純柒事分享 #真係真係非廣告
有無人試過夾咗半生熟嘅荷包蛋入麵包度夾起嚟食一咬啲蛋汁咇到一身都係？🍳🚀
其實我已經試過好多次…
今朝晏咗起身，所以食早餐食得好趕，
見隻蛋好似好熟，咪搵塊包夾起佢嚟食諗住快啲食完，
佢老味吖隻蛋個樣咁撚老點知入面仲係好撚生，
啲汁勁撚過金仔支火箭呠蕉咁就射咗出嚟，🚀🚀🚀
你真係估唔到一個咁細﹑容量得幾十ml嘅蛋黃嘅威力可以幾大，🎆🎆🎆
我成件白色衫正面都係蛋汁，份量就好似十個汁男加埋咁多…
總感染範圍大約有張A4紙咁大，
（其實褲都有但無咁覺眼）
隔嚟枱一對男女都好好心喺度忍笑㗎喇，👫
我唯有故作鎮定，扮無事發生，由得啲蛋汁自由咁擴散，
繼續好撚趕咁食埋果個假鮑魚絲通粉。
好彩今日揹咗背囊，起身仲可以揹個背囊喺前面遮遮。
我專長係食嘢食到成身都係，袋入面當然係有支神奇去漬筆（便攜裝）。
返到公司第一時間拎支筆嚟捽，
可惜支便攜裝筆頭太細，入面仲要無幾多墨水剩，
真係救唔到我果件被嚴重感染嘅可憐白色衫。
跟住我就醒起，之前幫亨氏做嘢，佢地送咗啲醋嚟我又未拎返屋企，
我就試下好闊佬咁用白醋抹，
我用白醋先濕咗啲紙巾，再噏落啲漬度，跟住畀啲時間印印下，
用乾嘅紙索返乾佢，見到仲有漬就又濕少少醋印印下咁。
雖然唔係話一噏落去就即刻唔見咗啲漬，
我都抺咗成三四個字。
但都叫成功救返我件白色衫，放工唔使再揹個背囊喺前面遮遮掩掩，
可以大搖大擺fing嚟fing去咁行。
順便用啲醋抹下自己張枱，應該成年都無抹過，抹完好爽。
我下次會早啲起身食早餐，同埋記住蛋不可以貌相。
#個假鮑魚絲通粉好難食
#汁男無有怕
