【#港式情侶首個沉浸式配對晚宴 - 帶你走入伊索寓言嘅愛情世界～ 】
喺一個平靜嘅星期六下午，你正準備瞓返個晏覺，門口突然傳嚟一陣急速嘅敲門聲話有信。你懷住半信半疑嘅心情打開封信（因為毒0係唔會有信收），竟然係一封「森林大會」嘅邀請函，誠邀所有森林嘅單身動物參加晚宴，但就誤打誤撞去到你手中。身為人類嘅你，按奈唔住好奇心，決定喬裝打扮混入其中......
.
港式情侶首個沉浸式單身配對晚宴出爐啦！以伊索寓言為主題，每位來賓都會喺去之前完成一份心理測驗，並獲分派唔同動物身份（為加強代入感，每位動物入場前都會分發相應嘅頭飾同面具），徹底卸下人類身份，投入一場180分鐘嘅沉浸式配對晚宴！整場晚宴將會以廣播劇同小遊戲形式，令動物來賓穿梭喺6個改編寓言故事入面，以無負擔、唔尷尬、唔尷尬、唔尷尬（重要嘅事要講三次）嘅形式邂逅其他動物。每種動物都會有獨特個性同隱藏技能，可以喺遊戲途中發動，喺森林入面獲取優勢（至於優勢係咩，到時你咪知囉）～～
.
除咗豐富嘅故事情節同遊戲，整場晚宴仲會供應森林限定嘅四道美酒佳餚，每道菜同伊索寓言故事都會互相呼應，等大家可以喺同其他動物追逐（嘻～追我啊獅子）之餘，亦會有同心儀動物共進燭光晚餐、真係坐低傾下計嘅機會。
.
放下人類嘅偽裝同防備，今晚就等我以動物嘅身份認識你，暫時逃避現實，拖住你隻手行入伊索寓言嘅愛情世界。因為我哋相信，有時愛情係需要一啲啲童真、一啲啲夢幻、一啲啲天馬行空，去成就一場邂逅。
.
【Aesop à Table 伊索愛情餐桌（限定4場）】
活動日期: 8月28日 ; 8月29日 ; 9月4日 : 9月5日
宴會時間: 6時入席，約180分鐘
參加人數：一場24人（12男、12女）
參加費用: $680
地點: 觀塘Parc 古道具公園【法國莊園主題古董店cafe，同時為熱門結婚場地】
^^^小編人格擔保係靚嘅有feel嘅（講經咩都唔識你真人！）
****注意：參加者必須為單身人士
.
報名傳送門（IG Profile亦都有link可以click）: https://www.hkstylecoupleshop.com/products/immersive-speed-dating-dining
！配對名額有限，欲購從速，四場full晒就唔會再加開㗎喇！
****任何問題都歡迎DM/留言向小編查詢。
.
活動介紹：
如果吃不到葡萄的狐狸長大後會再嘗試葡萄的真正味道嗎？又如果，龜兔賽跑故事中的龜與兔相戀的話，兩隻動物又能否修成正果？親愛的人類，我正式歡迎來到伊索寓言的愛情世界，請先到切換至你的森林動物身份。誰知道，你會不會成為其中一位主人公？
.
#love #dating #matching #speeddating #single #單身 #約會 #沉浸式 #Aesop #愛情 #愛情廣播劇 #愛情故事 #伊索寓言 ##immersive @cupid_love_store #情侶 #出pool #搞笑 #香港好去處 #體驗 #港式情侶 #晚餐
.
想隨時知道我地有咩新活動？不如追蹤埋我哋啦！
即Like @港式情侶 HKstyleCouple 收聽更多港式愛情趣事、一齊學識點樣愛❤️
IG : https://instagram.com/hkstylecouple
歡迎DM投稿戀愛趣事/愛情煩惱，我哋等緊你㗎😙！
沉浸式 心理測驗 在 【Podcast】番外篇2. 沉浸式心理測驗Part 2之原來你是這種人 ... 的推薦與評價
繼上一回第一次 沉浸式心理測驗 後，這次換邊發球，由Neko來發問啦！想了解更多關於Miki還有你自己的內心深處的小秘密，就別忘了收聽我們這集喔！ ... <看更多>