Search
見到米🐷蓮笑曬口咁食漢堡飽個樣，就令我唸返起細個放假時候爸爸會帶我去麥當勞！
細個因工作關係好難得會同我哋去食漢堡飽，嗰時間麥當勞好正㗎！因為中間有架火車俾你坐，而且仲有嗰棵蘋果批樹。當時因為開心樂園餐有玩具嘅關係，爸爸最愛買漢堡飽俾我，而且仲會幫我拎起片酸瓜，因為細個嘅時候我好怕食酸嘢！
到現在米🐷蓮嘅公公亦會搭好遠車嚟我哋住嘅地方，專登帶她去食漢堡飽，當然梗係開心樂園餐啦，因為有玩具可以拎，所以米🐷蓮就笑曬口啦，但估唔到米🐷蓮又鍾意食嗰片酸瓜啊！
#深刻的漢堡店回憶 #McDonaldsHK
#開心樂園餐 #漢堡包 #薯條脆卜卜 #快樂兒童 #iambabyfoodblogger #foodblog #blogger #foodies #hkfood #mommylife #momblog #foodblogger #foodie #hkbaby #hkfoodie
#分享就是力量
感恩所有❤
星期日一家人去食早餐，見到餐廳的一角有小朋友開緊生日會，望下坐對面嘅新手爸同2腳黃豆，忽然好感觸...
新手媽係一個典型屋村長大嘅80後，屋企無咩錢，唔好講開生日會，連平時去買個開心樂園餐食都好少，通常只有因爲我考試成績好或者大時大節先會去食，所以每一次新手媽都好珍惜。而家諗返起，仍然覺得個包薯條同漢堡包特別好味🍟🍔
到大個啲讀中學，開始有零用錢，食晏都會同同學仔一齊，每次都分好工邊個霸位邊個叫餐邊個捧返黎，呢啲一班同學仔柴娃娃嘅回憶，真係好開心👯👯♂
考公開試時已經同新手爸拍緊拖，自修室唔係成日有位，兩條友就買一個餐兩份食，包薯條同漢堡包係咩味道我地都無考究，為嘅只係霸住張枱成個下晝溫書。過程雖然係苦，但而家諗返起，都係一段特別嘅經歷😌😌
畢業出黎做嘢，新手爸同新手媽死慳死抵儲左一筆錢做首期，糊里糊塗咁開始做樓奴。有時因為太忙，有時為左慳錢，我地就會去叫個餐食，每次都匆匆忙忙。直至幾年前，新手爸同新手媽終於圓左小時候心願，係餐廳開生日會，新手爸好驚喜地向新手媽求婚，結果當然係新手媽lur住薯條咁應承，呢一次，我地滿載甜蜜嘅回憶💍💍
幾年後嘅今日，新手爸媽踏入新階段，我地帶住黃豆黎返同一間餐廳食嘢，感受特別深。而家嘅新手爸媽有經濟能力，要叫開心樂園餐、幫黃豆開生日會、俾間房黃豆溫習都可以，但呢一切都得來不易，實在好感恩。到日後黃豆大個啲，新手媽都會將自己嘅經歷同佢分享，希望佢明白凡事非必然，要學懂珍惜❤❤
#深刻的漢堡店回憶
#McDonaldsHK
#新手媽係雙魚座
#雙魚人比較感性
#青春啊青春
#分享就是力量
