香港編劇界的職場生態，比起「膠劇」更加癲狂
//香港編劇權益聯盟喺度簡單補充幾點：
-
1) 當聯盟代表聯絡葉廣蔭嘅時候，佢直情大膽到聲稱自己「唔係咩僱主，只係組織一班人開開心心開工」「做得好，大家有糧出，做得唔好，人地吾收貨，我都冇辦法」（圖3）。咩叫做「冇辦法」？做得唔好無糧出？莫講誠信，根本毫無邏輯理智可言。
-
2) 葉廣蔭邀請聯盟代表作勞資雙方會面談判，但在聯盟答應後葉廣蔭竟然拒絕事主鄭小姐出席（圖4），咁請問可以傾啲咩？對住記者又突然變成因限聚令而唔談判？
-
3) 葉廣蔭屢次利用上司身份對鄭小姐提出無理要求，其中一啲與工作無關嘅對話（圖5）更加係令人感到極度不安。鄭小姐僅僅只是在工作時間外與同在co working space工作的外籍男士簡單交談數句，葉廣蔭便將之形容為「溝仔」、「撩人」，對鄭小姐不合理地大肆責難。葉廣蔭喺報導入面將鄭小姐受壓下作出嘅答覆扭曲成佢自己認錯，簡直令人髮指。
-
4) 鄭小姐係葉廣蔭僱用嘅全職編劇，而且從來冇同意過可以零通知期。
-
5) 按照僱傭條例，無試用期嘅連續性僱傭合約，最少要有一個月嘅通知期，唔該葉廣蔭唔好再扭曲事實。
-
6) 鄭小姐係因為半年合約嘅承諾先至辭去佢原先工作，疫情之下，葉廣蔭不但鬼祟地違背簽約承諾，仲無理解僱鄭小姐，理應賠償佢經濟上損失，所以聯盟要求葉廣蔭賠償三個月薪金（四萬五千元），合理不過，我地絕不退讓。//
