位媽媽
唉。。不過解決到人手短缺問題先喇
唔知呢篇文章會得罪幾多人
唔知大家岩唔岩聽
但香港其實有好多資源去幫助各位媽媽
唔需要一開始就駛咁多錢係唔需要既地方！
尤其各位有交稅既就更加應該善用政府資源喇
如果岩聽既留言支持下我
亦都可以留言，等我知道大家對於產後面對問題但又缺乏幫助情況
* 母嬰健康院-母乳餵哺資訊
http://www.fhs.gov.hk/…/ct_child_heal…/ch_breastfeeding.html
* 衞生署母乳餵哺熱線
* 3618 7450
