關於 每次睇返啲相都好想喊 ，我們在網路上蒐集到這些相關的討論、資訊與評價

#琉璃體驗班 #紀念玻璃珠

嶠媽係一個愛狗之人，未結婚前係婆婆屋企，就已經有兩隻狗仔🐶，分別係 #豆豆 (北京狗) & #仔仔 (松鼠狗)。豆豆係喺寵物店買返嚟，而仔仔就係人地送嘅，仔仔比豆豆更愛痴住我，晚晚跟住我瞓，我以前出街玩得夜，佢真係喺門口唔瞓等我返嚟，好sweet❤️

豆豆同我嘅記憶，就好深刻！我記得某一年嘅平安夜，我見佢凍諗住幫佢蓋被，點知佢以為我攻擊佢，佢就咬我😫不過佢都有可愛嘅時候嘅，就係好鐘意瞓係地，肚向天，叫我幫佢R痕，嗰陣嘅佢係最可愛㗎😘

呢啲美好回憶在心中，豆豆仔仔都已經去咗 #彩虹橋 🌈，而當時我地都冇留低佢嘅骨灰，只留低佢地嘅 #毛髮，同埋手掌印✋🏼做紀念！而因為朋友嘅介紹，我同嶠爸就去咗參加 #琉璃工作坊，決定將豆豆仔仔嘅毛髮加入琉璃入面，造成一粒琉璃珠，一粒專屬於佢地嘅紀念玻璃珠🥰

而嶠媽冇估錯，嶠爸真係好有興趣玩，因為佢係做蛋糕，都有玩過 #拉糖，而製造一粒琉璃珠，話難唔難，話易唔易。原來一粒琉璃珠係由唔同嘅玻璃製成，分咗好多層，一層一層咁燒，就會見到製成品！燒玻璃係要好高溫，而且要好專注，因為一不小心，就會失敗，燒窿玻璃，咁你個製成品就會失敗㗎啦😟

而且除咗動物毛髮，仲可以將母乳，小朋友胎毛，甚至頭髮製作成琉璃珠😍當我同嶠爸好專注咁整琉璃珠，芊嶠同劻霖都唔會悶，因為工作室有軟墊坐，有積木比佢地玩😚

++++++++++++++++++++++++
琉璃工作坊
Lampwork Art Store Treasures Of Q

#回憶是多麼美好 #回憶在心中 #每次睇返啲相都好想喊 #回憶琉璃珠 #芊嶠與劻霖成長日記

想和我一樣30天升10000訂閱：http://goo.gl/zNT6Ck
Supper Moment溫柔革命演唱會: 3個最有感覺位及啟發

琴晚睇完Supper Moment嘅溫柔革命演唱會，今日真係忍唔住要拍條片分享內心個種滾動。睇開我channel嘅朋友就知道我希望分享各種正能量比大家，希望藉少少綿力影響更多人。第一次睇Supper Moment嘅show係兩年前九展同我嘅同學一齊睇，係可以感動到攬埋一齊流眼淚，之後就到今次會展，睇住佢地慢慢成功，由細場玩到去大場，信念依然不變，唱live越來越好聽，真係好感動！今次我想分享比大家嘅係Supper Moment溫柔革命演唱會令我感受得最深最滾動嘅3個地方。


Supper Moment 溫柔革命演唱會: 3個最有感覺位
1. Sunny話佢自己係Supper之中比較容易頹，無我們想像中無時無刻都咁正面，有好多辛酸都寫咗喺啲歌度。聽完佢咁講之後我忽然覺得聽佢地D歌有另一種深一層嘅體會。因為喺台上嘅佢睇落好輝煌同正面，而當佢咁樣講完之後提醒我地佢都係一個普通人，睇落好似成日好正面，但其實都有好多鬱結同低落嘅時候，只不過Sunny會透過佢嘅音樂同歌詞抒發出嚟，正正因為咁所以Supper Moment嘅歌先能夠令咁多人有共鳴，所以喺我聽完呢番說話之後再想像返佢寫歌時嘅反差真係有更深嘅滾動。 尤其係佢唱懂得快樂個陣，真係好入好入！

2. Supper Moment 每次出show都會有幾首歌令現場所有人都感動到好想喊，我兩年前第一次喺Music Zone同班朋友攬埋一舊一齊唱小伙子唱到眼濕濕，仲有最後唱無盡嘅時候。今次嘅溫柔革命演唱會洋蔥位走唔甩一定係唱最後晚餐嘅時候。唱呢首歌之前播咗一段Gary講嘢嘅片，話佢一開始係被Supper嘅歌詞打動，話喺Supper Moment首歌到有句話唔好愧對自己嘅生命打動到佢。最早期有人話Supper肉酸，Gary就好似佢地老豆咁點都信佢地撐佢地，直到最後今年逝世，而呢個離開就好似象徵住佢完成左呢個任務，貢獻自己嘅生命比一班有志氣嘅樂隊，同時間亦都代表住一個開始，因為Sunny話呢個「溫柔革命」就係會喺未來十年令更多嘅樂隊由細場玩到上大台，雖然Sunny無講出口，但我覺得佢要繼承Gary嘅意志，幫助更多獨立樂隊被更多人認識。播完條片，佢唱最後晚餐嘅時候，我以為佢一定會喊同埋講D野，因為我已經眼濕濕加上我隔離個位已經喊哂口，而最感動我嘅係相反Sunny無講D乜嘢無流過眼淚，佢全神將所有情感都貫注喺呢首歌入面將佢送比Gary，呢首最後晚餐我諗會係最好聽最感動嘅一次，比起Supper喺呢個時候喊同講嘢，我覺得佢地將所有感情擺哂喺音樂上嚟得更專業更感人。呢一part我感受到佢地對Gary無限嘅思念同敬意。

3. 最後當然就係呢一個演唱會嘅主題「溫柔革命」令我有好大感覺，頭先提過，呢個「溫柔革命」嘅意義就係佢地會喺未來十年令更多嘅樂隊由細場玩到上大台，希望有更多類型嘅音樂比大家感受，呢個係一個偉大嘅精神。Supper每次最感染到我嘅都係佢地團火，Sunny嘅眼神每次都好堅定好有火咁話比台下嘅人知佢熱衷夾band熱衷音樂，透過佢地嘅歌，我地可以感受到現實中嘅唏噓，而最重要係唏噓嘅背後往往都帶住冀盼，所以Supper Moment唔單止係一隊band，佢地仲係熱血嘅精神領袖，鼓勵更多人唔好愧對生命，熱血地活一次。佢地堅持自己鐘意做嘅嘢十年，有思想有努力地做好自己，最後能夠登上大舞台繼續感染無數嘅人，我就諗如果由呢一刻開始計十年，十年後大家又會變成點，我又會變成點。透過呢段睇後感，我想分享嘅係我地嘅生命只有一次，每個人都有屬於自己最鐘意做嘅嘢，希望社會嘅洗禮唔好令大家忘記曾經有過嘅目標同理想，呢個社會比我地嘅框框太多，令到我地誤以為自己被逼要做一啲自己唔想做嘅事，而其實我地可以做到嘅比我地認知嘅更多，只要呢個世界有一個人做到過其實你都可以做到，重點係我地嘅態度。我地經常抱怨、不滿地去做嘢定我地識欣賞、感恩正面去做嘢已經可以令你經歷兩個世界嘅分別。睇完Supper嘅演唱會，佢地除左影響我去繼續堅持同努力做好自己之外，希望呢條片都可以影響埋你～去支持Supper Moment，並為自己最想做嘅目標進發！

唔好意思因為都病左好幾日好早訓未拍到一個人的捉迷藏，我會呢幾日拍埋佢！我係Ernest，多謝你睇我channel，我地下次見！

Supper Moment 幸福之歌 溫柔革命演唱會
https://youtu.be/4TvqcA4RPjU
Supper Moment 無盡 溫柔革命演唱會
https://youtu.be/ZmIuSO1LkNE
Supper Moment 無盡
https://youtu.be/4PACFmxlHm8

想留意更多我的動態，記得緊貼Ernest DoCRAZY
Ernest DoCRAZY社交平台：

Ernest DoCRAZY channel:
https://www.youtube.com/c/ErnestDoCRAZYTV
Ernest DoCRAZY facebook:
https://www.facebook.com/ErnestDoCRAZY/
Ernest DoCRAZY instagram:
https://www.instagram.com/ernest_pch/