《陀檜師姐2021》諷刺警察「Bitchilization」之作？
～無須查字典，「Bitchilization」當然不是英文字，如果閣下是詹瑞文粉絲，就知道何解了，這是詹sir創作出來的名詞，「Bitchi」是白痴的拼音，這個字即係「白痴化」的意思，上YouTube還睇到這段經典短片，好鬼好笑！
～ 這劇根本無須要叫做《陀槍師姐》，劇情上就算無左滕麗明飾演的陳三元也可以。劇名可直接叫《懸案小組》、《懸來就是愛》、《懸愛特攻》、《恨嫁師姐》⋯總之呢套劇唔應該叫《陀槍師姐》，唉，又一經典lP被毀了！
～ 為了所謂搞笑，兩位主角都被「Bitchilization」，真心寧願宣萱繼續做Mall姐這種女強人角色，好過做這個恨嫁恨到無晒個性的戴安娜。已經去到網劇年代，大台劇的女主角，仍然停留在黑白粵語長片年代，女人一定要嫁人這種觀念。陳豪的檬sir設定完全重複「殺手」Zero，最初有型出場，跟住同女主角鬥一輪氣，一開始拍拖便「Bitchilization」，變成住家男人咁，配合埋他的難頂假音，搞到個角色好鬼難頂！至於又係玩前度出現搞三角，呢條橋差不多套套劇都有，悶過BBQ結局。
～ 兩個主角搞到「低低地」，懸案小組好「騎呢」，「小氣sir」又係白痴一名，威sir完全係個小男人，成個差館都「Bitchilization」，其實是否暗寸緊警察呀？係嘅又唔錯喎！
～ 黑社會和卧底線隨時好睇過警察線，不過，條橋同《反黑路人甲》和《使徒行者3》的黑幫橋段根本大同小異，用到殘了！
～ 一開始說了，全劇最吸引係「湯圓」，之後還有「魚子醬」。
滕麗明 在 陽光不斷照(1997) - 唱：滕麗明(滕麗名) - 無綫兒歌MV 的推薦與評價
曲：高文編：黃為光詞：高文唱：滕麗明(滕麗名) 監：高文------------------- 編導：王愛蘭演出：滕麗明現場版：https://youtu.be/Nh-MZFtgfxA ... ... <看更多>