關於 港人話電視睇唔到 ，我們在網路上蒐集到這些相關的討論、資訊與評價

【 有片睇！／七師傅真人發聲 】
_
正所謂人走茶涼，節目播完？當然唔會有人再講。過去兩個星期，ViuTV擁躉和「鏡粉」熱烈談論的是《幫緊你應援團》，但還記得之前熱播的《七救星》嗎？還記得「家家有本難唸的經」與「七連閃電鞭」嗎？唔記得，係正常嘅，（但見到三位主持一齊合體拍 Deliveroo 廣告呀！ https://bit.ly/3EBrtAx） 何解又要在此時此刻發布這段〈七師傅真人發聲〉短片呢？事緣早前為了撰寫《七救星》的收視三連霸報道（https://bit.ly/3tuIgQE） ，經「小立子」陳安立幫忙下，收到「七師傅」七仙羽的WhatsApp短訊回應，按照慣常做法當然是師傅講乜我打乜，豈料讀者群情洶湧，紛紛留言，有的說：「我發現我一路睇7cfu段回應，一路個腦會自動配咗7cfu講嘢聲？」亦有人話：「睇到去師傅段訪問自然轉咗Tone！」甚至有人讚我好嘢：「七師傅講嘢唔算好正，仲要將佢說話變成文字，少啲理解力都唔得！」有咁誇張咩？
_
必須強調，七師傅雖有口音，但絕對不會聽不懂，而且聽完相當開心，於是睇字已如此高興，睇片不是更合皮嗎？遂諮詢剪片師的意見：「你覺得好唔好將短訊回應變成短片，等讀者睇得開心啲？」對方秒回：「梗係好！」於是經過一番努力，將錄音短訊剪輯成一分鐘內的短片，讓大家能夠聽到師傅真人發聲。新時代下，經營媒體實在不能只靠文字，所以未來日子，像這種短小精悍的訪問短片會陸續推出，請大家繼續支持，師傅愛你！
_
剪接： instagram.com/woodeastung
_
緊貼「游大東影視筆記」最新資訊：
▇ facebook專頁： 游大東【鴻鵠志－影視筆記】
▇ instagram： instagram.com/yautaitung
▇ MeWe專頁： mewe.com/p/yautaitung
▇ Telegram：https://t.me/yautaitung
▇ Medium：https://yautaitung.medium.com
_
（21092021）
_
#游大東影視筆記 #游大東 #七救星 #七師傅 #ViuTV #陳安立 #王頌茵 #力圖打排球 #師傅愛你 #中秋節快樂 Brian 陳安立 Kathy仔 七仙羽 ViuTV 做乜膠睇電視 我睇咗啲乜嘢 港人講電視 快樂的 浪遊旅人 潘小濤 Pazu 薯伯伯

夜晚，岳母大人話不如玩棋啦？咁於是我就第一次玩鬼佬版嘅飛行棋。

一見到盤棋，我個腦已經諗起Gigi把聲：「掟牌反枱，右手拎摺櫈、左手拎煙灰缸，may埋眼咪落去」

然後岳母大人細細聲同我講：「唔緊要，我幫你呀下～」

喂大佬，完全係「奶奶呀，我要乜你打乜叫鬆，我打乜你打乜叫誅呀！」嘅節奏黎架wo…

咁好啦，一開波嘅時候，大家都好客氣嘅… 直到我岳母大人踢左我一隻棋返大陸嘅時候….

「奶奶呀～～～」我心裡無限吶喊….

然後？然後闇黑人格就出現了—— 我們來一場黑暗遊戲吧！（遊戲王亂入）

接下來，我將岳母大人連同一路在對家偷笑嘅老公，全部送返晒大陸… 老子我代表港隊參加省港澳飛行棋大賽，去上海灘激戰法國賭神嗰陣，你地仲食緊豬手ja… 🤡🤡🤡

就係咁… 我贏左第一局，岳母大人排第二，我老公敬陪末座。

然後岳母大人話再來一局，今次大家要「認真啲」，甚至講到明同我老公聯手對付我，結果…

都係俾我踢晒返大陸，名次都係一樣🤡🤡🤡

#佢終於都發現我絕不是省油的燈
#我老公事後同佢講返
#佢同我玩足十年都未贏過我
#由井字過三關到包剪揼
#全部慘敗
#婆媳關係的完全錯誤示範
#落場無父子嘛
#我都好有禮貌地踢岳母大人返大陸嘅
#懷著敬畏之心大大一腳
#岳父大人睇電視唔參戰

首先好多謝香港01，我唔喺香港都咁留意我喺其他平台嘅消息。
我朋友好有心，cap晒所有圖俾我睇（哈哈哈哈哈）令我即刻回憶返十幾年前被網暴⋯啊～唔係！係被「寵幸」嘅時期。估唔到網民嘅留言依然維持翻喺十幾年前嘅水準，掂呀！簡直勾起晒我嘅「童年回憶」。

不過點都好，都要交代返嘅～ 咁大個標題，唔知內情就咁睇，好容易得罪人，又俾人話我做新聞，冇嘢搵嘢嚟講。（老實講，我唔想有呢種新聞，「大談娛樂圈潛規則」—— 這個題係嘩眾取寵）

首頁第一幅圖，就係我啲段片嘅文案，我係針對我朋友同我講嘅一番說話作出相關嘅回應（寫到明）。如果唔清楚又想鬧又想串我但又有啲良心想搞清楚發生咩事先至鬧嘅網民，其實可以去我小紅書，睇晒成段視頻先開始噴嘅～

潛規則到處都有，真係唔單單淨係娛樂圈，唔係一定要潛先至會紅，但我朋友對呢個point好執着，我先至會同佢解釋，講真我都冇諗過會俾香港媒體報道出嚟。至於嗰啲唔清唔楚就喺到鬧嘅網民，我真係好佩服你哋，所以cap低埋你哋嘅留言，同大家一齊欣賞下。嗰日個妝係⋯係化得勁咗少少，因為要做嘢嘛！如果你哋好想睇我究竟係咪整容整到換咗個頭，快啲去睇吓胡清藍嘅抖音啦，視頻全高清鏡頭，原相機影㗎！仲可以睇吓《熟女強人》，喺電視機面前整咗乜都無所遁形啦！當然睇我啲MV都可以睇到嘅～ 雖然話好多網友講嘢不嬲都mean，覺得唔使負法律責任吖嘛，但係其實真係⋯心理素質問題。一念之差，正面嘅嘢睇成負面，我條片講嘅內容係空性嘅，唔同嘅人有唔同解讀，正常！
呢一篇Instagram我覺得書面語唔夠傳神，所以一定要用翻我哋最熟悉嘅方式去表達！

*多謝Elim Wong
熟女強人套戲OK 㗎～
*多謝Elise Chan
你提出嘅呢個標題好好
雖然我都有好奇心
但我又真係未試過呢種不顧一切
所以真係答你唔到～

仲有啲留言我覺得出唔到街
所以我就唔cap啦

最後嘅最後
放返張工作花絮照
少說話多做事係應該嘅
如果我喺香港嘅平台
就一定唔會講呢番說話喇
因為實有人會扭曲
而且我真係冇諗過會有香港記者睇吖嘛
如果知道大家有睇
我真係連呢個可以攝嘅位都唔會俾大家（唔好意思真係唔係針對記者）
好啦 我解釋完啦
我心情幾好
所以唔需要寫我嬲爆回應
用書面語可能會顯得心情平和啲嘅
你知啦我講廣東話冇尾音㗎
係掘咗少少
但係咁同你哋講嘢
先至可以夠傳神
真係好有親切感 嘅啫～

#口業 #膠面 #膠面 #軟飯 #botox #娱乐01 #即時娛樂
駙馬3條KING
Hello大家好, 我係阿Tsar, 今日又爆獨家消息畀大家聽下
我阿Tsar出嚟行走漿糊, 又點只識得一個娛樂圈嘅朋友呀
今日要講呢三位主人翁，唔係全部負評嚟嘅，

頭嗰兩位駙馬值得讚，最後嗰位係最近熱門新聞人物,

就係最近畀人話佢膠面、醜男 、食軟飯嗰位 。

因為我有朋友喺佢上年嘅豪宅註冊在場其中一位賓客

為咗保護證人 ，我當然唔會話畀你哋聽佢係咩身份呀

首先講第一位先啦，好早期喺”嫁”咗畀個有錢女

我用個”嫁”字, 大家都明，唔需要再詳細解釋

雖然呢位男藝員一路畀人話佢食軟飯，但係佢從來都冇回應過

更加唔會好似我將要講嘅第三位男藝員咁, hashtag口業 去鬧人

第一位男藝員, 從來冇必要向外人去澄清自己對太太嘅愛

呢啲人就係聰明 ，而且 有修養 ，時間就可以證明一切啦 ，

使乜同你解釋”膠面”就係因為用咗半日時間去做gym啫

而且第一條King個太太貴為一位大家族後人, 為人一向都低調

佢太太從來都對傳媒講係個女仔追個男仔嘅 ，

我自己都好喜歡呢一位男藝員 ，因為佢做戲好好睇好好笑

而且佢太太同一位空姐係閨蜜嚟㗎，嗰位男藝員仲同呢位空姐嘅老公夾份做生意

合資開設食肆， 生意都做得唔錯㗎 ，佢靠自己都搵到兩餐

而且佢太太同佢從來都冇炫富，喺佢哋嘅朋友圈子之中

呢對夫婦咁多年嚟都係模範夫妻，呢位男藝員亦都從來未喺娛樂圈傳歌任何嘅緋聞

雖然佢未遇到呢位女之前，曾經有過一段婚姻

但係我覺得呢啲好正常啫，合則來不合則去

而且亦都唔係咩偷食，咁所以我覺得呢位男藝員呀係值得備受尊重

第二位男藝員被譽為「5億駙馬」， 我傳媒嘅朋友亦都對佢讚不絕口

曾經有記者問過佢，有關人哋稱呼佢食完飯有啲咩回應 ，佢答得好大方得體

：「我就算照顧老婆綽綽有餘，都唔會將我跟外父外母的身家比較，

我希望努力追趕，有一天能有錢過他們啦！」

我傳媒嘅朋友亦都話佢任何人都好好禮貌好客氣，而且為人好低調，佢外父曾經建議叫佢住間豪宅，但係呢位男藝員好有骨氣，同太太繼續住喺佢平時著開嗰間村屋，結婚之後，都係同老婆去排隊食啲平民嘅壽司餐廳，咁其實我又覺得 ，如果大部分女人都希望搵個有依靠嘅男人 ，咁如果一個男人真係愛上一個有錢女都唔係罪。

來到戲肉喇，我講第三位駙馬畀大家聽下, 當晚佢哋喺豪宅嘅私人會所註冊結婚嘅時候，我朋友在場，見到來賓好多都係送上橙色一盒盒嘅名貴手袋，大家都知道係咩牌子啦, 諗都諗到唔係送入門版咁低手啦, 即使送一個幾十萬嘅賀禮，喺上流社會嘅社交禮尚往來，幾十萬嘅賀禮好閒㗎咋，點解呢？平時同你傾生意，如果有利益輸送，分分鐘畀人話貪污，但係趁住呢啲大喜日子，大手筆小小，其實係我哋啲普通市民覺得係大手筆啫，上流社會如果關係搞好啲，下次傾起生意上嚟，分分鐘賺到過千萬甚至幾嗰億都有。

又講返當晚嘅事件啦，新娘子喺宣誓嘅時候，喊到豬頭咁，好感動，男嗰個就冇乜嘢呀，係人都睇得出個女仔好鍾意個男仔 。其實嗰晚都 冇乜嘢特別呀，好似一般有錢人搞event咁啫。

不過我對於呢位膠面男最近喺ig嘅回應，有少少意見畀佢，佢點樣回應呢件事呢？上半段講佢點樣”努力工作賺錢去照顧我老婆”, 其實唔係同我哋公眾講嘅，上半段嘅說話係同佢老婆㗎老豆講嘅，話畀佢聽會好好照顧佢個女，老人家睇到呢啲未放心將個女交畀你囉， 遲下都會將副身家畀埋你啦, 其實你嘅回應去到呢度已經夠 。已經好大方得體 ，但係呢條粉腸 ，下半段就係鬧啲網友嘅 ，鬧啲網友繼續話佢靠乜乜乜啦, 跟住佢就hashtag口業，下面嗰段真係非常之小家啦，over咗呀, 霞姨, 畀多個飯盒佢啦，人哋咁落力。

通常一般最top嗰啲明星, 畀人寫任何嘅負評, 都唔會回應㗎，你睇下王菲、週潤發、梁朝偉、劉德華呢啲最top嘅明星，咁多年嚟畀人寫過嘅負評，全部都唔會回應，係因為你上到咁上下神位，一定有人鍾意撩事鬥非, 睇下你點樣回應，就知道你嘅人品同埋心性，甚至你嘅智商, 所以呢啲咁top嘅明星, 身邊都有一啲好出色嘅經理人教佢哋唔好回應, 亦都可以咁講，都係因為佢哋地位非凡，覺得唔需要理會其他人點樣去批評佢，即係好似有啲人笑李嘉誠帶住隻精工錶，李嘉誠都唔會回應你班傻仔啦，佢自己本身就已經係名牌啦。

過往我嘅工作見到無數嘅有錢人 、同埋有能力嘅人 ，通常都冇好低調 ，你睇下金庸筆下所有嘅英雄大俠 ，出嚟行走江湖 ，通常都唔會隨便拔劍 ，冇必要嘅時候都唔會話畀人聽自己武藝高強 ，如果你話突然之間有啲無名鼠輩走去向呢啲武林高手挑機，通常啲武林高手, 彩佢都費事喇，個個都應酬咩。

By the way , 乜電視台真係咁好搵㗎咩 , 又陀飛輪, 又豪宅,我倒返轉頭要請教下你喎 。咁梗係唔係靠電視台嗰份人工啦 ，藝員搵真錢不外乎係要登台 、剪綵 、做代言人 、拍廣告 ，拍電影、去內地拍劇 ，咁樣先至真係搵到大錢㗎 ，你見阿bosco 同埋阿唱k撈得幾掂?人哋點樣寫佢哋溝女，佢哋都冇惡言相向，學下嘢啦,後生仔 。畀心機做嘢,下年做視帝都有你份呀, 不過就算你攞獎有咩表情，。即使我識得fbi閱讀人哋嘅微表情，我都睇唔到你嘅內心世界，d 透明質酸 落得重手呀，Over曬啦 。下次輕手啲啦 , 唔該 。放多啲心機練好個body啦 ，男人有皺紋 越man㗎, 你睇下三哥 幾有型 ，如果有一日我經過海底隧道 ，抬頭見到你嗰個廣告 ，咁你就成功啦 ，阿愷威 都係咁樣之後冇耐就返咗大陸拍劇, 之後成個樣都唔同曬, 佢都係從來對任何負評冇作出任何評，呢啲咪有條件做最top嗰集星囉。

你咁樣回應d負評，仲要hashtag人地口業，咁咬牙切齒去回應，咁樣證明你去做最top嘅明星仲有一大段嘅距離。學下嘢啦。





?合作邀約請洽
gold7778@gmail.com
https://www.instagram.com/gold7778t/

成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

「叱咤頒獎有咩咁好睇？」唔知幾時開始，當有人話要睇叱咤嘅頒獎典禮個陣，身邊有啲朋友都會用呢個問題嚟撻返你轉頭。我諗由無咗4台聯頒開始，香港人都逐漸少咗睇香港樂壇嘅頒獎典禮，我自己都唔例外。由細細個睇啲歌手上台講感言睇到跟住一齊喊，睇Eason同古巨基爭男歌手金獎到2010年因為版稅風波以致四台聯頒開始無咗之後，我會覺得呢十年嘅香港樂壇喺網路普及嘅情況下係經歷改朝換代嘅變化。

喺呢條片，我想以一個觀眾身分分享一下2020叱咤樂壇頒獎典禮有咩咁好睇。

叱咤嘅頒獎典禮我由識聽歌開始已經有追，由03年嘅古巨基回歸樂壇感動講出「我最鐘意唱歌」，到陳奕迅攞過十次男歌手金獎同埋連續9年攞我最喜愛男歌手。我每次睇頒獎禮都好想睇到自己鐘意嘅歌手唱live，睇得好感動又肉緊。但大概去到一個位因為版稅問題有啲歌手唔可以4個台嘅頒獎典禮都出席到甚至攞到獎嘅時候，我就開始少睇咗。直到今年2020年尾，我返到嚟香港，緊貼住我聽嘅係一堆廣東歌，係唔單止一個歌手嘅歌，有林家謙、JER 柳應廷、Jace Chan陳凱詠、等等唔同歌手嘅歌，我突然覺得香港樂壇好似比起以前多咗好多好嘅歌同歌手。

再睇埋2020叱咤樂壇流行榜頒獎典禮，我就發現2020嘅樂壇比起以前真係多返好多色彩。

第一大重點我覺得係因為2年前嘅全民造星造就返香港人嘅偶像出嚟。呢個電視節目唔單止令人與人之間多咗連繫同話題，仲令到一班香港人鐘意返本地嘅嘢。喺樂壇歷史嘅男團入面，除咗Boyz好少少有好多一出嚟都比人狠批，就算自己鐘意男團與否，MIRROR確實成功打入香港樂壇，坐擁一班fans。其實姜濤嘅歌同埋人都攞獎相信大家都唔會意外，因為第一個意想不到攞呢個獎嘅歌手早在2015年已經出現，吳業坤攞我最喜愛男歌手已經係樂壇因為網絡而開始改朝換代嘅分水嶺。當年我仲好記得SNS開始普及，而坤哥係少有用SNS都用得多嘅歌手，因為呢個獎年年都係投票選出嘅所以森美喺15年頒獎嘅時候都講過一段經典嘅說話：

所以15年同16年坤哥連續攞呢個獎除咗係「民意」，仲係話比其他歌手同佢哋嘅fans知道個世界已經唔同咗玩法，跟唔上就好快被時代淘汰。而呢個亦都係我認為嘅第二大重點嚟㗎。喺網絡時代當道嘅世界，全民造星誕生出嚟嘅人贏到人氣贏到口碑，所以姜濤攞獎只係再一次話比大家知時代已經唔同咗。而森美喺頒獎嘅時候都講出一啲類似嘅說話。再者，我認為當晚姜濤嘅歌藝已經好過某部分出道以久嘅歌手。

第三我會覺得係香港今年嘅樂壇多咗唔少高quality嘅歌曲比大家揀，再加上我哋喺網絡都會搵一啲啱自己嘅歌嚟聽，變相就算係一啲非主流嘅音樂都比以前剩係大眾媒體操控曝光個陣多咗唔少曝光率。我哋多咗好多渠道去接觸不同嘅音樂。我自己就認為林家謙嘅曲同編係Canton pop入面有自己風格，而佢幫陳奕迅作嘅《是但求其愛》加埋小克嘅詞我會認為係陳奕迅久違嘅廣東歌神作。當然除咗林家謙，好似Serrini同Perse呢啲非主流嘅音樂人都能夠打入大眾嘅耳仔入面。因為時代改變，新人多咗機會曝光，唔同嘅音樂人都可以有自己嘅平台製作，可以話有種難得一見百花齊放嘅感覺，多咗咁多人討論本土歌手同作品已得係一件值得開心嘅事。

最後我想話，其實每代都會有每代嘅明星。因為時代嘅轉變，每代嘅明星定義同感覺同會隨時代改變。好似我係90後，就嚟30歲，以前聽極都係陳奕迅古巨基個啲，再多啲都係張敬軒陳柏字。上一代個啲明星係張國榮、梅豔芳，講到陳奕迅上一代嘅人都覺得比下去啦。所以其實無得咁樣比，大家要接受時代嘅轉變，欣賞返當代有份努力嘅音樂人。當然以前嘅歌手好重視唱功同台上功架等等嘅專業態度都好需要被重視，不過呢啲嘢都係每人有自己準則，比起無人再討論廣東歌，多返咁多人關注已經係一件好事。

唔好再問：「叱咤樂壇頒獎典禮其實有咩咁好睇？」不如今年比啲時間去留意下聽下新嘅作品，下一年再去投票比你鐘意嘅歌或者人啦。有得嗌下點都好睇啦啩。


每天關注我的9UP狀況：
https://www.instagram.com/ernest_pch/

利君雅 因為一句：「講人話吖！唔該～」「噚晚你瞓唔瞓得著？」
因而聲名大噪，更被網民封為新聞女神。
今集閒談 為何有人能講出一口流利廣東話，但亦有人居港十多年 仍然無法學會。
到底當中出現了甚麽問題？本集和大家探討一下～

娛樂八卦 精選影片
YouTuber 黃標事件 https://youtu.be/nSUzuMv2444
安心事件 九型人格 https://youtu.be/yVnXRpiKqoA
屎家軍 食花生 https://youtu.be/tPbyyqzoGR0
屎萊姆 笑大J冇朋友 https://youtu.be/odk3W3tiYqo
微辣 大排檔欺凌事件 https://youtu.be/ggo7SVe2IGk
中國人為何喜歡食野味 https://youtu.be/WSmX6j_QFNw
羅志祥 周揚青 https://youtu.be/Donr0oB9FTY
項明生 開分身斷正 https://youtu.be/__YLlq_TLH8
花花公子 vs 魚腩 https://youtu.be/fNwkY8P6CiQ
Bomba 最後的影片 https://youtu.be/xzf0gxDJ0w4
屯門公園 大媽跳舞 https://youtu.be/wakrtktwf2I
Bob叔 大戰 慕容公子 https://youtu.be/MN-eBkCDJFU
大陸吃播 大胃王影片被指做假 https://youtu.be/OTGUPCp-MtM

「會員計劃」經已開通
https://www.youtube.com/channel/UCecL2Rw4aDHdq9OJ5gO4Ejw/join
只須點擊「加入」-＞「選擇讚助金額」-＞按照頁面指示「完成讚助」

假如你曾經因為 我的影片 而得到某些啟發
您的小小心意 將會是本台最巨大的支持

KTSmagic 需要您的 支持 及《訂閱》
https://www.youtube.com/c/Ktsmagic?sub_confirmation=1

#利君雅 #廣東話 #新聞女神 #粵語 #講人話