《長洲東堤驚魂》下集
廁所內一片寂靜，只有零聲水滴聲音，同剛才女友沖涼大大聲有強烈對比。我拎住手機燈照兩照，似乎見唔到任何人，於是我問：「喂，係咪沖完涼？出下聲好喎！」
但廁所仍然無出任何聲音。我再急問：「咁我入嚟架喇，一陣咪話我睇你沖涼。」
女友仍然無發出任何聲音，攪到我自己都開始淆淆地，手震震咁慢慢用手機燈照入面再慢慢將雙腳踏廁所。由於廁所唔係話好大，基本上一入去轉右邊就係沖涼地方。
我一踏進廁所，再向右邊轉身用手機燈照一照……我嚇得個心離咗一離。
我見到女友一絲不掛地面向牆，郁都無郁咁企咗喺到，由於背住我，所以我見唔到佢個樣係點。
我吞一吞口水，因為缺乏燈光下，加上女友濕咗頭髮郁都唔郁，畫面相當恐怖。
「你點呀？」我戰戰競競咁問，再用手機燈左右左右向住佢照，希望佢比到反應。
但女友依然無反應，我當下真係唔知點做好，我腳都軟埋，唔通我行前去拍醒佢？我突然間感受到眼前呢個「女仔」相當陌生，佢會唔會撞邪奶嘢？如果係咁我係咪由佢喺到再出去搵人幫手？
我曾經想鼓起勇氣行前拍佢，但我最終無咁做，我拋下一句：「我出去等你。」就拿拿淋行返出去大廳定下驚，我望住個廁所門口入面充滿漆黑一片，仿佛門後就係通往地獄之門，令人從心湧現大量恐懼感。
（點圖看全文）
多多比like同支持
沖涼地方 在 請問野外想睡車上，想找可洗澡的地方有那些!? - Mobile01 的推薦與評價
最近突發其想，想來個環島旅遊…但小弟弟我帳篷也懶的搭或準備了，想直接睡車上，因為車子後面可以躺平，所以只想找個可以晚上洗澡的地方! ... <看更多>