Search
【Now財經台】#港交所(0388)中期多賺0.5%，但派息微減至3.71元，績後股價跌逾1%，唔知係咪市場「唔LIKE」佢減派息….
#英皇證券研究部總監 #陳錦興 就認為，唔使驚港交所派息減，因為計番派息比率，仍維持到90%高水平，而市場現正憧憬大型企業，例如
#螞蟻集團 將來港上市，港交所會受惠到，前景未必太差….
#港交所
#業績
#派息減
#新股上市
#螞蟻集團
#專家分析
#Now財經台
===============================
- 下載《Now財經》App，睇盡財經及地產新聞 -
iOS：http://bit.ly/11bgYgy
Android：http://bit.ly/ZLf9WC
記得將我哋個page設為「搶先看」呀
［坡倫港之夢］交易所嘅嘢，股價就係盈利，盈利就係大市成交，成交就係國運
1. 明報專欄，但你知我作風就係導讀打多篇文，甚至比原文更長。本人十分長氣，例如廣告post，其他啲KOL求其打兩句，甚至照copy大會畀嘅文。本人就好均真，由頭作過一篇文的。
2. 好，自吹自擂完。講返，上星期四五，港交所（388）連跌兩日，成交都唔細。你話業績差我諗唔係，點都同李小加起身有啲關係。咁亦即係市場對佢嘅肯定：總好過你起身人人開香檳。邊位會咁？有嘅，例如微軟之前個CEO，Steve Ballmer．
3. 當然，有個講法話，唔係小加做得好，係嚟緊嗰件更仆街，亦有可能。但凡事都係講相對，諗起老夫子漫畫，講佢租屋搬走，包租婆好唔捨得佢，話下個租客一定冇佢咁好。老夫子係咁話邊會呢，包租婆話，咩唔係呀，真係一個比一個混帳呀！
4. 小加雖則係大陸佬，但講真嗰種大陸味係唔重，海歸精英喎。下一位又會點？係咪整件農村土佬畀你？大家放長雙眼。
5. 但如果只講小加做得好唔好？我覺得還不錯。上市公司啦喎，給我股價，其他免問。
6. 咁其實，佢任內，港交所股價升八成幾九成。11年嚟講真係唔係好多，但至少已經跑贏恒指—你數下有幾多間公司跑贏恒指？你自己又得唔得？
7. 如果計年度化嘅，一年5-6%回報，加埋港交所派息還不錯，整體還可以—不過正如朋友Jacky Luk話齋，人地倫敦交易所，同期升差不多10倍。
8. 但交易所呢，其實都幾被動，都幾睇「國運」。而且好多係當地獨市生意，你搵唔到間九龍交易所去同佢比。咁你同倫交所股價比當然差，但，唔好只同勁人比嘛，望下廢人。廢人在邊？坡國是也。聽講有民主。坡交所，同期股價，係得個桔嘅。喂，班蘭蛋糕都貴咗N倍啦。
9. 又不過，正所謂即使我們錯，不比他們多。要贏人先要贏自己。如果同上手比呢？就差得遠了。上手年代（我由02計起，因為再之前倫交所未上市），港交所升10倍。但倫交所嗰個年代，反而只係升得七成。所以，我估係「國運」多過個CEO（咁，又話時話，係咪值咁高人工呢）
10. 然後再睇，以上呢啲股價表現，大約就當佢地各自年代各自公司嘅純利表現相符的。呀畢菲特話齋，短期係投票機，長期係磅重嘛。路遙知馬力（死埋），日久見楊森（未死），是真的。
11. 而再進一步講，交易所利潤，基本上都係睇大市成交。換言之，股價就係利潤，利潤就係成交，所以股價就係成交（＊）。咁做乜之前香港成交升得咁快，而家就慢，倫敦就此消彼長？
12. 都係，「國運」。李小加年代之前，2002-2010，食到正中國大國企嚟香港上市嗰浸。一大堆而家最活躍成交嘅股票都係當時嚟香港上市，幫港交所日日貢獻幾十億成交（每隻喎！），係咁印錢。但到小加上台後，已經冇呢支歌仔唱，要上嘅大公司都上晒。所以要搵外國公司，呢方面就鬥唔贏倫敦了，時也命也。
13. 而小加任內，至少搞成咗兩件好事（我指對港交所股東好，公唔公義你自己諗）。第一就係萬惡嘅滬港通，第二就係更加萬惡，本人反對嘅，同股不同權。冇咗大型國企上市潮，點炒旺個成交？就係呢兩樣嘢。你睇而家阿里巴巴一日幾多成交？
14. 所以呢篇文絶對唔係幫小加或港交所講嘢，但我覺得小加嘅功過，七三甚至八二開啦。比較核突當然係舊年高調向倫交所示愛仲被拒，成件事十分土豪又核突。
15. 佢繼任人？就仲難搞了。同股不同權最大嘅阿里巴巴已返嚟，嚟緊聽講會有京東網易百度之類美國上市二次回歸。但，點再谷成交？搶國際公司，似乎真係唔夠倫敦同紐約搶。咁你又冇大型國企又冇大型民企（大得過阿里巴巴？）上嘅，點搞？
16. 另外留意，其實香港嘅大市成交，相對於個市值，係偏低嘅。Jargon講即係個velocity低。原因好多，但肯定唔係香港人唔夠爛賭，都話師奶都識講引伸波幅識講縮Vol，輪證牛熊反向槓杆ETF都唔少成交。真正問題，係好多你見到嘅市值，其實係唔流動嘅。所以大陸亦一路推呢個H股全流通嘅東西，但進度似乎十分慢下。
17. 睇晒呢度千幾字都未夠皮嘅，可以睇明報原文（https://bit.ly/3coA1fw）。或者下面都會有晒全文。其實睇我點樣用唔同嘅方法寫同一個課題，口語同書面語嘅分別
18. （＊）呢個邏輯嚴格有啲問題，因為個「就係」唔係數學上嘅等於，係「大約反映」。咁你「大約」得十次八次，就好似以訛傳訛咁，係呀每次都同上一次差不多，最後就完全不同了。
李聲揚：李小加十年功過七三開
【明報專訊】上星期五表現最差藍籌是港交所（0388），可能是和CEO李小加明年約滿後離職有關。一般情况下，CEO離職股價即跌，是對CEO能力的肯定，至少市場不是開香檳慶祝送瘟神。
怎樣評價李小加？作為上市公司，最重要的，還是股價。同文陸振球兄在facebook指出李小加任內，股價大幅跑輸對手倫敦交易所（倫交所）。小弟搜集了資料，再加上另一對手新加坡交易所（新交所），補充一下。
附表中2002至2009年的8年（選擇2002年而非2000年是因為倫交所2001年才上市），小弟稱為BC，即Before Charles，李小加是2010年頭上任；2010至2019年的10年，就當然是AC，After Charles了。
正如陸兄所言，AC年代10年，港交所股價升了81%，至少跑贏了恒指的29%升幅；年均回報約是6%，計及不錯的派息，表現中規中矩，直到你和同期升了10倍的倫交所相比。不過，若要找人墊底，新交所股價更不堪，10年股價原地踏步。考不到第一，也不要包尾。
過去十年倫交所股價大幅跑贏港交所
當然，各有前因莫羨人，要贏人先要贏自己。若將港交所AC年代股價，和BC年代相比，又如何？結果就有點難看了，BC年代，港交所股價升了近12倍，遠勝對手（新交所升了7倍，倫交所只升71%），也遠比AC年代好。明顯見到，BC年代是港交所和新交所黃金時期，股價表現遠勝倫交所；但到AC年代，風水輪流轉，倫交所表現大幅跑贏。
原因為何？正是因為盈利。BC年代，港交所盈利升了7倍，股價升12倍。AC年代呢？港交所純利升86%，股價升81%，可見長期來說，股價不騙人。倫交所呢？剛好相反，BC年代純利增長慢，AC年代純利增長較快，股價表現也是如此。至於新交所，BC年代純利增長不及港交所，AC年代更是三家之中包尾，股價表現也是一樣。
進一步要問的是，為何BC年代港交所盈利強勁，AC年代則無以為繼，而倫交所則此消彼長？小弟認為並非李小加問題，而是歷史因素。
交易所生意，主要是看大市成交。BC年代，港交所剛好食正國企來港上市風潮，這些巨無霸企業帶旺了成交。到AC年代，未上市的大型國企已不多，港交所唯有打國際牌，吸引其他地方企業，但成績未如理想。反而是倫敦食四方飯多年，BC年代倫交所未能受惠於中資上市潮，但到AC年代招攬國際公司，就搶贏港交所了。
股價來自利潤，交易所利潤則來自成交額。以此來看，李小加任內功過，應算是七三甚至八二之比。股價是跑輸倫交所，但至少跑贏恒指和新交所；而AC年代缺乏大型國企上市，打國際牌又鬥不過倫交所，先天不足之下，如何增加大市成交？促成滬港通及引進同股不同權公司，但在收購方面，成效則值得商榷。收購倫敦金屬交易所（LME）貢獻盈利不大，而去年高調向倫交所示愛，最後收購失敗，更有點「肉酸」。
下一個10年 港交所面對更大挑戰
李小加帶領港交所10年，以非家族生意來說，算是頗長時間了。繼任人面對兩座大山：第一，香港股市的成交額，明顯低於相若市值的其他市場。沒有巨型新股上市，如何進一步提升成交額？第二，如何吸引更多外國公司在港上市？下一個10年，恐怕是更有挑戰性。
（筆者為證監會持牌人士，沒持有上述股份）
-
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
足本版睇：https://video.hket.com/video/2970139/
港交所（00388）股價由今年初紀錄高位累跌兩成，近日似有異動，到底港交所股價有否動力上衝500元？
#港股 #股票分析 #港交所 #港交所業績 #港交所業務前景 #港交所派息 #香港經濟日報 #ET開市直擊 #盧嘉偉
【立即觀看hket TV 足本影片】https://bit.ly/30TtRQx
【立即下載《香港經濟日報》App】http://onelink.to/hketapp2021
---------------------------------------------------
以港交所（00388）為例，業績公告指去年每股盈利為6.7元，每股末期股息派2.87元，全年合共派息5.95元，派息比率近90%，以現時股價185.6元計，股息率 ... ... <看更多>
港交所派息 在 [標的] 港股定存收息股？ - 看板Stock - 批踢踢實業坊 的推薦與評價
剛賣掉一隻港股，有一筆港幣
想趁下跌買進港股收息股
研究了三隻想請益
1. 標的：
0001長和實業
0659 新創建
0939 建設銀行
2. 分類：請益
3. 分析/正文：
#長和實業，李嘉誠公司，應該沒問題吧。多角化經營，投資一堆英國基礎建設，不知英
國脫歐會如何。股價爆發力較弱，收息5%
#新創建，多角化經營，主業似乎是中國高速路收過路費，私人飛機租貸，香港保險業，
與經營香港國際會議中心。似乎業務沒亮點，不知是否有地雷，但股息7~8%
# 建設銀行，中國第二大銀行，或許沒問題，但怕中國壞帳多。紅籌股配息要多課10%稅
，股息大約5%
4. 進退場機制：此波下跌買進，收息不停損
--
※ 發信站: 批踢踢實業坊(ptt.cc), 來自: 223.137.124.108 (臺灣)
※ 文章網址: https://www.ptt.cc/bbs/Stock/M.1611921941.A.E21.html
... <看更多>