關於 沙田英基小學好唔好 ，我們在網路上蒐集到這些相關的討論、資訊與評價

極右法西斯？hi...
Far-right fascists? Hi...Translated
講起公屋世襲制，詳情我無資料，我只係諗起少少野：

Before我出世前我老豆老母住藍田，發展新市鎮掟咗佢哋入沙田。然後房署舒緩擠逼戶，沙田細屋搬馬鞍山大屋，然後分咗兩條隊。當時話「因為新移民享用較少福利所以同樣家庭人數可以優先享用兩房單位」，結果我地只係得一房單位（而附近既兩房單位就梗係新移民家庭啦），長期要用櫃間房。由百幾呎變成三百幾呎。

即係香港人係個社會既貢獻係少過新移民？所以應份要畀多啲福利人？

當時我小學三年級，即係應該係1994年左右。當時新建公屋係和諧式，之後係康和式，本身用料同設計都係愈黎愈好。但去到近年，房署維修，用啲料既水平係直線下降。原本英國貨馬桶沖廁無問題，之後用大陸貨要沖幾次先沖得走。

另外係賣公屋，未去到我條村就停撚咗。再之後就領滙，將啲管理同商場外判，私有化。好多政策都係向新移民同有資產既人傾斜。

如果你本身有資產，過去廿年拎去炒股炒樓的確會肚滿腸肥，但如果你係無產階級？sor9ry，未計樓價，生活指數至少升咗一倍，你維持到生活水平已經萬幸。

如果啲人唔明點解香港後生咁絕望，係因為佢地連基層點畀香港班自私收成期同大陸佬係各個空間夾死都唔知。仲要畀人屌係極右法西斯。

PS：呢啲時候就會有撚頭話你唔努力脫貧乜乜柒柒。屌你啦，你樓價升幅火箭咁，正常收入根本追唔上，一班靠crony capitalism致富既人無資格指指點點囉。你自己出就業市場搵到同樣人工升幅先好出聲啦。

PPS：我搬咗出去住都好幾年，我而家基本上係香港最少福利，但又要交17%稅嗰堆夾心黎。公屋居屋夾屋無我份，私人樓唔到我買，啲乜春保就業，車船津貼乜乜柒柒又唔撚關我事。

［辰衝執笠我其實好心涼］當然係私人恩怨。但童年陰影，我由六四之前忍到而家！卒之可以爆！四千字！大量粗口同負能量。自己睇路

話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀

TL：DR – 店大欺客白鴿眼。門高狗大，文化界陸羽。我廿年冇去過。你懷念乜柒前，最好計下你過去廿年幫襯咗幾多錢。

1. 大量粗口同負能量，不喜勿入。睇嘅後果自負。拿，我平時都文都粗口。都仲warn 你，咁真係好大量。即係個四川人煮嘢畀你都叫你小心辣，自己睇路。先屌辰衝，再屌偽文青

2. 小小嘩眾取寵，但係真的。當然係私人恩怨講起，唔係咩好大件事。你可以當係好似施永青聖誕節（https://bit.ly/39Gwr00）嘅童年陰影

3. 有人話唔應該幸災樂禍。好似係。但我更不能接受虛偽，既然我咁諗，就咁寫。唔通我寫篇文「懷念辰衝」？我做唔到。況且，其實好多人都係幸災樂禍，你同我都係。我肯定我今晚橫屍街頭，一樣好多人好開心開香檳慶祝。我而家只係行使返我應有嘅權利。至於失業嘅員工？咁我又唔係因為有人失業好開心。我係因為佢執笠好開心啫。正如你買中經濟爆煲賺好多錢，唔等於你係因為有人跳樓而好開心。

4. 無數咁多人可以證明，我係一個愛書人，亦係一個鍾意行書店嘅人。況且我鍾意睇實體書（咁當然我都有Kindle），亦會真係行書店，唔係去打卡買文具飲高糖奶茶做偽文青。

5. 咁當然，愛書人呢啲，睇你用咩標準。其實好多爭拗都係，睇你用乜標準。你可以話我好廢都得架，你可以話我好窮都得，睇你同咩人比。霍建寧你都可以話「打工仔之嘛」，「大劉嗰啲先係有錢」。大劉你都可以話唔係真富豪架，「Jeff Bezos嗰啲先係有錢」。Jeff Bezos好叻咩？咪又係離婚。一定可以搬到你自己開心的。

6. 咁所以，肯定更多人比我更愛書局，唔使出嚟挑機。好似我所有嘢都係咁，好多嘢都識啲，但冇一樣好精，狐狸嘛。好多嘢我都有興趣（火麒麟嘛，當然包括埋《火麒麟》），但冇一樣去到極沉迷。有人（例如 高天佑）當我係港產（爛）片之鬼，我話佢知，你知你真係未見過junkie（＊）

7. 講返，作為一個適度嘅愛書人，行書店嘅人。辰衝真係算係我童年陰影。點解？因為店大，欺客，白鴿眼，扮撚晒嘢。識英文好巴閉？

8. 當年我只係小學雞，出城，海港城添呀。應該老豆帶我出去，咁老豆一向都放任政策。咁我都話我係愛書小朋友，梗係行書局。咁我入去睇，你老味丫，同我講英文。大家中國人（！）做乜要講英文？咁我問佢，有冇中文書啦。佢先好不情願咁同我講：我地呢度只係賣英文書架小朋友

9. 你老味丫！1997快些到吧！（當時應該係88/89年）。易酒酒切，易酒酒切。（＊＊）

10. 時間過咗幾年，我卒之識講英文。雖然未97，但去到樂道嗰間辰衝，即係而家執嗰間。依然係咁嘅華人與狗嘅態度，好似變咗講中文，但一樣係不可一世嘅買辦嘴臉，十問九唔應，唔憂做。我覺得，「漢奸」就係咁上下款。佢態度就係話我知：牛屎仔，你識英文咩？睇玉郎漫畫啦你。

11. 就咁？係呀。就只係咁。後來就真係1997，我就英文拎咗個B，我睇好多英文書。但我一撚次都冇去過辰衝。一撚次都冇。一次都冇撚去過！

12. OK，完全係我廿幾年前嘅童年陰影。你可以話我知你去到人地對你十分親切，或者係我樣衰，或者係我人必自侮然後侯姆斯。隨你。反正你改變唔到我點睇，亦改變唔到佢執笠嘅命運。你攻擊我你好過啲嘅，be my guest （呢句肯定唔係辰衝教我）

13. 但，而家，我見到一片哀號，無病呻吟。呢個又「一個時代的終結」（廢話，求其一間邪骨畀人掃你都可以話「一個時代的終結」），一係又「細細個去開」（咁使唔使懷念百人一朱？我去百人一朱肯定多過去辰衝），嗰個又「香港容不下一間書店」（我咁多年去咗邊買書？），甚至係「香港大陸化又一步」（講嘅應該冇撚返過大陸去大陸嘅書店，何止英文書？法文書俄文書都大把）

14. 我就真係不得不講，賤人就是矯情，get a fucking life 啦。

15. 任何人，懷念辰衝，懷念乜乜之前。唔該，你幾多年冇幫襯過？你幫襯過幾多錢？我敢估，絶大多數人，過去廿年去辰衝使嘅錢，唔會多過你去一次日本，或者食一次米芝蓮兩星。你在辰衝一年用到幾百蚊嘅，你就有資格懷念啦。否則？阿叔食碟牛肉都唔止。

16. 既然人人都冇幫襯，咪即係間嘢唔掂咯。資本市場，有幾撚難明？咁，有乜撚嘢好懷念？固然邏輯撚可以話，我可以又懷念日本又懷念米芝蓮又懷念辰衝，冇衝突。咁你都幾撚忙，同幾濫情。懷念用得多，自然唔值錢。你見個女仔條條仔分手佢都要割脈嘅，唔係代表個個佢都愛，係個個佢都唔愛，佢最愛佢自己，明冇？仲唔明？咁請睇返第14段

17. 我唔知幾時開始，個城市變得咁撚虛偽。肯定丘世文去辰衝嘅年代唔係咁。（放心，呢本書當然唔係在辰衝買，人地巴撚閉唔賣中文書）

18. 但凡乜鬼老店執笠，偽文青定必打卡，排隊幫襯，嘩我好唔捨得。借問聲，先生你對上一次幾時幫襯？原來係梁振英做緊特首嗰時。根本有好多老店，係死有餘辜嘅。銅鑼灣SOGO後面果間乜鬼麵家話？屌你，污糟到仆街。你同女神去食我包你嗰晚食自己（或者行過啲上富士山。點解SOGO行過啲係富士山？你懂的）

19. 唔止，連麥當勞執笠都有人要懷念。又唔係黑心企業地產霸權了。最撚戇鳩莫過於係話地產霸權迫走麥當勞—我屌！麥當勞自己咪做地產（https://fbook.cc/3D3T）！本城有幾戇鳩同虛偽，又一示範。（所以記得睇本Page，比別人知得多。仲要睇《明報》）

20. 即係，灣仔永華麵家（已死）。我一年食十次八次，唔敢話熟客。但比好多人去得多。執笠嗰時？咪又係一街懷念。但明明之前我見港女又嫌污糟，又話人四十幾蚊碗雲吞麵好貴，三十幾蚊碗紅豆沙好貴。仆街你食一風堂啲味精水成舊水就唔撚貴。哦人地拉麵有象人精神，但一風堂唔撚係象人精神下話？當年美心未係藍店都係咁話。況且根本日本嘅一風堂都冇象人精神啦！

21. 永華就真係好食（本人覺得）。問題係，咁爽，不如你去做丫？你估日日挫竹昇麵好過癮？我肯定挫竹昇妹（或仔）好玩啲。人地就托搭咁早起身，挫撚到生痔瘡，等你啲文青平時就唔幫執，執笠就嚟打卡。（https://bit.ly/2CUrlBd）

22. 講開沙田麥當勞執笠，唔止，連商務執笠都有人懷念。媽媽咪亞。又唔係三中商邪惡集團了。更甚者，甚至有人話「商務印」。可見本城嘅文化程度有幾高。（＊＊＊）

23. 真的，你鬧都好，對我成長最大影響，唔係辰衝，係商務同三聯。特別係商務。好簡單，因為細個屯門八佰伴，就有間商務。我老母同啲姨媽咩去行街搞大半日，我就自己去商務睇書，乜都睇。睇到八佰伴播散場音樂。睇咗好多，好多書。

24. 時間再早少少，我小學雞時，我地年代邊撚有乜鬼遊學團。暑假最有建議性嘅嘢，就係我老母踢我去仁愛堂（唔知邊度？有冇睇《古惑仔戰無不勝》？）學乜學物。當年佢嘅得意之作，包括書法班啦（哈哈哈），游水班啦（哈哈哈）。基本上學嗰樣衰嗰樣。

25. 但我仲會偷偷地走去田家炳圖書館。細細個我就睇晒兒童圖書館嘅書咁滯（！），走去睇成人圖書館！可惜係冇成人封物睇。開頭黎巴嫰人（librarian 是也）仲會阻止我，但後來見我咁好學，又唔會出聲，根本就已經次次都放我過去。

26. 仲有咩書店對我大影響？誠品啦。當然係台北。但當然我第一次去台北已經係2008年嘅事。誠品以可以打書釘出名大家知啦，加上台灣舖頭大，當時又未咁撚多香港文青去，又開通頂，十分好的。

27. 英文書？Page One咯。又係海港城。不過我記得唔係辰衝原本個舖，辰衝在海洋中心，丘世文就係去嗰間辰衝。又一城店我去得仲多。有冇話你知有一期我在浸會返暑期工？係呀，Page One，商業化。都痴撚線。賣書梗係商業，唔通工業？

28. 仲有乜？眾多二樓書店（同樣地，當有人問「二樓書店」在邊，你可以當呢個人係唔去書店嘅，正如我朋友教煮送，有人舉手問「萬年油」在邊買）。迫係迫啲架啦，但至少任你揭。仲有，嗰啲佬（好少有後生仔，女就更加少），有問必答。我都話，好多而家嘅店員，連自己份工都冇尊重過。

29. 講呢啲做乜？拿，呢啲先係好書局，先係幫到新界西成長（此處新界西唔係地名，係人種）。開書局，你理應係放低個門檻，等更多人接觸到。唔撚柒係變成書店陸羽，西口西面（但又我去陸羽咁多次都冇畀人西口西面）。我知，租貴，唔好混吉打書釘—但我講緊1988年喎。租貴？今朝剛睇到，舒利亞當年今日轉會布力般，三百萬鎊，英國紀錄。

30. 講到尾，我最不滿辰衝，係嗰種偽知識份子嘅傲慢。仆街丫，你開書局咋，你PhD in 吹蕭？多得之後有其他書局，我先學到好多嘢。

31. 鬧咗三千字。好簡單，一間根本冇乜人幫襯嘅書店執笠（況且只係執一間實體店），有乜好懷念？華僑日報執笠嗰時你有冇懷念？一份冇乜人睇嘅報紙執笠，唔代表報業收檔。正如一間冇人去嘅書店執笠，不代表書店收檔—雖然其實都係慢慢死亡，所以，慳返啲時間懷念其他書店啦

32. 留意成篇嘅大調，其實同我平時嘅價值好似唔同。埃汾係「精英主義」嘅，最好上網要考牌，唔識基本英文嘅，對好多話題應該冇發言權。我識嘢多過你，當然係我講，唔係你講。但呢個情況真係唔同：我冇阻止任何人去睇多啲書（我次次都叫人「讀多幾年書先」），我冇覺得知識應該係某啲人嘅專利。只係認為你冇知識前應該shut the fuck up．但辰衝呢類白鴿眼，未必有心，但事實係阻礙阻知識嘅傳播。亦見到英殖有幾好　—　但1997一到，你就時辰到。唔係共產黨，而係有互聯網，有亞馬遜。我仲使去睇撚你面色？

33. 對，我係贊成知識門檻應該低—但前題你要尊重知識。但，DK Effect嘛，越係唔撚識嘢嘅嘢，就越大聲。

（＊）有套戲叫《戰　無雙》，熊欣欣導演，蔣璐霞李燦琛張兆輝主演，陣容唔差，但套戲票房係327蚊　—　而我朋友有份入場！（https://bit.ly/3g7wkNn），套戲只係在天水圍平日日頭上過兩場，睇過嘅應該五六條友。我朋友係其中之一，呢啲就高手！

（＊＊）冇錯係瀋陽姑娘艾敬嘅《我的1997》。我推介你睇我朋友胖企鵝寫嘅文　「香港 香港 怎麼那麼香？」－－艾敬的1997（https://bit.ly/2P4oGHK）。仲有　黃家駒的《大陸情人》（https://bit.ly/2DhlRQE）。黃家駒唱嘅《情人》，原本係叫《大陸情人》。童年崩壞未？原本曲中主角就係北姑艾敬。但放心，搞北姑嘅係劉卓輝。呢兩篇文真係好睇。「東區走廊，我有份起架」。篇文我冇份嘢，胖企鵝唔係我徒弟—但佢係睇我嘅文大。唔止，高天佑都話睇我嘅文大。可見我好老。但，所謂生命影響生命，就係咁。

（＊＊）再講一次，係「商務—印書館」，唔係「商務印—書館」。係「蘋果—動新聞」，唔係「蘋果動—新聞」。之前有單新聞，證監批「飛尚非」 股權高度集中 。間嘢叫「飛尚非金屬」。以前做節目有觀眾問「天化工」362，間嘢叫「中國天化工」。關公係「漢壽—亭侯」，唔係「漢—壽亭侯」。不過「一生愛錯放你的手」點讀，問返張宇（其實係問佢老婆）

————————————————————————————————
最新收費影片：第一次推介跑贏大市，同你回顧檢討下。仲有新推介。40分鐘，都係賣返$80

簡介及以前嘅片（未睇可訂）：https://bit.ly/3iYMD0F
報名嘅，課程編號CC006：https://bit.ly/3eXVX1K
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:　回顧第一段專欄片有幾勁！今段落多幾個Number賺死你！40分鐘，都係賣返$80

影片/課程編號：CC006
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC006]
2/利用信用卡網上付款
3/及後有登入資料可以立即收看
查詢：whatsapp 63832145

今晚，很多人去睇《阿基拉》4K版。
我冇份。
以下是去年年初寫的。
—————————————————
【AKIRA之味】
肯定是八佰伴之味。
我第一本買的《AKIRA》漫畫，是第二期，原裝日文版。
時間是1985年，地點是沙田八佰伴附設的書店。書店位於新城市廣場2樓，大概是今日city’super生蠔吧的位置。
1985年，搬入沙田新市鎮冇耐。某一天，隨大人到一個好X大的商場，一個比我屋企樓下商場大上不知多少倍的商場。
但商場內，近乎乜都冇；偶然行到2樓一個Corner，我那對媲美T-800的雙眼突然偵察到正嘢——竟然是一個專售日本原裝漫畫單行本的Corner！你試幻想，成件事是幾咁超現實：在一個發展中新市鎮的一個靜英英巨型商場的一個隱蔽Corner竟然販賣日本漫畫——而且是原裝日文版。
最吸引我目光的一本，放了在最前方豬肉枱：
1.封面，泛著一層詭異的藍，藍中有一個泛著紫Tone的人，右手流緊血……
2.書名，就咁五隻英文字母：A、K、I、R、A。型呀（但不要問我型在哪裡）。
3.Size，比一般正常日本漫畫單行本大。
4.再配合埋個厚度，簡直就是一本電話簿。
5.售價，1,000日圓（當時一般正常日本漫畫單行本賣360日圓），當時是四算，港幣$40。當年我每日零用6蚊，預3蚊搭車，2蚊食早餐小息買汽水放學買福麵……不難想像，由我第一眼望見《AKIRA》到儲夠呢40蚊，是一個何其漫長的歷程，也是一件極度艱鉅的事……
過程不贅，這本《AKIRA》總算被我帶返屋企，立即拆袋，觀看——我早就預咗自己睇唔明，但唔緊要，反正目標明確，就是為了睇公仔，問題是，那些公仔面相都不美型（當時心目中的美型面相，是安彥良和、美樹本晴彥、池上遼一筆下那一種），Well……嚴格來說是有點核突，但那種核突並非緣於畫功，而似是一種為凸顯、呈現某種精神面貌的核突——很多年後才知道，原來連漫畫之神手塚治蟲都曾經嫌大友克洋的公仔核突，他認為，不應該把日本人畫得咁核突囉。
Yes，大友克洋所描繪的人，就是日本人——不是甚麼東方人，而是純粹日本人。
但1985年的我懶理佢畫乜人，核突就是核突，偏偏，除了人物面相，每一格畫框所展示的都超級美麗，美麗來自嗰份超級精細：精細的Building、精細的機械設計、精細的分鏡（讀緊小學的我已大概明白分鏡是甚麼一回事）——這一本恍如電話簿的漫畫，讓我如實看見漫畫原來可以精細到這麼一個失常程度，而因為當年的我早試過用專For漫畫家使用的鋼筆咀來畫公仔，絕對明白要畫這些畫面，完全是一場（嘥）時間的工夫（近年不少日本漫畫家都用電腦輔助，有些實景甚至是先影相，再用Photoshop加工，精細只是一種假象）。
升上中學，才知道也有同學鍾意《AKIRA》（大家都是被精細的畫面吸引）；透過一些「參考書」（亦即《A-Club》），總算明白《AKIRA》的偉大，對作者大友克洋也有了一點認知，並買回其他作品，例如《童夢》；到了1988年，最期望的是欣賞《AKIRA》電影版，而好好彩地，竟然有香港公司負責發行，在戲院上映，但又好唔好彩地，竟然安排了太極樂隊主唱中文主題曲（大佬呀，佢哋以前唱的是《紅色跑車》而不是《紅色電單車》呀），並在片末播放，以致沒有了由藝能山城組負責的原裝樂曲，實在令一個初中學生情不自禁在大庭廣眾爆起粗來。
很多年之後，《AKIRA》重新推出中文版，掀起搶購熱潮——搶購是因為實在太難買，難買是因為發行量有限漫畫舖更有限（今時今日買漫畫仲難過買金器，社會真的嚴重地富庶了）。
至於那間隱藏在新城市廣場2樓的書店，早就隨八佰伴煙消雲散。
作為沙田友，永遠不能忘記（動用僅有的零用）買完漫畫，再落樓下的日本超市試食；如果撞啱手頭鬆，就到超市附設的Foodcourt買碟日式咖喱海鮮飯，那是我記憶中最好味的日式咖喱海鮮飯。
#是物味
號外 City Magazine

寶血會:從事教育工作的目的是作育英才，發揚真、善、美、聖的理想，尤以靈性及道德教育為首要目標，使學生在德、智、體、群、美、靈六育上均衡發展。修女們以身作則，循循教誨，透過教育以實際行動向學生及同工宣揚基督的福音。本會辦學的另一個理想是發揚和保存中國文化，故一直堅持興辦中文中學﹙德貞女子中學，寶血女子中學﹚，甚至在中文地位受到忽視和動搖的時期，仍盡力堅持這原則。當然，在國際文化交流極盛的今天，外語的應用亦屬必要，為此，本會在能力範圍內，亦創辦了一所英文中學﹙上智英文書院﹚。
本會初期的使徒工作，因應當時社會的需要，即次第開辦女校和義學。先後計有：正教學校（獨立之初，西灣河聖十字徑臨時修院旁）德貞女校（現今德貞女子中學之前身）德嬰女校之第一、第二分校道志小學為回應當今急劇的教育改革，並更有效落實本會的教育使命，確保教育質素，因此，於2001年9月成立「教育事務處」，有系統地統籌本會的教育事業，集中資源，使各同工達致同一步伐，履行本會辦學的使命。本會轄下共有三間中學、八間小學及三間幼稚園及一間幼兒園。　
德貞女子中學（1923年創立）
寶血女子中學（1945年創立）
寶血會上智英文書院（1966年創立）
德貞小學（1923年創立），已於2016年完成歷史任務。
寶血小學(1945年創立)
寶血會培靈學校(1959年創立)
華富邨寶血小學（1968年創立）
寶血會嘉靈學校（1969年創立）
寶血會伍季明紀念學校（1984年創立）
海怡寶血小學（2000年創立）
寶血會思源學校（2009年創立）
德貞幼稚園（1938年創立）
寶血幼稚園（1945年創立）
寶血幼稚園(深水埗)(1951年創立)
網上資料:圍繞着深水埗北河街市政大廈的井字形有四條街—北河、桂林、基隆和大南街。它是個不愛休眠的地方。馬路的車聲，街頭的香味與叫賣，熱鬧的人群，由早至晚，不同的攤檔散聚，見證小販們謀生的努力。昔日，深水埗對出是一片汪洋，設有碼頭往來，使北河街擁有成為墟市的條件，聚集各種小販供應日常所需，成為社區生命力的來源。由來已久，它仍是以人情味和超低價為招徠的地方。由於舊區租金比較低，令商販經營成本大大減輕，於是「價廉物美」成為北河街購物的一大特色，簡直是整個深水埗的小縮影。北河街名字的由來眾說紛紜，有指是因為當地以前有一條小河涌，名叫北河而命名, 深水埗及長沙灣一帶街道，多以中國城市及省命名 。北河街街市檔販，很多是90年代北河街街邊排檔被遷拆後安置過來。連同北河街市政大廈在內的北河街鮮活食品市集，是全港最受歡迎街市之一。某店主認為最大優點是樓底高、夠闊落，可容納較多人。熟客遍佈荃灣、青衣和沙田，很多是駕車過來買雞的中產主婦。街市檔販更說，遠自天水圍與東涌的主婦，都會來這裏買餸。由於生意好銷量大，向供應商訂貨多，批發價便可更低，零售價因而可下調，蔬菜平均比旺角區每斤平2至3元。競爭力大增。網頁特色店介紹資料輯錄:
北河燒臘飯店(深水埗大南街):北河燒臘飯店老闆陳灼明帶點自嘲口吻說。這裏是有名的「窮人愛心飯堂」，一碟三餸飯，再送白飯一大碗，只賣22元，炒蟹蒸魚咕嚕肉番茄煮蛋廿多個餸隨意選，份量大，兩個人也吃得飽，多年堅持不加價，店子也幾乎沒翻新過。「我們曾經承諾只要夠交租、夠出糧就唔會加價。一個飯盒，最多只能賺幾蚊，所以我哋平日唔會浪費，寧願乜都慳少少，賣多幾個薄利多銷，維持舖頭嘅運作。」為了收得平又做得好，他扭盡六壬，卻不偷工減料，像平日用的就是號稱第二靚米的金嘉禾米、生粉堅持用荷蘭或德國入口，拒用劣質國貨等等。自己既是老闆又是廚師，日做十多個小時，捱到金睛火眼，節省人手成本。朝六晚十，門外的外賣檔總是擠得水洩不通。「深水埗咁多年都係新移民基地，劏房最多，係臨時落腳嘅地方。呢度窮人最多，唔做啲平價嘢點得？自己有能力就幫助有需要嘅人。」幫襯的人，以基層人士最多，有各式各樣的人，他見怪不怪。「試過有阿婆叫我飯裝大碗啲，又叫我送湯送呢樣嗰樣，煩咗我幾轉，送俾佢唔係問題，我最怕煩。」明哥笑說。除了推行「飯券」計劃，也定時推出免費飯餐，更不時派發飯盒予有需要的人。
華南冰室(深水埗桂林街87號地舖):「呢杯奶茶，我由後生飲到而家有埋孫，咁多年都冇變過。」年約六十多歲的周女士說。華南冰室最受歡迎的，是一杯奶茶，像周女士的老街坊，上了這裏的奶茶癮，不能不來，大部份更是銀髮一族。這條奶茶秘方有半世紀歷史，是八十六歲的老闆周焯騰研發。用粗、幼茶葉和lipton茶包溝成茶膽，反覆拉兩次才入杯，早在幾十年前，已率先採用黑白奶，茶奶比例剛好，沖出來香濃幼滑，日沖百幾杯，從未失手。「當年黑白奶訂做奶茶杯時，有問過我意見，睇吓杯嘅大細厚薄啱唔啱，單係咁就知我哋幾認真。」他中氣十足地說。1959年，他在荔枝角道開了豪華冰室、豪華餅店，1978年，再開華南冰室，不過最後豪華相繼結業，只餘下華南一間。
車仔麵包西餅(基隆街256地下):基隆街由街頭走到街尾已有五六間麵包店，可想而知競爭如何激烈。店舖惟有各出其謀，其中一間每逢下午便以特價包速銷，5元3個菠蘿包或雞尾包，5元2個火腿蛋包，新鮮出爐，近乎全港最平。
德明粉麵廠(基隆街254號地下):店是前舖後工場，已有超過半世紀歷史。門外擺滿各式各樣的麵類，由傳統的全蛋麵、蝦子麵至日本的拉麵烏冬都有售，還有不同種類的通心粉，稱得上是粉麵博物館，平日最多街坊熟客幫襯。除了門市外，還供應附近麵檔食肆。
生隆餅家(北河街68號): 港式傳統老店，已有三十多年歷史。食品價格親民，店專賣懷舊中式糕餅，鹹的甜的均有，如缽仔糕、合桃酥、雞仔餅等，連坊間少見的雞屎藤、白糖糕都有，不同時節，更會供應不同的應節食品。坐擁自家工場生產，食品大部份以人手包辦，保證新鮮。皮蛋酥，新鮮出爐，皮香而酥化。每個$7
信興酒樓(桂林街93號地下,已結業) :開業於1936年，是深水埗老茶客平日最愛吹水聯誼的地方。以點心靚和水滾茶靚為招徠。設有茶倉放置茶葉，以普洱最有名，以茶為先；傳統點心如節瓜甫、豬肚燒賣等，仍可在信興找到，每次點心車一出，茶客總爭先上前搶奪心頭好，這種街坊風味絕非剔紙仔可比。
不夜天趁墟:入夜，當店舖陸續打烊後，一架架大小貨車駛入，擠得水洩不通。每晚約七八時，便有近百地攤沿街兩邊開攤擺檔，一個接一個，幾乎沒有空位，賣的多是二手貨，堆積如山、亂七八糟的，莫笑它們不值一哂，卻吸引各方奇人異士拿着電筒照明尋寶。約六十多歲的娟姐是深水埗的街坊，在這裏擺檔已有兩年歷史，她有五個小地檔，賣的是兩元至二十元不等的雜貨。她賣的二手貨，部份是在家中剩餘的物資，像子女的手錶首飾、衣服，有些則是朋友送贈。「我剛剛做完手術，諗住賺錢幫補吓，搵得幾多得幾多，呢度係一個尋找生計嘅好地方。」