【戀愛．電影館開冇三年要維修？】
唔知大家有冇去過，澳門有間戀愛．電影館（就喺大三巴下面）。隱身喺一棟舊建築入面，雖然戲院極迷你，得一個院，隨時你屋企大少少，個電視都有返咁上下大，之但係喺入面睇戲又幾好feel－－最少我睇過幾次感覺都唔錯，再加埋戲種有返咁上下質素，同時都係澳門專播小眾藝術電影嘅地方。你當有少少似香港嘅BC咁，係澳門影迷喺UA銀河、澳門大會堂、澳門旅遊塔、永樂戲院外一個好好聚腳點。
估你唔到，戲院開冇三年，就突然話要進行維修工程，因為機件運作問題而停用，預計到明年第三季先開返，相信都係要趕喺明年年尾澳門國際影展前完成。
作為一間單廳放映戲院，甚至唔係一星期開足七日Full show放映嘅戲院，咁新淨就要進行裝修，好多人都覺得間戲院有少少「被消失」之嫌。放映得呢類小眾電影，自自然然有好多題材大膽嘅戲上映，但澳門依家有咁強「曖流」，有呢個陰謀論都唔出奇，到底明年係咪真係開得返，拭目以待。
諗返呢幾年澳門國際影展都係好凍（包括今年），真心其實我是特別冷的，但係一入到間戀愛．電影館，堅感覺到一鼓暖流傳遞到我的全身了。希望明年仲可以感受到呢鼓暖流啦。🤣
‼最後機會‼小弟執筆之原創小說已賣剩最後一批，售完即止，請即訂購：http://bit.ly/2PKXYFA
‼自製南美明信片同時開售，請多支持：http://bit.ly/34oCtyh
【IG請follow】www.instagram.com/travelerwithmovie
永樂戲院 預 售 在 澳門永樂大戲院 的推薦與評價
每日下午一時起開售即日及預售翌日門票. 2D票價為MOP80元，3D票價為MOP120元 *購買3D眼鏡MOP10元，不作租借 *如有更改或調動，恕不另行通知，敬請原諒 ... <看更多>