關於 淪落人多撚謝 ，我們在網路上蒐集到這些相關的討論、資訊與評價

【#狂迷投稿】〈#死因無可疑〉 文：Andy Mak
—「卡士勁氣氛正彌補劇情不足( 長文慎入！)」
⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄⁄
1. 恐怖懸疑嘅氣氛
一直唔介意劇透嘅我，少有未睇故事大綱就入場！睇過網友嘅影評，話氣氛拍得好好！不能同意更多！！

的確初初以為係恐怖片嚟，係講陳家樂嘅陰暗面，點知原來係懸疑推理，成套戲個氣氛好到即使觀眾明知沈子玲先係真正黑手，都好緊張咁追落去；

昆蟲，特別係嗰對幽靈螳螂，喺戲入面引起好大嘅化學作用！！同《犯罪現場》幻覺嗰堆蟻有異曲同工之妙！
.
2. 話秋生係全香港最好戲嘅影帝，無誤！！

繼《淪落人》嘅傷健人仕之後貼地嘅角色，朱重德嘅角色對白同戲份都唔多，但秋生每每出場都有壓場感！！

由開場嘅『家富... 你做咩呀？！』 到中段嘅『多謝你救我一命』；仲有俾沈子玲自殘雙手，同Ending天橋飲水嗰場！

有網友話戲份少得濟晒咗秋生，但我反而覺得好嘅演員，好嘅角色都唔在乎戲份嘅多少，就等如大家都讚劉華喺《門徒》配角嘅演出比主角精彩一樣！！
.
未睇《暗色天堂》，對林嘉欣嘅印象停留喺《掃毒2天地對決》嘅演出，今次沈子玲嘅演繹同造型都加晒分

又如果最尾呃保險嗰幕，子玲喺床邊喊完一輪再即刻變臉問永信『有冇帶埋表格嚟』會唔會更好呢？

陳家樂喺戲入面最多近鏡大頭，chok聲對客，同滿懷心事嘅永信都演得好，就唯獨"暴走"嗰幕over咗，不過男演員外型討好從來都係好著數，而且演技係須要時間去磨練嘅！！
.
至於其他演員：
湯怡做好咗自己本份；Ben sir有驚喜；火火同細蘇演活今時今日嘅『忠誠勇毅』；馮素波、周家怡同智叔都令成套戲嘅卡士更加錦上添花！！

個人略嫌歐錦棠嘅蔣雷戲份比較少，如果Ending嗰場，唔刻意交代生與死嘅係惠儀，換上蔣雷同永信一同對付沈子玲，咁惠儀嘅生死未卜就會更有理由去說服觀眾，點解永信會"暴走"！！
.
最後要一讚劇組嘅細心，就例如:

永信用舊埃瘋所以"一個電話就冇電"；貓痴惠儀連鎖匙扣都用冇嘴貓；街童嗰架街車正正係筆者我細個好恨要嘅"BMX大包圍"；仲有炭燒甘清石隻金牙同上水間屋！！
.
成日都話：港產片唔一定只有飛車特技同大爆破，其實文戲一樣可以做煞科戲嘅，《死因無可疑》優勝在燈光，色調同鏡頭都花咗功夫營造到驚慄氣氛，最緊張首推智叔嗰場！！

另外好多評論都話林嘉欣出年金像影后坐定粒六，我同意但個人更加希望嚟緊佢會有更加多強勁對手，咁先顯得港產片可以百花齊放嘛！
.
P.S. 相信以下嘅心聲可以代表到部份香港嘅影迷：
『 我哋真係好撚鍾意香港... 同埋香港電影㗎！ 』
#香港人加油
#港產片加油
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 討論電影由你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
.
歐錦棠 Stephen Au 死因無可疑 英皇電影Emperor Motion Pictures

//支持本Page請Click入內文比Clap，已為Medium收費會員請直接Click入內文閱讀，謝謝！//

有關黃子華《乜代宗師》因為番大陸拍片，被網民呼籲罷睇問題，其實中港關係咁密切，我地好難要求所有人都完全同大陸切割關係。黃子華套戲原先係由英皇投資，後來因為某種原因（黃子華聲稱係想自己鍾意拍乜就拍乜）轉成獨資電影，咁好理所當然電影預算就變成最重要考慮，番大陸拍戲控制成本亦係無可厚非。

至於有關黃子華響抗爭之後一直保持中立嘅問題，我就覺得兩睇：有人話黃子華好耐以前一直反共，甚至最後一次棟篤笑都留低唔少政治暗語，但如果你問我，我就當然係Feel倒呢幾年因為佢要避免大陸封殺，經已響敢言層面全面退卻，所謂「政治暗語」，其實係隱晦到無寧兩可，最多只係暗抽一兩句水嘅層面；同埋以前撐民主唔代表而家一定撐，你話佢係黃我唔反對，但講到佢去到而家都仲係香港民主敢言象徵就未免太過。

另一方面，黃子華響呢一刻唔明確表態，我地亦唔應該對佢作出任何施壓；我地成日講每個人都有保持緘默的自由，呢個係最基礎嘅民主理念，就正如我就呢場抗爭運動寫嘅第一篇文，就係解釋點解爆機達係有保持沈默的自由。即係一間唔表態嘅白店，你最多都係會將佢擺響黃店之後，而唔會等同於藍店發動罷食；而相比起唔明顯表態嘅黃子華同爆機達，成日抹黑本土勇武、不停鼓吹起大台嘅劉細良同蕭若元，先至對場抗爭造成更大破壞、更需要聲討。

但呢度我真正想講嘅，卻係一個我好苦惱嘅題目，就係我地應唔應該將黃藍概念，帶埋入文藝創作呢個範疇入面呢？尤其係《蘋果日報》最近搵咗崔允信吹雞，話要搞乜撚「黃色電影圈」，令我尤其擔心──如果你真係拍香港AV我就真係唔區，問題你唔係丫嘛，純粹就係有班二三流導演借住「黃色經濟」幾個字翻身。

由《十年》開始，我經已好討厭有班導演借「本土」、「民主」議題炒作，結果拍堆渣戲出黎都有一班傻西撲出黎不成比例地吹捧。當然我唔係話套套本土作品都垃圾，例如《淪落人》、《地厚天高》都算係當中佳作，但《十年》最多只係去到業餘電影水平，無論演員演技定係場景結果都仲係好Raw需要大執，竟然因為表達個政治立場同大家接近所以攞倒金像獎最佳電影？《逆流大叔》其實故事佈局好多地方都拍得好粗，甚至夾硬攝埋好多本土元素作為Gimmick，結果咁粗嘅作品又比人吹捧到上天？

即係老實講我自己都仲係處於一個好矛盾嘅心境：因為一方面我係認為黃店煮得差我地都應該比多啲同情同鼓勵；另一方面藍店就算煮得幾好食幾平幾抵都好，出於開果間舖頭嘅老闆、廚師、侍應係藍屍，我地就死都唔會去食。但當去到電影市場，係咪就唔可以容忍啲「黃色電影」質素差少少？如果「藍色電影」拍得好睇，你係咪又會入場睇？

只能夠講，去到呢一刻，我仍然認為電影同飲食係有分別嘅。同一水準嘅黃藍廚師煮出黎嘅嘢理論上應該差唔多好食，但藍屍導演拍出黎嘅戲我卻幾乎可以肯定好睇極有限──因為我堅信，響一個創作自由被打壓、限制，時刻需要顧及獨裁政府主旋律嘅作品，係無可能響藝術同內涵上獲得崇高成就，最多就只係去到《流浪地球》，拍倒有多少新鮮感而已。

我認為，電影加入一啲支持抗爭、或者同情抗爭者嘅元素，只係幫一套出色嘅作品錦上添花（例如《天氣之子》、《返校》）、或者令到一套普普通通嘅電影多番一個半個亮點（例如《小丑》）而已；而唔應該本末倒置，因為套戲掛住「黃色電影」頭牌，就將爛片都吹捧成為「最佳電影」，又或者比班二三流導演拍堆唔合格嘅作品出黎然後用「黃色電影」促銷。

所以我之所以唔睇《葉問》同垃圾賀歲片，只會係因為佢地拍得太撚尻；而當有香港人入場睇王晶，我並唔會怪責佢地唔遵守黃色經濟圈，而只會為佢地毫無品味感到悲哀。掉番轉，黃子華套戲無論係響深圳定係香港拍、入面有無啲咩政治抗爭隱喻，都唔會影響倒我嘅入場意願──我唔入場睇《乜代宗師》嘅唯一原因，只會係因為套戲拍得太尻。（而家尻唔尻仲未知，但上一套《棟篤特工》就一撚定係垃圾）

關於這趟旅程，想說聲，多撚謝！
謝謝你們💛
淪落人 Still Human
Golden Scene Co. Ltd. - Film