再見了港龍, 一間真正屬於香港人嘅航空公司
35年嘅香港人歷史, 輸咗俾一場世紀疫症!
還記得當時港龍 Sales 上嚟我地公司, 話要開香港/大連線, 叫我地大力支持, 仲話會開拓更多獨家線路, 叫我地放心賣佢地嘅產品!一路走來, 我們承諾你了, 支持你們走到最後!
#港龍航空多謝你幅相我地有keep住
疫情下全球旅遊業完全停頓, 旅行社,航空公司,酒店都受到前所未有的打擊, 至今全球已超過40間航空公司破產. 國泰就好似香港嘅縮影(創立於 1946年), 一直係一個香港人會感到自豪嘅品牌, 亦係國際有一定地位. 近年來國泰正值多事之秋, 令不少港人對其品牌又失望但又痛心, 因為國泰係每一個香港人嘅回憶, 去旅行嘅, 去移民嘅, 去探親嘅, 700萬人千千萬萬嘅故事都從踏上機門的一核開始. 全香港人都希望你可以為香港繼續Move Beyond, 自強不息地為大家帶來驕傲, 再次讓港人感到自豪!
#我想去旅行 從1973年至今, 經歷過沙士, 金融海嘯, 都未見過如此慘絕人寰嘅一幕, 見到旅遊業界絞盡腦汁疫境求存, 有航空公司推出飛機餐外賣, 有酒店推出各式各樣嘅 Staycation, 有旅行社賣水果, 賣產品, 租車公司去送外賣. 香港人就係有呢一種 #打不死嘅獅子山精神 , 大家會為咗一個品牌, 一個香港人嘅自家品牌會感到自豪. 我想去旅行呢一個品牌, 由旅行社第二代創辦, 目的係想俾更多人可以去到旅行, 2020年呢一個里程碑停了下來, 轉型推出香港酒店 Staycation, 網上商店等不同形式嘅生意, 為了一班員工, 為了呢一個品牌, 多謝大家一道路嘅支持, 我無後悔過, 「成功路上高智商不及傻堅持」。
希望好快可以再同各位係寰宇一家嘅成員 — 國泰航空上見面
