恆久遠，馳天下
恆大新能源汽車
好多人問我~喂肥仔
你有冇聽過恆馳123456？
明白嘅，唔好睇電視囉！
唔滿意個個台都係廣告牙？
Quit左佢囉，唔好睇電視囉，黎緊買埋啲劇集時段全日廿四小時咁多個台無間斷咁播，阿爺大把錢，記得唔滿意Quite，Quit電視！
喱壇鋪天蓋地嘅大龍鳳到底係國產新能源汽車新突破定係天仙局呢？無論買生產鏈﹑廣告乜乜柒柒成揪野總共掟成400幾億買晒FF，NEVS﹑歐洲電動車廠同日本電池廠，集全球技術諗住超英趕美，未來3-5年成為世界最大汽車新能源集團。
無架！突然間諗到就轟落去～邊樣昆到錢，丫唔係~邊樣搵到錢就做邊樣，依個場景諗起以前套港劇「歲月風雲」97年劉松仁鋼鐵廠衰左，之後又爆壇亞洲金融風暴，間廠摺左返大陸搞返起汽車業咁。人地有賓馳，我地咪搞個恆馳囉屌～
有樣野我覺得東方人好撚醒目，識得點樣走精面，用最短嘅時間去摃扞資源。喱度執啲哥度執啲砌出黎，咁樣長遠盤路唔穩好易散。
暫時睇就算加加埋中資新能源龍頭比亞迪﹑其他新能源車計計埋估值都未到Tesla一半，今年Tesla炒到上神枱，升近3倍，市值近3千億美元，追過日本龍頭大粒野"豐田"，啊爺話升3倍姐容乜易，我"0708.HK"一樣得！就升到3倍比你睇，不過Tesla 年銷量同比增四成，連續四季盈利，雖然業績同股價係無直接影響關係，不過叫做有盤數睇下先啦。
恆大汽車依家就仲係燒緊錢嘅慨念階段，車都未有部出到黎睇下，都唔知係cg動畫定咩，我個人覺得掟咁多錢賣廣告搞壇野，個名好似有啲……咩恆馳12356會唔會太是但，不過可能就係打住個個都未試過咁出，可能又唔係壞事黎嘅，反其道而行，一諗起堆數字就記得你。
不過都唔可以完全否定佢黎緊嘅潛力有幾大，同埋係咪可以成為下一個傳奇呢？
恆馳會唔會係個傳說，唔撚知，但係喱排降低入場費個操作就為佈喱個局，搵人入去接一接火棒，只要一日市場"無限憧憬"就算業績再差蝕到入晒塊閪，有人無限接貨換手股價都會繼續升！
你估喱個廣告真係比我地睇咩，擺明比大春袋睇，見到吹到咁大，一球球野轟落去，我地只係一球野入面抽少少抽少少咁……
咁喱個到底係危定係機？絕對有機會，就算財技股一樣搵到機會，但係而家就未到買入時機，有少量蟹貨，而家莊家籌碼下穿10天莊家線回調派緊貨，睇下之後突破返34蚊應該可以少注慢慢溝上去。而家34-36蚊有阻力，但睇返佢前面回調都唔多於1/3，點睇都係一隻强勢股。
佢掟咁多錢轉型，由健康變汽車都味話唔癲，股值一定要頂起，唔係邊吸到籌，241都係廿蚊左右，但1211就由3-40幾上到70幾，肯定執到錢。
預計佢掟咁多錢鋪天蓋地造市，就算車哥邊製造唔到未有銷量回報，咁就繼續無限憧憬拖長佢再吹大啲，慢慢係股票喱邊對沖返啲成本。大手放量上去突破成交就放心追，就好似你今日放1球野入去，都唔會第二日就出貨啦，就算你想出都未必有咁多需求接，所以食住莊家坐順風車，佢加注就追，一派貨就走。
喱啲最忌唔識走，短線變中線，中線變長線，長線變貢獻咩？得唔得？ O唔OK？你明唔明白嘅？
#ig間中幫大家分析下莊家盤路
#劫富濟貧齊齊上車發達
#肥閪評級審慎增持
#24蚊重貨區支持
#34到37蚊阻力位
#之前食左糊嘅搵人接貨
歲月風雲 在 歲月風雲全60集-PTT/DCARD討論與高評價商品-2021年11月 的推薦與評價
歲月風雲 全60集找歲月風雲全60集相關商品就來飛比. ... <看更多>