我要賣老豆（下）
上集：https://bit.ly/3d6FiuV
呢個時候，舊同事講咗一個價碼，一個我無法拒絕嘅價碼。
我呆咗。
我唔貪錢，但有咗呢筆錢，我就可以帶阿媽去搵更好嘅醫生，接受更先進嘅療法，可能可以醫好阿媽。
獨力湊大我嘅阿媽，同自細拋棄我嘅老豆，我相信大家都會作出，同我一樣嘅選擇。
於是，喺一個月黑風高嘅晚上，我殺咗我老豆。
我唔需要周詳計劃，因為老豆呢種癌症末期、回家休養嘅病人，都有醫生紙證明怇命不久矣。
只要唔係死得太難睇，甩皮甩骨，基本上都唔會驗屍。
老豆冇用力掙扎，佢甚至冇睥我，只係好似一隻爛咗嘅公仔一樣，漸漸失去氣息。
或者，對於癌症末期嘅佢嚟講，生存只剩低痛苦，死可能係一件好事。
我順利完成交易，拎到一筆錢，帶咗阿媽去睇最好嘅醫生。
醫生話，阿媽個病有一種最新嘅療法，成功率比較高，只係價錢好貴。
我上一次收到嘅錢，根本未夠。
我拎起電話，喺阿媽啱啱確診嗰陣，我可以借嘅錢已經借晒，依加都未還清。
神差鬼使地，我打咗畀嗰個舊同事。
「嗯，我仲做緊中介。」舊同事同我講：「呢排我哋都要『貨』，要一個三四十歲嘅男人，中等身材就得。你身邊有冇患絕症嘅……朋友？最好呢幾日內有貨啦。」
我邊有咁多身患絕症嘅朋友，就算有，我都唔敢殺朋友啊。
我好灰咁收咗線，暫時拒絕咗醫生嘅建議。
可能連個天都要我入行，第二晚我OT，深夜行番屋企嗰陣，我見到一個男人。
一個三四十歲，中等身材嘅男人。
如果佢只係一個普通男人，我唔會有咩諗法，唔通當街殺人咩。
但重點係，佢明顯係一個智力有問題嘅男人。
佢全身都好污糟，流住口水喺垃圾桶搵緊嘢食。
智障、流浪漢，呢兩個關鍵字，令我產生咗第三個關鍵字：死咗都冇人知。
我小心翼翼咁行埋去：「我請你食飯好唔好啊？」
流浪漢好迷茫咁望住我。
「飯！食飯！」我努力描述。
「食飯！食飯飯！」流浪漢好開心咁跟咗我走。
返到屋企嗰陣，阿媽已經瞓著咗。
我簡單地煮咗碗面畀佢，然後勒死咗佢。
坦白講，殺佢之前，我有一秒嘅猶豫。
畢竟，佢唔似我老豆咁，曾經狠狠咁對唔住我，令我殺人嗰陣毫無愧疚。
但見到流浪漢臉上傻更更嘅笑容，我唔再愧疚。
佢生存都係俾人恰、俾人歧視，倒不如死咗再投個好胎。
我將流浪漢嘅屍體帶畀舊同事，賺咗一筆錢，終於可以帶阿媽去接受新療程。
結果，冇幾耐，舊同事就俾人拉咗，成個產業鏈被搗破，我都坐咗監。
我先知道，舊同事佢哋已經殺咗好多人，一句「入土為安」，反而奪去咗好多人嘅生命。
傳統，到底係為咗死人，定係為咗活人？
—完—
真人真事改編自「為幫人逃避火葬，男子灌醉智力障礙者後殺害調包屍體」一案。
廣東一男子灌醉智力障礙者後，將其放入棺木中並殺害，以幫助死者調包屍體、逃避火化。
出殯當天，智力障礙者的屍體被當作死者遺體火化，該男子從中獲利9萬元。
新書《筍工重生高科技》已經出版了，現正發售中，
詳情可點擊這裡：https://bit.ly/32hgoSN
你的支持是我最大的動力！
#短故 #短篇 #小說 #陳美濤 #廣東話 #粵語 #tomatochan #我要賣老豆
污糟廣東話 在 邋遢laap6 taat3 / laat6 taat3... - 廣東話資料館Cantonese ... 的推薦與評價
邋遢laap6 taat3 / laat6 taat3 邋邋遢遢laap6 laap6 taat3 taat3 解釋：形容事物或環境唔衛生、唔乾淨嘅意思。 例句：打完波，成身污糟邋遢。 年廿八，洗邋遢。 ... <看更多>