//#長文 // 海洋公園水上樂園全攻略 (下)
去水上樂園玩,感覺好青春!
@waterworldoceanparkhk 玩一次都唔平,目前未知有冇annual pass
根據官網嘅描述,好似價格可升可跌,有時仲會有早鳥優惠
真係要好好哺住先有著數
咁難得入去玩,梗係要做好準備!
⭐儲物篇⭐
一入到去有好多locker
Regular Locker $120/day , Family Locker $200/day
每人帶少啲嘢,幾個人租family lockers其實都okay嘅,總之盡量輕便
租咗後,記得影低locker號碼,同手帶上嘅QRcode, QRcode相片同樣可以開locker,唔使得一個人可以去locker攞嘢
⭐行裝篇⭐
著三點式當然好,free fall只能穿貼身泳衣、泳褲
所以著防曬衣好似好d,唔使驚走光
著水陸兩用涉水鞋最好,拖鞋有啲設施都唔著得,要用手穿住
除咗 free fall 嘅三條梯唔准着之外,所有設施都可以
😷😷 帶布口罩吧,除了在水中不用配戴外,其他時間都要帶
一定要帶防水袋,裝必要用品,特別係有小朋友的,帶小朋友零舍多野😂
唔好帶貴重嘢,有啲設施連電話防水袋都唔可以帶,要租一次性迷你locker$20/次
帶漏啲咩嘢唔使驚,係威威水地帶旁有裝備店
場內有救生衣,唔使帶水泡畀小朋友
⭐沐浴篇⭐
更衣室有分男、女、Family,有沐浴露提供
Family係一間大房入面有齊廁所同埋浴室,私隱度高
大約有10間左右(唔知有冇另一個Family Room)
但因為family一定有3-4人,沖涼時間就長少少,都較難等到㗎~
類似嘅淋浴間數量幾多,高峰時期都需要排隊,秩序良好
⭐交通篇⭐
海洋公園正門有免費接駁巴士,記得上網預約
如果想揸車入去,記住預先係網上登記訂位
⭐飲食篇⭐
🥤🍡🍜 場內有 food court型式嘅餐廳同自助售賣機等,提供各式食品飲品🍲🍜🍝🍔🥤🧃☕🍵
仲有啲咩問題隨便留言問😊❤️
同時也有1部Youtube影片,追蹤數超過80萬的網紅果籽,也在其Youtube影片中提到,【專題籽:港情講趣】 至於兩位樂園保安都由水上樂園做起,鄧月明曾做過更衣室兼職。眼前開朗的她,以前原來好害羞,「做水上樂園時不懂與客人溝通,經常藉機躲在更衣室。」後來海洋公園請人,加上不喜歡穿裙工作,在同事鼓勵下,決定試做保安員。張志鴻則由救生員做起,因以往冬天時水上樂園關閉,救生員會調往做保安三個...
海洋公園水上樂園 更衣室 在 小小豬Kinsey Facebook 的精選貼文
期待左好耐….小小豬終於有機會嚟體驗「海洋公園水上樂園」大玩特玩。依位小朋友就緊係興奮,除左有得玩水之外,仲有兩位至愛嘅姨姨陪佢玩,咁仲唔超級盡慶。
好啦…講下我地玩左咩先,我地入到場第一時間就去左室內二樓嘅「漂流探秘」,其實就係坐水泡玩漂流,佢水泡嘅款式都有單人/雙人/幼兒雙人選擇,係落水位置就可以自由選擇。基本上穿上水泡係度漂漂下都幾Relax,間中又有啲射水設施,所以都有啲刺激,小小豬都連漂三轉先肯上水。
之後我地去戶外嘅「激流旅程」,大小朋友都著住救生衣係激流入面漂流,水流唔算急,但水力都幾大,要企定定都唔係咁易,都幾刺激嘅。不過我覺得瞓係水上面睇風景個感覺真係好正。
繼續去戶外嘅「涌浪灣」玩,小朋友著住救生衣係度玩人造浪,不過啲浪會係指定時間先有。依度啲浪就唔算大,所以嚟輕輕鬆鬆浸下身都唔錯。
嚟到必玩17m高嘅「八彩天梯」,只要夠膽同身高1.1m就可以玩,小小豬係表姨嘅鼓勵下終於肯去,而我呢……老啦…年紀大,都係企定定等影佢地好啦…哈哈!小小豬話頭向前腳在後然係瞓係水墊上SIR落去,初時都冇乜嘢,只係由水管SIR出嚟嗰下有好大嘅離心力係有啲驚,不過都係好好玩,好刺激嘅。
之後我地就去二樓嘅餐廳食午餐,以主題樂園嚟講佢嘅價錢都唔算貴,大約$65-$90左右,而且食物質素都OK可接受,唯一就係可能遊人都比較多,所以等取餐都就耐左少少。
食飽飽就繼續去室內三樓玩「天海灣」,同戶外嘅涌浪灣一樣都係人造浪池,不過依個就大好多,同埋啲浪勁好多,所以小小豬係度都玩左好耐。
最後就去隔離嘅「威威水地帶」,初時小小豬話佢大個仔唔玩BB嘢,只係行去望下,點知最後又係玩到唔願走,佢來來回回玩嗰兩條三層高嘅長滑梯,一聽到叮叮聲就衝落去個大水桶等淋水,總之就全程上上落落,睇見佢都覺得攰…哈哈!
其實仲有最刺激嗰幾個遊戲一係唔夠膽,一係超多人排隊,所以冇玩到,但整體上係好玩嘅,唔好話小小豬,我都玩完都嚴重冇電。由於今次係體驗半日場,所以小小豬話佢完全唔夠喉,未離開就已經問我幾時再去,仲叫我趁佢12歲前仲係小童價入嚟玩多幾次,最好就係買年票等佢可以隨時有得玩哦(但…..好似係冇出年票….哈哈)
等我嚟個小分享先💕💕
✨記得要預先網上預約Shuttle Bus,係海洋公園門口上車,每隔10-15分鐘一班,車程大約8-10分鐘就到。渣車人仕都要預約停車場泊位,不過樂園初期停車場好似唔開,有需要可以留意官網。
✨最好提早預約LOCKER,尤其係四人家庭,因為特大儲物櫃唔多,而我BOOK嘅個家庭款最多可放2個背包,所以要用啲方法先可以塞晒四人物品入去。
✨儲物櫃區位置就唔分男女,拎齊嘢就可以去更衣室換衫,當中有八間家庭更衣室,入面有齊洗手間同淋浴間,而且房間都幾大,都好方便嘅。
✨建議大小朋友都可以著水陸兩用鞋/扣到腳後嘅涼鞋 (唉…我有訂左兩用鞋不過送唔切落嚟,所以今次用唔到),因為除咗 Free Fall嗰三條梯唔准着之外,其他設施都可以著住玩。如果著人字拖就要係大部份滑梯型設施都要除低,穿响對手度玩啦。
✨泳衣泳褲外面可以加TEE或防曬衣但不能有鍋釘、拉鍊或金屬扣等。不過要留意玩Free Fall就只能穿貼身泳衣同泳褲。
✨口罩除左係玩水時唔洗戴之外,任何時間都要戴住,所以建議要帶定多幾個替換或用可重複使用嘅布口罩或運動口罩。
✨大部分滑梯及設施都可以用小型防水袋放電話,咁就可以影到靚相。如果有需要用GoPro拍片就要用手腕帶扣好,唔可以使用手柄或自拍棍。
想了解更多詳情及訂票,可瀏覽官方網站 ~> https://waterworld.oceanpark.com.hk/
Special Thanks
香港海洋公園 Ocean Park Hong Kong
#WaterWorldOPHK #SplashintoAdventure #LetsGetSplashed #海洋公園水上樂園 #探索自然激浪無限 #激浪無限瞓身玩
海洋公園水上樂園 更衣室 在 天使媽媽 Facebook 的最佳解答
謝謝海洋公園邀請
我哋今日嚟左
全新嘅海洋公園水上樂園🎊
超級開心😍
。。。
地方大,遊樂設施多
時間吾夠,揀左幾樣最想玩的
旋風、急轉雙子梯
兩個人,座住水泡,衝落去
八彩天梯🌈
不用解釋,人人都知咩來
神秘迷沖
四人,座水泡,衝落去
漂流探秘
座水泡,浮下浮下
激流旅程
洗衣機咁,轉轉轉
湧浪灣
半個鐘先湧浪一次
次次都miss左😝
威威水地帶
類似之前的下水禮
有bb滑水梯
。。。
可惜吾夠時間
試玩只有半天
下次有機會,要試
一秒跌落五層樓嘅深谷飛瀑
仲有,急流漩渦🌀
。。。
試玩後感想~💦
一離開水就要帶口罩😷
建議用運動型布口罩
落水就穿在手上
吾識游水都完全沒問題
夠膽衝落去就得
重點,要夠高同夠重
今日吾算好多人
但熱門遊戲
要排30-45分鐘
正式開幕時
請大家要有心理準備
更衣室,梳洗配套
個人認為不太足夠
爆多人🤪好迫
Shuttle bus ,locker
⚠️必須,必須,必須要先預約
今日大locker 已full 哂
。。。
個人裝備,輕便為主
防曬衣,室外曬,室內寒
拖鞋,crocs 都ok
泳鏡🥽有就用啦
防水袋
我擺手機同八達通
買嘢食方便
不過影到手機無電
之後好專心咁玩😛
可自備食物
中途返更衣室拎午餐
再買左啲快餐,價錢方面合理
。。。
有興趣去玩嘅朋友仔
開幕期間仲有限定優惠
即刻買飛入嚟玩啦! 🤗
全城期待嘅水上樂園
2021年9月21日就開幕啦
5 大主題區域
27 個室內同室外設施
任你幾時都有得嚟玩🥳
成人門票低至✨港幣$320✨起
小童票價低至✨港幣$225✨起
呢度👇🏻
https://bit.ly/2Z0JSqg
。。。
不過今日始終試玩
正式開幕,情況會有出入
Anyway ,留港消費的日子
有新景點,點都係開心嘅☺️
去玩~去癲~嚟Ocean Park~😆
#海洋公園水上樂園
#WaterWorldOPHK
#探索自然激浪無限
#SplashintoAdventure
#海洋公園
#hkoceanpark
海洋公園水上樂園 更衣室 在 果籽 Youtube 的最佳貼文
【專題籽:港情講趣】
至於兩位樂園保安都由水上樂園做起,鄧月明曾做過更衣室兼職。眼前開朗的她,以前原來好害羞,「做水上樂園時不懂與客人溝通,經常藉機躲在更衣室。」後來海洋公園請人,加上不喜歡穿裙工作,在同事鼓勵下,決定試做保安員。張志鴻則由救生員做起,因以往冬天時水上樂園關閉,救生員會調往做保安三個月,「第一年很不習慣,因做保安時天氣寒冷,後來習慣了,覺得挺好玩又輕鬆點,就轉了行。」直至水上樂園關閉,他們到海洋公園繼續保安生涯。
《果籽》 栽種品味,一籽了然。
https://hk.appledaily.com/realtime/lifestyle/
海洋公園水上樂園 更衣室 在 TourisMan.hk - 探索自然激浪無限海洋公園水上樂園標誌設施 ... 的推薦與評價
多番延期的香港海洋公園水上樂園預計於2021年第3季開幕,公園率先披露樂園設施、標誌及品牌。 ... ii) 其實最大嘅防疫爆炸位係更衣室 沖身嘅口鼻眼水然後… ... <看更多>
海洋公園水上樂園 更衣室 在 海洋公園更衣室男女不分?艾力寶雲案法庭文件曝光!2021.10.23 的推薦與評價
〈海洋公園更衣室男女不分?艾力寶雲案法庭文件曝光!2021.10.23〉. 777 views777 views. Oct 23, 2021. 126. Dislike. Share. Save. ... <看更多>