又到轉工旺季，係下一篇講轉工既文出之前，窮生又推介一下自己的舊文。
其實大家只要了解左勞資關係既基礎結構，就會對開價同應對壓價有所心得了！想轉工既你地！ARE YOU READY?
#見工唔包生仔 #永恆輪迴
<<見工Ｘ開價Ｘ還價>>
窮生於網上流走十幾年，每年春夏之交都會見到唔少新手見工Post。當中有見得成嘅亦有見唔成。聽得最多不外乎係俾人壓價，變態ＨＲ精神虐待。其實講黎講去都係錢嘅問題，大學畢業生最鍾意講就係俾唔起就唔好學人請大學生啦！冇２０ｋ一個月唔好要個ｏｆｆｅｒ之類。窮生工作都有差不多７年，今日不妨同大家交流一下見工、開價、還價嘅技巧。
其實叫得你黎見工，除非間野好得閒(係真係會有好得閒嘅公司嘅)，否則你嘅基本條件已經符合公司要求，所以叫你上黎係睇下邊個好傾ｄ就請邊個。先唔講果ｄ災難性嘅見工錯誤，窮生呢篇文重要想將重點放係錢果part。出黎見工，尤其係第一份工，最易出現壓價情況。例如公司會同你講：「公司都覺得你適合做呢份工，不過你要求１６ｋ有ｄ太高，我地未必俾到你喎，如果係１３ｋ你會唔會考慮？」當對方同你講呢樣野嘅時間，你嘅反應可能都會係loop返「俾唔起就唔好學人請大學生啦！」呢類句子，當然你一定唔敢咁同ＨＲ講，但你多數都會同佢爭論。因為你覺得佢地好唔合理。不過，咁你就太年輕了！
其實商業社會唔係一個講對與錯嘅地方，你同佢一講你覺得呢個要求嘅人工好合理，基本上已經等於答左你唔值了，任何事都有原因，你不停話合理，佢不停話太高，件事都係解決唔到，當呢ｄ情況發生嘅時候，你不妨提出一ｄ ｏｆｆｅｒ同理由去說服公司（還價）。例如你可以講下你同一般畢業生有咩唔同，可以具體地做到ｄ乜野佢地係做唔到嘅。你又可以提出ｄ方案，例如係其實公司唔敢出太高人工都係怕我唔能力未夠姐，咁試用期不如先１４ｋ，如果我過到試用不如就１５／１６ｋ啦。一來你有理有據，二來可以俾公司睇到你係一個有想法，係一個主動而有建設性嘅人，因為大部份畢業生其實問佢點解開咁高，佢心裡面都係得２個理由，一係人地都係呢個價，二係開高人少少心理覺得自己係叻ｄ。其實到底點解自己值咁多錢，係冇乜人認真諗過。
講到咁，咁到底打工仔新人入行又好，轉工又好，應該點開價同定價呢？係呢個問題上，新人同舊人要考慮嘅野其實好唔同。先講新人，其實新人真係唔好太介意數字，因為畢業生嘅價係好穩定而且透明度好高。你叫價多極都係比其實人高１０％以下，上下多數係４—５％左右。係你未有任何成績出黎嘅時候，為左呢少少人工而同公司爭論值唔值呢？窮生建議新手上路先看牌子，第一份工入大公司打滾下，人工唔係比市價低太多都唔需要太介意，因為你係做得野嘅話２—３年人工就以幾十％咁升。就算冇乜升，到時你跳出去搵工都易叫價ｄ。冇必要係自己冇bargaining power嘅時候強出頭，呢ｄ都係不成熟嘅表現。記住，窮生唔係教你做奴隸，而係唔好嘈埋ｄ冇結果嘅交，你拗嬴左又點？你岩哂又點？入左去你都冇運行啦！
至於舊人，因為你而家坐住份工，你相對比新人有經驗同bargaining power。呢個時候當然係開個靚價啦！開價要考慮ｄ乜呢？
而家市價水平，行業而家/未來好唔好景；
你有幾想take呢個offer(考慮前景/人工/work life balance)；
自己年資能力可以叫多幾多；(你轉工當然係比而家呢份高人工啦)
福利/支出等等變動帶來嘅加加減減。
綜合以上幾點，理論上一個高手應該係send份份cv寫嘅expected salary都唔同的，想做嘅可以低少少，冇咁好前景但係好似冇咁忙嘅，可以開高少少Hedge返。最重要係你而家坐住份工，大不了可以唔轉，而新公司係有需求先出adv請人的。只要見工時表現返你嘅友善同主動，ｏｆｆｅｒ嘅野其實唔難。
講到尾所謂市價都係歸納出黎嘅數字，公司當然比你更容易得到準確嘅數字，係呢個問題上對方係有「資訊不對稱」嘅問題存在，作為一個高手要開價，平時除左做野要掂之外仲要了解行業發展同最新消息，先可以係關鍵時候殺一口靚價的。
