📍泰+海南雞 (九龍灣)
九龍灣常悅道9號企業廣場1期1樓5A-5C號舖
.
話說早排食lunch路經九龍灣企業廣場，見到好多人一人一袋，吸引到我目光係因為膠袋上勁大既個隻雞🐔🤣原來主打食泰國海南雞飯~
.
🍚去骨海南雞飯 (輕盈版) $38 (3.5/5)
呢度嘅海南雞飯有正常size同埋細size揀，對一個女仔黎講輕盈版份量絕對係啱啱。雞肉幾滑，但味道偏淡，配埋個醬就會惹味啲。如果想食雞髀要加$15，但我覺得小小貴。
油飯好香好淋，平時唔太鐘意食飯既我都食哂成碗🤣
最正係仲有碗雞湯，又幾好飲！以呢個價錢黎講，已經好👌🏻
.
🍜泰式雜錦湯粉 $42 (3.5/5)
可以揀金邊粉、粉絲或者米粉，我就揀我最愛既金邊粉啦😍啲餸都好豐富，有雞絲、蝦仁、丸、扎肉、菜。不過佢啲芫荽真係鋪天蓋地咁多，好彩我食㗎啫😹
.
🥤番石榴青檸蜜糖茶 $18 (4/5)
無添加。自家製，超香番石榴味，健康又好飲！特別係佢用膠袋裝住，仲要有手抽位，好抵死，一路行一路飲都好方便🥸
.
🍤泰國蝦片 $20 (4/5)
少少辣，多多脆，唔錯喎！
.
不過有樣唔環保既係佢全部都用即棄膠盒，堂食都係👎🏻不過今日都係呢間店最後一日營業了，之後轉賣其他泰國野，但就冇海南雞食🥲想食就要去其他分店
