#踩單車的不快事件 #個人遭遇
#長文純分享
以前同小朋友踩單車🚴♂️，一向去開大尾篤，踩完直落燒烤🔥。不過，宜家細佬B 仲細，要燒烤就難d，所以我哋近排轉移陣地，去沙田踩。
哥哥、妹妹一人踩一架，我同老公就暫時冇得選擇，一齊踩家庭車，因為要載埋細佬遊車河呀👶🏻，細佬不知幾 enjoy🥰。
今日天氣非常熱🌞，烈日當空，租兩小時夠皮了。沿城門河踩，微風送送。可惜，大好心情❤、家庭樂，被一間單車店破壞了。
早在兩星期前，同樣幫襯呢間單車店，當日店員友善熱心👍🏻，幫哥哥妹妹揀架好車，而且遲了半小時還車，本來諗住補錢，佢哋竟然話冇問題😉，唔需要額外付費。對呢間店舖印象不錯💯，打算繼續幫襯。嘿，點知。。。。
#嬲嬲1：今次再去，同樣在拉客：「新車呀，可以揀呀，租平d」。點知，店員一手攞架超舊，超污糟嘅車，比妹妹，成個車轆都係泥😖。問佢換過第二架，態度超差，話要佢攞出攞入好麻煩。
😤說好的「新車，可以揀」呢⁉️
#嬲嬲2：今日遲咗5至10分鐘還車，收多一個鐘錢 $100。吓？上次遲半小時話冇問題，今次遲少少，收多一個鐘。
😤說好的「計平d」呢⁉️
#嬲嬲3：被迫租多一小時，加錢後，準備再出發時，哥哥妹妹兩架單車，轉個頭比店員收走咗⁉️
#嬲嬲4：還車了，哥哥妹妹幫忙收拾，細佬坐係車上等，我扶住細佬。店員用無禮大聲嘅語氣呼喝😠：「喂，抱走個BB啦」。
😤 #我呢下終於不能忍受，出言反駁😤
單車店名，不公開了。但大家去開沙田踩單車，就多多留意，🌟小心揀🌟，以免令本來開心嘅單車遊，被掃興，玩得一肚氣。
#踩單車 #不快經歷 #ridingbicycle #家庭樂 #familyday #hkmama #hkkids #hkfamily
