我想分享吓今日試食咗啲咩喎。
我發覺成日叫同事試食，
佢哋個樣好似好慘咁，
一係就午飯已經食得太飽，
一係試食咗就食唔到佢哋嘅帶飯。
今日我安排黃昏試食，
我們的端午同父親節食品：
台灣糭（全素），
藜麥鹹肉糭，
港式奶茶雪糕蛋卷。
我叫佢哋試一啖，
好食就打包返屋企俾屋企人試囉。
每件食物，要先擺好位影定product相，
唔駛打燈㗎，因為公司有個射燈位專影product，
再加個app事後調吓光就OK；
一齊試食，我講吓product knowledge，
食物故事，Chef 點解要咁整之類，
大家又俾吓味道上嘅意見；
跟住傾成本，包裝，
成份資料，分工，上架，銷售schedule，
跟住拗吓個價錢咁。。。
喺Chef table 我哋會擺設得認真啲嘅，
Chef 要搞埋presentation,
但試食pastry 同糭，
我哋就咁喺office 大廳食，
為咗慳洗碟，個個用手兜住食，好casual.
食嘅時候，同事通常會幫我影啲相，
一來因為我食嘢個樣好開心，
二來佢哋等我出post 時有啲相用吓。
今日我哋狂風掃落葉，食晒兩款糭：
台灣素糭用五穀做，我哋喺台灣訂貨回來的，
鹹肉糭減咗糯米加三色藜麥，改了幾次配方，
兩個都係較健康的糭選擇，
放喺冰箱幾時食都得，
同事好鍾意，
個個食完都即買現貨帶返屋企。
跟住試港式奶茶卷，
用我哋之前沖樽仔奶茶個茶葉配方，
每條卷落足150g 茶葉，
blend 細再做落cream。
同事個個話飽，試一片奶茶卷，
然後各自返埋位拿自携飯盒，
包好蛋卷返屋企同屋企人食。
其實好開心，
工作中重要任務係試食，
而且我可以好有信心咁講，
我哋堅係出品強。
12:00am, Live傾。
#ocheflab #食物研究所
#maxihouse #萬事屋
#港式奶茶王雪糕蛋卷 #台灣糭 #藜麥糭
#試食
港式奶茶王雪糕蛋卷 在 我杯茶- 港式奶茶鴛鴦專門店 - Facebook 的推薦與評價
上星期同朋友去左食“Gradini X 我杯茶” 港式奶茶下午茶，以奶茶為主題再加入港式元素，就好似加了奶茶嘅砵仔蛋，奶凍同雪糕，奶茶雪糕味道香濃，很好 ... ... <看更多>