今晚突然間好想食泰國嘢又想食海南雞，我就即時諗起我屋企附近喺旺角熟食中心樓上，我至愛嘅泰風佳味海南雞💛
.
有追開我post嘅觀眾應該都知道數旺角區我最鍾意幫襯就係呢間泰風佳妺海南雞同埋佢嘅姊妹店後生仔海南雞💛兩間都黃到金，重點係佢嘅泰國菜整得夠地道，價錢抵份量又多，總之性價比高！👍😋之前記得睇過一篇報道原來老闆娘嘅媽咪係泰國人，所以老闆娘同埋佢嘅丈夫就煮得一手地道嘅泰國菜，唔怪得之我覺得佢哋嘅嘢食咁地道勁有泰國風味，就算而家疫情之下冇得去泰國旅行🧳得閒食下佢哋啲泰國菜都開心🥳
.
今晚我都幾有胃口就點咗半隻去骨海南雞（$75），一個青咖喱豬扒飯（$48）另外加多$10有一件炸豬扒。
.
其實我而家基本上都會有個環保膠盒同環保袋跟身♻️如果放工突然間想買外賣都隨時變到出嚟，今次我叫咗太多嘢食關係一個膠盒裝唔晒，但係做到幾多得幾多，尤其是我哋而家疫情叫多咗好多外賣，如果大家可以嘅話盡量多啲使用環保餐具啦！我都知自己好長氣成日講🤣我哋講返嘢食啦。
.
佢嘅海南雞根本就係我嘅膽拖.、10次有7次我都會點海南雞，雞肉浸得啱啱熟，滑得來有彈性！由皮到肉都係咁滑，去埋骨啖啖肉我嘅至愛，同埋好彩佢雖然地道，但係佢嘅海南雞係黃油，唔係泰國正宗嗰隻水門雞，我最驚食到泰國白色嗰啲水門雞，果次我特登去曼谷搵正宗水門雞食，40銖為返港紙$10一碟係好抵，但係嗰啲白色嘅水門雞又鞋又冇雞味，我真係麻麻😟我都係鍾意食呢啲黃油又滑又Juice嘅泰式海南雞，點埋佢隻特製勁薑辣豉油簡直一絕，頓時令我胃口大開。
.
雖然我幫襯過好多次，但係我一路冇食過佢嘅青咖喱，青咖喱係我同事不斷向我推介，於是我就點左一個青咖喱豬頸肉飯，點知真係完全冇失望！喺係泰國食到嘅味道啊😍佢呢隻青咖喱椰奶味濃，而且唔算好辣，辣中帶少少冬蔭公果隻微酸，真心似我響泰國食到嗰隻，係辣度冇咁勁，不過啱我口味啊，我都唔算食得好辣哈哈！佢青咖喱入面本身已經有好多豆角同埋茄子索晒啲青咖喱，超正！豬頸肉半肥瘦够juice炸得不乾，都有六七片份量都唔少，總之用呢個青咖喱送飯真心開胃，飯都可以食多兩碗！我早知叫佢多飯🤣🤣我剩返啲青咖喱汁都唔捨得倒，諗住聽日用嚟再煮青咖喱雜菜😝
.
最後加$10嗰件炸豬扒就一般，應該得半塊豬扒，而且炸得有少少乾，下次都係追加返我平時鍾意點嘅炸雞髀好了🤣
.
其實我減完肥之後自己覺得胃口細咗，但係今日我食晒呢度啲嘢都覺得唔係好飽，可能正所謂爛船都有三根釘，我胃口細咗都仲係比一般人大食🤣今日分享嚟到呢度先啦，大家想食又平又地道嘅泰國嘢就去懲罰下佢啦😋💛
.
店名：泰風佳味海南雞 💛
地址：旺角上海街557號旺角綜合大樓2樓旺角熟食市場2號舖
.
👉🏻持續宣傳My New MeWe page and group，即刻加入同我互動啦☺️
.
◎FOLLOW 為食小樂MeWe PAGE:
https://mewe.com/p/%E7%82%BA%E9%A3%9F%E5%B0%8F%E6%A8%82foodie_siulok
.
◎Search and Join 【為食良心香港人】群組：
https://mewe.com/join/為食良心香港人
水門雞飯老闆 在 【惡人攻擊黃店老闆港人撐黃色經濟圈】 香港黃店「水門泰式 ... 的推薦與評價
【惡人攻擊黃店老闆港人撐黃色經濟圈】 香港黃店「水門泰式雞飯專門店」31歲東主遭4名男子圍襲受傷，事主表示「被伏擊」打穿頭部，他懸紅50萬元現金緝兇。 ... <看更多>