【 有片睇！／《陽關道》22／12登陸Netflix一分鐘預告曝光 】
「對我嚟講，真係一件幾夢寐以求嘅事！」
儘管 王貽興 的錄音短訊裏的說話語氣如何平靜，但我知道，他的內心有股說不出的興奮，再直接點說，是一種因為自己跟團隊的努力獲得認同後，由衷的振奮感覺，事關由他與 劉翁 兼任編劇和導演、李治成和潘嬋娟總監製、柳瑩監製、馬來西亞 Astro華麗台 投資的網絡港劇《陽關道》，將於2018年12月22日於 Netflix 上架，是繼去年《 反黑 》後，第二套獲Netflix購入播放的港劇，難怪貽興如斯開心，事實上，因為我曾去到拍攝現場見證這部劇如何拍攝，亦了解整個故事的創作意念，所以《陽關道》今天得到這個結果，我也替他們高興。
當然成事之前，總是一波三折，「我記得，最初我同Sunny（劉翁）去做呢個劇嘅時候呢，其實係好希望可以回流番嚟香港，咁佢喺馬來西亞播嘅時候，係華麗台最高收視（2018年8月最高收視劇集），然後亦都成功將佢賣咗去新加坡，同埋其他唔同嘅埠，但係香港喺邊度播呢？我哋一直都好努力，最後都因為各種原因唔能夠成事。」
貽興的意思是，之前確實有跟如有本地電視台商討售出《陽關道》的版權，惟不得要領，他直言相當失望。「負責人睇完之後，竟然會同我哋講，話覺得呢套劇個尺度有啲大，驚電視播唔到，會剪到好碎，但我同Sunny當時聽到好愕然，就係其實馬來西亞向來喺我哋嘅認知入面，佢哋對於呢類血腥、暴力、鬼神嘅內容，應該係更加保守，但通過呢套劇，我哋發現，原來今時今日嘅香港竟然係最最最保守嘅城市？唔係講題材或者劇情上，有啲政治審查，但原來有啲合理嘅、應有嘅暴力鏡頭或者敏感少少嘅題材，香港電視台已經唔敢播！」與其說失望，不如說灰心，因為這是一套港劇，卻無法在香港市場播出，雖然如此，貽興和Sunny當時覺得已盡了力，所以也沒有想過下一步要做些甚麼。
塞翁失馬，焉知非福？好老套呀呵！係呀，真係好老套㗎，但世事就是如此。就在《陽關道》於馬來西亞播出大結局的那個星期，貽興突然收到消息：「向來神秘的Netflix買片部門，竟然越洋主動聯絡馬來西亞的華麗台，就話佢哋有留意呢套劇，睇咗，就覺得好喜歡，覺得好適合佢哋嘅平台，然後商量話要買（版權）喇！」是的，貽興承認，由這一刻開始，去到Netflix落實購入，當然經歷無數轉折，「我同Sunny真係成日都坐過山車，心情好緊張，好驚呢個『小朋友』會流產，中間會有咩變故，最後好好彩，Netflix決定買，亦決定12月22日喺全球上架，對我哋成個團隊，台前幕後，都係一個好好嘅鼓勵。」
他想起早些日子跟Sunny說了一句話：「如果呢套劇將來可以放喺Netflix播就威威豬喇！」如今竟然成真，在個人層面外，貽興認為今戰一勝，有更深遠的意義。「因為而家喺香港做劇，如果你唔做大台嘅劇，除咗ViuTV會願意畀其他人去Form條Team幫佢哋拍套劇之外，HMVOD或者FOX Plus搞網劇，都未必個個人可以Reach到佢哋開劇，香港都真係冇乜機會去搞劇，冇門路，冇頻道，真係好狹窄，我諗呢個成本唔算高，但用創意搭夠嘅示範，可以畀到大家一個強心針，就係如果你畀心機去搞劇，總會有一個你意想不到的出路！」
《陽關道》全劇13集，三位主角分別是 詹瑞文 Jim Chim、 陳國邦 以及 艾威 Al Wai，其他演員包括王貽興、劉翁、駱應鈞、冼灝英、 楊淇Kate Yeung 、 KaKi Sham 岑珈其、 黃定謙 WTHimmy 、 陳健朗 Kinlong Chan、 江若琳 Elanne Kwong 、 Scarlett Wong 黃心美 、 麥玲玲、 余采霖 DanYu 、 詹朗林、樓南光以及Lauren Lau 劉泉 （魔童）等等。劇情稍後再講，今天率先送上60秒預告，王貽興透露其中一幕三位主角齊集：「呢場戲，佢哋三個飇戲，好正，拍嗰陣我地都睇到出晒手汗！」
＊鳴謝 青山不墨 提供《陽關道》字體
（09122018）
＃游大東 ＃游大東影視筆記 ＃游大東有片睇 快樂的 思想。影視隨筆 講劇大時代 ＃陽關道 ＃astro華麗台 ＃港劇 Blacklight Artist Management Dumb Youth Ho Ying Sin Ong Yi Hing Rani Lau Rani Lau III Sunny Lau Whatasunnyday
游大東有片睇 在 游大東【鴻鵠志－影視筆記】 - Facebook 的推薦與評價
由陳詠燊執導的《飯戲攻心》，上映不足兩個月（9月7日開畫），今天（10月25日）安樂影片透過社交平台宣布，電影的累積票房已突破7,000萬大關，入場人次多達100萬，成為香港 ... ... <看更多>