5月8日,這夜只有令人心碎的Mandy
這個晚上兩線劇𥚃,黃智雯飾演的角色同時面對人生逆境,痛失至親,有心無力,愛莫能助等等劇情上的困境,終於令到Mandy有演技上的發揮位,幕幕令人心酸的場面,感動又催淚,傷感之餘也是令戲迷滿足的一夜。
《十八年後的終極告白》中的Madam謹,一直受到角色限制,要保持住頭腦清醒、精明、理性、觀察入微及有領導力,所以沒有甚麽感情位讓她發揮。迄至今週,由她發現父親阮進的秘密,到母親突然失蹤,驚惶失措,無計可施、焦慮不安、徬徨無助的處境,到發現母親屍體時的徹底崩潰,終於令Mandy有發揮空間,但因為結局在這個位完結,下週一相信有更催淚的場面。
《降魔的2.0》中,第一星期的重心,明顯在小馬和豪仔身上,芷若的戲份較少,加上這角色較宛若含蓄,不像啤啤那種率直表白,表面上更為搶戲,但她遇上小馬時,眉梢眼角仍然充份表達那種渴望進一步發展的可能性,對於小馬的忽然左閃右避,這份改變令她大惑不解,失望卻又難以啟齒,只能將這份愛暫藏於心中,這些無須對白,芷若的表情已經充分交代。到搶救被虐致死的巧兒(黃雪兒 飾)時,加上了之前明知巧兒受父母虐待,因缺乏證據和巧兒護住父母,不能叫執法機構介入的鋪排,令拯救已死的巧兒時,芷若的痛心、自責和內疚表露無遺,這段戲配合這童星令人動容的演出,又虐心又催淚,相當感人。
繼續期待會有這些好戲埸面,這個嗎纯是個人愛好,改改國內數年前的潮語作結:「至於你喜不喜歡,反正我喜歡了。」
#十八年後的終極對白 #譚俊彥 #黃智雯 #陳山聰 #楊秀惠 #林嘉華 #何遠東 #趙希洛 #江欣燕 #楊卓娜 #韓瑪利 #伊詩沛 #阮兒 #唐嘉麟 #羅永健
#降魔的2.0 #馬國明 #黃智雯 #胡鴻鈞 #劉佩玥 #鄧佩儀 #譚凱琪 #C君 #蔣志光 #謝雪心
江欣燕 父母 在 講劇時辰到 Facebook 的最讚貼文
黃智雯,周末女皇重返一至五。
這套《十八年後的殺人告白》剛剛開拍,預計明年出,大台近來力捧的譚俊彥,配黃智雯,陳山聰,這個陣容,肯定一至五出啦,唔駛再排星期日嘞!而林嘉華同江欣燕劇中是Mandy父母,嘩,劇中的江欣燕士都好早婚噃!
個劇名咁似日本電影《22年後之告白-我是殺人犯》嘅,劇情會唔會大量參考,積極模仿㗎?報導講今次Mandy的角色比較沉重,會係個新考驗。密切期待⋯Mandy咋😜
#十八年後的殺人對白 #黃智雯 #星期日女皇 #2018做視后
江欣燕 父母 在 港唔斷戲 Facebook 的精選貼文
《黃金花》影評
「黃金蝦代表啲咩?」
(含劇透,慎讀)
—
—
—
—
—
—
—
—
我覺得,《黃金花》係所有諗住/已成家立室嘅人,都應該去睇嘅一部電影。
—
「媽媽叫咩名?」毛舜筠問。
「黃金蝦。」凌文龍答。
—
呢段對話,係趙學而《黃金花》主題曲MV嘅片頭,我自己聽咗呢首歌好多次,亦對電影嘅呢一幕非常在意。
—
如果有得比你揀,我諗你會希望第日自己個仔女唔係醫生,就係律師,或者,至少佢應該做到佢自己想做嘅事。
—
如果有得比你揀,你會希望你嘅老婆永遠都可以KEEP住年年廿五歲,青春可人,健健康康。
—
可惜,現實大多數都係殘酷嘅。
—
如果《一念無明》可以幫助社會去除對精神病患嘅標籤,咁《黃金花》就可以提高我哋對於自閉症或者智力障礙人士嘅關注,原來佢哋/佢哋嘅家庭都好慘,我哋作為「正常人」,應該盡力愛護同包容。但係,《黃金花》想講嘅,係更加深刻嘅家庭責任。
—
睇完套戲三個月,記憶大抵已經模糊,但其中一場戲就令我頗深刻。話說黃金花同仔仔去街市買菜,撞到師奶江欣燕,咁女人相遇自然會傾計,佢哋嘅話題都離唔開小朋友,因為小朋友就差唔多係佢哋生命嘅全部。江欣燕半埋怨半講笑咁話自己個仔好難養,又反叛又乜又盛,跟住有其他人答咀,話捱多幾年,捱到小朋友定性成熟就無問題,要頂住,而果個時候,毛舜筠正正就喺江欣燕嘅旁邊。
—
如果難捱有個限期,而限期之後會有好嘅回報,我諗,大部份嘅人都唔介意捱苦,因為佢哋等緊嘅係未來豐碩嘅成果。
—
江欣燕同毛舜筠係一個隱然嘅對照,前者只需要為個仔捱幾年,未來可能就係康莊大道;而後者就唔知要捱幾耐,甚至根本唔會有限期,亦唔會有改變,正如黃金花所講,佢希望「白頭人送黑頭人。」
—
一啲父母辛苦二十年之後,個仔長大成人,應該會養番自己,「養兒成老」,見到佢哋有成就,作為父母亦會相當開心。而黃金花用咗廿年時間,花費咗比一般父母多幾十萬倍嘅心力同身力,換嚟嘅係啲咩?
—
「黃金蝦。」
—
原來極端努力去到最後,自己個仔連自己個名都講唔到出嚟,一生人要個仔記住兩樣嘢,只係兩樣嘢,原來都咁難。如果要將小龍同其他小朋友做對比,我諗無一個父母會唔心up。
—
但係,其實人從來都唔應該拎嚟做比較,唔應該比較佢哋會考差幾多分,佢哋份工搵差幾多錢,佢哋個老婆邊個靚啲,有無車,有無樓,每個人都有佢自己嘅人生,都係獨立嘅個體,一切都唔應該做比較。
—
如果有得揀,父母應該都會希望自己個小朋友健健康康,但如果真係唔健康,係咪應該放棄佢呢?你有放棄小朋友嘅權利,但小朋友無選擇唔出現喺呢個世界嘅機會,係你選擇佢哋要嚟到呢個世界上。
—
《黃金花》最大嘅啟示在於,如果你希望組織你嘅家庭,希望擁有你嘅下一代,就必須承擔當中嘅「唔好」,然後先有資格享受當中嘅「好」。毛舜筠同呂良偉喺戲中就係另一個對照,有人選擇堅守到最後一刻,七日廿四小時全天候照顧,希望比自己個仔最好嘅家庭;有人選擇逃避同離開,唔睇個仔不特止,仲嫌老婆煩,走去搞女人,將爛攤子留低比自己嘅老婆承擔。《黃金花》劇情上加入咗刺殺等奇情嘅環節,但原來毛舜筠唔係想挽留同呂良偉嘅感情,佢只係想小朋友有番自己嘅爸爸。
—
生兒育女嘅責任究竟係啲咩呢?所謂結婚長相廝守嘅價值又係邊度?《黃金花》呢套電影最大嘅意義在於,將呢啲現代人可能已經遺忘咗嘅東西,重新刻入觀眾嘅腦海入面。生仔可能會係智障或者傷殘嘅,你嘅老婆亦會隨年月變老,唔再靚,會皺皮,但當你選擇唔做安全措施,當你選擇同愛人講結婚誓詞嘅時候,你就要負番應該要負嘅責任,唔理未來係好係壞,幾辛苦都好,你都要承擔。
—
呂良偉喺套戲入面都係姓「黃」,我唔肯定毛舜筠嘅原名係「金花」,定係「黃金花」,但觀乎戲名《黃金花》嘅字體設計,又好似真係叫「金花」。夫姓婦隨,豈又唔係家庭價值一個極大嘅體現?
—
(如果你咁有心機睇到嚟呢度,一篇觀後感其實要寫嘅時間真係頗長同相當費心力的,正如呢篇野都過左一千五百字了。如果你覺得文章係寫得好嘅,我一個人嘅力量真係非常有限的,唔好吝嗇你嘅like同share吖,甚至幫手推薦比朋友知道原來睇戲之後係可以有反思的,一齊傾,一齊分享同感受。網絡的力量可以很少,一篇千文字可以只像一粒沙,但同時亦可以很鉅大的,依靠的就是你,你,和你,感激不盡!)
—
黃金花 Tomorrow Is Another Day
凌文龍 Siulung ling
Teresa Mo 毛舜筠
Golden Scene Co. Ltd. - Film
本地製作有限公司
Chan Tai Lee
雄叔叔 Old School