油價直插到得返10美金，平過水嘅銀碼，同樣令國泰條數真係凍過水。
國泰最出名嘅，除咗係「因管理不善」外，就係投資眼光…出奇地差！炒油輸到天荒地老，本來2019年全年只係輸1.01億元，到下半年仲賺得返1300萬，有得賺，係神奇！頂級！超卓！係呀，只係輸過億，算係叻仔啦，因為2014年輸逾9億、2015、16年每年輸近85億、17年全年就炒燶64億，18年14.45億，計埋14至18年，五年累積蝕逾256億元。
點知…今年遇武漢肺炎加油價戰，油價直插冇油花。好啦，大家最關心嘅問題來啦，到底國泰輸幾多？咁就畀以下幾粒數大家：
1 ：國泰CFO上個月初業績會議時講：以每個月計算，油價每跌5蚊美金，公司燃油對沖虧損，就會增加約700萬美元（約5460萬港元）。
2 ：佢當日仲話，如果全月油價48蚊，單月就蝕3500萬美金（約2.73億港元）。
3 ：結果成個3月，油價最低大約20蚊美金，全月拉均計係32蚊美金。
4：國泰今年相關對沖合約，對應油價水平係61美元至65美元，對比起依家嘅10蚊美元，即係得返六份一……【0336更新：5月紐約期油結算每桶收報⋯負37.63美元】
5：國泰之前預期，4月日均客量少過1000人次
國泰人又冇，油又炒燶，有邊個仲笑得出？
有！我相信，會係一路想食咗國泰嘅國航……
By千頌C
武漢肺炎加油 在 武漢人開窗加油噴口水醫師警告：助長疫情－民視新聞 - YouTube 的推薦與評價
【民視即時新聞】中國 武漢肺炎 的確診病例，官方數據已達4000多人，疫區武漢也從1月23日開始封城，街道宛如空城，就有民眾在家裡，開窗互喊 加油 振奮 ... ... <看更多>